1 Corintios 7:11 - Quiché Bible

¹¹ We c'u ri ixok cuya' can ri rachajil, chcanaj can chi jeri', mäc'uli' chic, o chutzir chi jumul ruc' ri rachajil. Xukuje' ri achi mujach can ri rixokil.

RI KꞌAKꞌ TESTAMENTO PA TZIJOBꞌAL KꞌICHEꞌ

¹¹ We kꞌu kujach ri rachajil, makꞌuliꞌ chi bꞌa junmul, xane tzalij rukꞌ ri rachajil. Xuqujeꞌ ri achi mujach ri rixoqil.

K'iche'

¹¹ We c'u ri ixok cujach can ri rachajil, mäc'uli chic. We ta mat je ri', are utz na we xa cutzir ruc' ri rachajil. Je ri' xukuje' ri achi mujach can ri rixokil.

K'iche' (New Orthography)

¹¹ We k'u ri ixoq kujach kan ri rachajil, mäk'uli chik. We ta mat je ri', are utz na we xa kutzir ruk' ri rachajil. Je ri' xuquje' ri achi mujach kan ri rixoqil.

1 Corintios 7:11 ပူးပေါင်းရင်းမြစ်များ

Ri Isaiy 50:1

Ri Ajawaxel cubij: “¡Michomaj chi xinjach can ri Israel ri i nan, jacha' ri cuban jun achi cujach can ri rixokil, o xixinc'ayij ta bic jacha' pataninelab ri que lok'ic u mac rech chi c'o ta nu c'as ruc' jachin jun! Ri ix xixc'ayix bic rumal rech chi xixmacunic; ri Israel ri i nan, xjachic rumal rech chi man xixniman taj.

Ri Jeremiy 3:1

Ri Ajawaxel je cubij wa': “We jun achi cujach bic ri rixokil, ri ixok, aretak jachtajinak chic rumal ri rachajil, cäc'uli' chi c'ut ruc' jun achi, ri nabe man cuya' ta chic cac'uli ta chi ruc'. ¡Jun c'axalaj yok'obal wa' che ri ulew! Are c'u ne ri at, Israel, cuc' q'ui awachil at caban wi ri qui mac ri e quech ri nim ch'utin, ¡are c'u cawaj cattzelej ta chi wuc' camic! In, ri Ajawaxel, quinjiquiba' u bixic.

Ri Matey 5:32

Ri in c'ut quinbij chiwe, chi ronojel jachin ri cujach bic ri rixokil, we man rumal ruc'axic rib ruc' jun achi che u banic macunic, are' cuban che ri ixok chi cäkaj chupam ri mac. Apachin c'ut ri cäc'uli' ruc' ri ixok ri jachom, xukuje' cux jun ri xkaj pa mac.”

Marcos 10:12

We are' ri ixok cujach can ri rachajil, we cäc'uli' chi ruc' jun achi, cäkaj ri' pa mac chrij ri rachajil.”

Marcos 10:2

Xebopan jujun pariseyib ruc' ri Jesus. Xquic'ot u chi' xa che u ta'ic jas cubij. Xquita' che we ya'tal che jun achi cujach bic ri rixokil.

Ri Lucax 16:18

“Ronojel achi ri cujach bic ri rixokil, cäc'uli' chi c'u ruc' jun chic, ri are' cäkaj pa mac. Xukuje' ri achi ri cäc'uli' ruc' ri ixok ri jachom bic rumal ri rachajil, ri are' cäkaj pa mac.”

1 Corintios 7:10

Quintakan chque ri e c'ulanic, chi ri ixok cojonel mujach can ri rachajil. We takanic ri' man xa ta wech in, xane' rech ri Ajawaxel.

1 Corintios 7:12

Quinbij in chque ri niq'uiaj chic, man are ta c'u ri Ajawaxel cäbinic: We c'o jun kachalal ri c'o rixokil ri man cojonel taj, we cäraj ri rixokil cäc'oji' ruc', mujach bic.

U Camulixic ri Pixab 22:19

caquik'at c'u na tzij puwi' cutoj c'u na jun sient rakan sak puak pa u k'ab ri u tat ri ali rumal chi xresaj u q'uixbal jun k'apoj ali pa Israel. Ri ali cutakej c'u na ruxic rixokil man cuya' ta cujach pa ronojel ri u c'aslemal.