1 Corintios 7:19 - Quiché Bible

¹⁹ We jun achi kopim ri u wi' ri u tz'umal ri achi wi, o man kopim taj, man c'o ta u banic wa'. Xane' ri u nimaxic ri u takanic ri Dios, are ri' c'o u banic.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁹ Maj kutayij we sakꞌital jun o man sakꞌital taj. Are kꞌo kutayij we kanimaxik ri utaqanik ri Dios.

K'iche'

¹⁹ We cojom retal ri ojer trato che ri ka cuerpo o man cojom taj, man are tä ri' ri nim u banic, xane are la' chi cujniman chque tak ru takanic ri Dios.

K'iche' (New Orthography)

¹⁹ We kojom retal ri ojer trato che ri qa cuerpo o man kojom taj, man are tä ri' ri nim u b'anik, xane are la' chi kujniman chke taq ru taqanik ri Dios.

1 Corintios 7:19 ပူးပေါင်းရင်းမြစ်များ

Ri Matey 5:19

Je c'u ri' apachin ta ne ri man cunimaj ta jun chque ri pixab, pune' are ch'utin na, cubij c'u chque niq'uiaj winak chic chi man cäquinimaj taj, ri are cubinaj na sibalaj nitz' pa ri rajawibal ri Dios. Apachin c'u ri cunimaj ri pixab, cubij c'u chque niq'uiaj winak chic chi cäquinimaj, ri are cubinaj na nim pa ri rajawibal ri Dios.

Ri Xuan 15:14

Ix ri' ri ix wachil, we quibano jas ri quixintak wi.

Romanos 3:30

xa' c'u jun ri Dios. Rumal ri cojonic, ri Dios cäk'alajisanic chi e suc' chuwäch ri are' ri aj judeyib ri cojom quetal re kopinic che ri qui tz'umal ri e achijab wi. Xukuje', rumal ri cojonic, ri Dios cäk'alajisanic chi e suc' chuwäch ri are' ri winak ri man cojom ta ri quetal re kopinic che ri qui tz'umal ri e achijab wi.

1 Corintios 8:8

Man rumal ta c'u rech ri ka wa cujc'amowax rumal ri Dios. We man cäkatijo, man rumal ta ri' ma ta uj utz. We c'u cäkatijo, man rumal ta ri' sibalaj ta uj utz.

Gálatas 3:28

Man c'o ta c'u aj judeyib, mawi man aj judeyib taj; man c'o ta lok'om pataninel, mawi tzokopitalic; mawi achi, mawi ixok; iwonojel xa' ix jun pa Crist Jesus.

Gálatas 5:6

We ix jun ruc' ri Crist, pune' cojom ri u kopixic ri u wi' ri u tz'umal ri ix achijab wi che iwetal, o man cojom taj, man are ta ri' ri c'o u banic, xane' are ri cojonic cächacun rumal ri lok'ok'ebal c'u'x.

Gálatas 6:15

Ri winak ri e jun ruc' ri Crist Jesus, man c'o ta u banic we kopim ri u wi' ri u tz'umal ri e achijab wi che quetal, o man kopim taj. Ri c'o u banic are ri c'ac' winakirisam.

Colosenses 3:11

Man c'o ta chi cubij we aj judey o we man aj judey taj, we kopim ri u wi' ri u tz'umal ri ix achijab wi o man kopim taj, we naj cäpe wi, we man c'o ta retamanic, we lok'om pataninel o tzokopitalic; ri c'o cubij chi ri Crist are' ronojel pa conojel.

Ri Josue 5:5

Pune' c'u conojel ri xebel ulok pa Ejipt, kopim chic u wi' ri qui tz'umal ri e achijab wi ri achijab, are' c'u ri c'äte xebalax pa ri be pa ri chaki'j uwo sak man banom ta wa' chque.

Apocalipsis 22:14

Utz que ri qui ch'ajom ri catz'iak, rech ya'tal ri che' re c'aslemal chque, xukuje' rech queboc pa tak ri u chi' ri tinimit.

Nabe Samuel 15:22

Xubij c'u ri Samuel: “Are c'u sibalaj cäkaj na chuwäch ri Ajawaxel chi cänimaxic, che u q'uexwäch ri qui chi'xic tabal tak tok'ob xukuje' tak tabal tok'ob ri quechajirisaxic; are nim na u banic ri u nimaxic xukuje' ri u ya'ic xiquinaj che ri cubij che u q'uexwäch ri qui chi'xic tabal tak tok'ob xukuje' ri qui xepoyil tak ri chij.