1 Corintios 6:9 - Quiché Bible

⁹ ¿La ma ta iweta'm chi ri winak man e suc' taj man cäquechbej ta ri rajawibal ri Dios? Mixsubutajic. Ri quebanow macunic cuc' ixokib achijab, mawi ri quequik'ijilaj tak diosib, mawi ri quekaj pa mac cuc' niq'uiaj chic, mawi ri achijab ri cäquiban quib chi e ixokib, mawi ri achijab ri cäquiban ixok che jun cach achi,

RI KꞌAKꞌ TESTAMENTO PA TZIJOBꞌAL KꞌICHEꞌ

⁹ ¿La man kꞌu iwetaꞌm chi ri itzel taq winaq man kok taj pa ri ajawarem rech ri Dios? Misubꞌ iwibꞌ, ri kemakun kukꞌ taq achyabꞌ xuqujeꞌ ixoqibꞌ, xuqujeꞌ ri keꞌkiqꞌijilaꞌj ri e bꞌanom taq tyox, ri e kakabꞌ kachajil, kakabꞌ kixoqil, ri achyabꞌ ri keqꞌoyik kukꞌ nikꞌaj achyabꞌ chik, xuqujeꞌ ri achyabꞌ ri kakibꞌan mak kukꞌ e kech achyabꞌ

K'iche'

⁹ ¿A mat iwetam chi ri winak ri man jicom tä canima' man c'o tä que ri e are' cuc' ri winak ri cätakan ri Dios pa qui wi'? ¡Misub iwib! Ri winak ri je' cäca'no jas ri cäca'n ri tz'i' ri xak cäquirik quib, man c'o tä qui pixab, ri winak ri quequik'ijilaj tak tiox, ri winak ri cäca'n ri nimalaj mac ri äwas u banic ruc' ri rixokil o rachajil jun winak chic, ri achijab ri cäca'n ixok che jun cach achi,

K'iche' (New Orthography)

⁹ ¿A mat iwetam chi ri winaq ri man jikom tä kanima' man k'o tä ke ri e are' kuk' ri winaq ri kätaqan ri Dios pa ki wi'? ¡Misub' iwib'! Ri winaq ri je' käka'no jas ri käka'n ri tz'i' ri xaq käkiriq kib', man k'o tä ki pixab', ri winaq ri kekiq'ijilaj taq tiox, ri winaq ri käka'n ri nimalaj mak ri äwas u b'anik ruk' ri rixoqil o rachajil jun winaq chik, ri achijab' ri käka'n ixoq che jun kach achi,

1 Corintios 6:9 ပူးပေါင်းရင်းမြစ်များ

Chapletajic 19:5

xquichaplej u rakic qui chi' che ri Lot, xquibij: “¿Jawije' e c'o wi ri achijab ri xeboc pa ri awachoch pa we chak'ab ri'? ¡Chebawesaj ulok! ¡Cäkaj cujk'oyi cuc'!”

Elem 23:1

“Mebaya' tak k'alajisanic ri xa e banoj tak tzij, mawi majunaj a tzij ruc' ri banal etzelal rech catux k'alajisanel che u to'ic u wi' ri man suq'uil taj.

E C'ambal tak Tzij 11:1

Ri Ajawaxel quebuc'ulelaj ri pajbal ri man e tz'akat taj, are c'u sibalaj quekaj ri pajbal chuwäch ri e tz'akat.

E C'ambal tak Tzij 22:8

Ri cutic etzelal, cuyac na qui wächinic u q'ueyowal; ¡ri Ajawaxel cusachisaj na u wäch ruc' ri bara' re ri royowal!

E C'ambal tak Tzij 7:27

Ri u takexic ri be ri cäbe cho rachoch are' wa' ri u takexic ri u be ri cämical.

Ri Isaiy 55:7

Ri banal etzelal chuya' can ri itzel u be, ri itzel winak chebuya' can ri itzel tak u chomanic chixtzelej ruc' ri Ajawaxel, quel c'u na u c'u'x chiwe chixtzelej ruc' ri ka Dios, xak c'u ix reyem che u sachic ri i mac.

Ri Ezequiel 18:11

ri man xebuban taj ri u tat, ri u bixic, ri are' jun, cäbe pa tak ri ula'nic ri coc'owisax paquiwi' tak ri juyub che u ya'ic qui k'ij tak ri e diosib, ri cutokij ri rixokil ri rajil u tz'akat,

Aj Levitib 18:20

Matk'oyi ruc' ri rixokil ri awajil a tz'akat, mawuc'aj awib ruc' rech matz'iloj c'u awib rumal.

Aj Levitib 18:22

Matk'oyi ruc' jun a wäch achi, jacha' ta ne chi catk'oyi ruc' jun ixok. Jun tzijol wa' ri sibalaj itzel.

Aj Levitib 19:15

Maban ri man suq'uilal taj aretak caban ri a k'atan tzij: mawi mato' u wi' ri tukar, mac'ayij a wib pa u k'ab ri c'o u cuinem. Are kas chabana' ri suq'uilal aretak caban ri k'atan tzij.

Aj Levitib 20:13

We c'o jun achi cäk'oyi ruc' jun achi jacha' ri cäk'oyi ruc' jun ixok, e quieb quecämisax na; q'uixbal c'u ri' ri qui banom e are ajchak'maquib che ri qui cämical.

Ri Zacariy 5:3

Xubij c'u chwe: “Chupam tz'ibatal wi ri c'okobal ri curik ronojel ri ulew. Je jas ri tz'ibatal chupam ri caperajil, man c'o ta jun ri chuban ta eläk' o xak ta lok' chuban ri chi'nic ri kas cäban na ri ma ta chi c'äjisax u wäch.

Ri Matey 19:29

Conojel ri qui yo'm can cachoch, o cachalal, o canab, conojel ri qui yo'm can qui nan qui tat, conojel ri qui yo'm can quixokil, o calc'ual, o culew, rumal rech ri nu bi', caquic'am na jun sient chi je tak wa' xukuje' cäquechbej na ri junalic c'aslemal.

Ri Matey 25:34

Cubij c'u na ri Ajawinel chque ri e c'o pa ri riquiak'ab: ‘Tisaj, ix tewichi'm rumal ri nu Tat. Chiwechbej ri ajawibal ri suc'umam chiwe kas pa ri u tiquiritajic ri uwächulew.

Ri Lucax 21:8

Xubij c'u ri Jesus: “Chichajij iwib, mixsubutajic. E q'ui c'ut quepe na pa ri nu bi', cäquibij: ‘in ri' ri Crist.’ Xukuje' cäquibij: ‘Are' c'u k'ij wa'.’ Mixbe ba chquij.

Hechos 20:32

Camic c'ut, wachalal, quixinjach pa u k'ab ri Dios. Are' cäcuin che i yaquic xukuje' pa ri u tzij re lok'obal c'u'x. Cuya' ronojel ri u chi'm che ri tastalicalaj u tinimit.

Hechos 24:25

Aretak c'u ri Pawl xutzijoj ri jun suc'alaj c'aslemal che, ri k'iloj ib xukuje' ri k'atan tzij ri cäpe na. Ri Pelics xuxe'j rib, xubij che: “Xak je na la', cuya' catbec. Aretak c'ut cäbantaj wumal, quintakan chi na che a siq'uixic.”

Romanos 1:18

Quilitaj c'ut chi cäpe ri royowal ri Dios chicaj paquiwi' conojel ri winak ri man cäquiya' ta u k'ij ri Dios, ri cäquiban tak etzelal. Rumal ri etzelal ri cäquibano, man quetamax ta ri kastzij.

1 Corintios 15:33

Miya' iwib pa subic. Jacha' ri xubij jachin jun: “Ri e itzel tak achilanic que quetzelaj ri e utzalaj tak nak'atisabal.”

1 Corintios 15:50

Are c'u quinbij wa', wachalal, chi ri cuerp re ti'j, re quic', man cäcuin ta che rechbexic ri rajawibal ri Dios, rumal rech chi ri cuerp ri cäk'ayic man cäcuin ta che quechbexic ri jastak ri man cäq'uis ta qui wäch.

1 Corintios 3:16

¿La ma ta iweta'm chi ix rachoch ri Dios, chi jekel ri Ruxlabal ri Dios pa ri iwanima'?

1 Corintios 5:1

Kastzij xtatajic chi c'o jun chiwe cuban macunic cuc' ixokib, c'o c'u ri rixokil ri u tat ruc'. Ri mac ri' mawi ne cäquiban ri man aj judeyib taj.

1 Corintios 5:10

Man quinbij ta c'ut chi quitas iwib chquij ri winak aj uwächulew ri quemacun cuc' ixokib achijab, o ri cäquirayij ri jastak que niq'uiaj winak chic, o ri eläk'omab, o ri quequik'ijilaj tak diosib. We ta jeri', rajawaxic ta ri' quixel bic cho ri uwächulew.

1 Corintios 5:11

Ri nu tz'ibam bic chiwe, chi rajawaxic quitas iwib chrij ri jun ri ruc'am ri bi'aj aj achalal, we c'u cuban macunic cuc' ixokib achijab, o we curayij ri jastak que niq'uiaj winak chic, o we quebuk'ijilaj tak diosib, o we cäyok'onic, o we cäk'abaric, o we eläk'om. Ri je u banic wa', mixwa' ne ruc'.

1 Corintios 6:10

mawi ri eläk'omab, mawi ri cäquirayij ri jastak que niq'uiaj winak chic, mawi ri quek'abaric, mawi ri queyok'onic, mawi ri cäquimaj jastak que niq'uiaj winak chic, conojel wa' man cäquechbej ta ri rajawibal ri Dios.

1 Corintios 6:18

Chixanimaj chuwäch ri quibanic macunic cuc' ixokib achijab. Apachique chi jun mac ri camacun wi ri winak, man cunak ta ri u cuerp; apachin c'ut ri cumacuj cuc' ixokib achijab, cunak ri kas u cuerp che macaj.

1 Corintios 6:19

¿La ma ta iweta'm chi ri i cuerp are rachoch ri Ruxlabal ri Dios ri c'o pa ri iwanima', ri yo'm chiwe rumal ri Dios? Ri ix man iwech ta iwib.

1 Corintios 9:24

¿La ma ta iweta'm chi ri cäquic'am canim, conojel ri' cäquic'am canim, xa c'u jun chque cärikow ri tojbal? Je c'u ri' ri ix chicojo' i chuk'ab rech quirik na ri tojbal.

2 Corintios 12:21

Quinxe'j c'u wib xukuje' chi, pa ri wopanem iwuc' pa quieb oxib k'ij ri nu Dios cuban chwe chi quinna' q'uixbal rumal iwech, cuban c'u na chwe chi quinwok'ej i wäch ix q'ui chiwe ri kas xc'ori' qui takem ulok macunic, man qui yo'm ta c'u can ri tz'ilol, ri e macunic cuc' ixokib achijab xukuje' ri e itzel tak nak'atisabal ri quequibano.

Gálatas 6:7

Misub iwib, ri Dios man cuya' taj quetz'bex u wäch. Jas ri u tico'n ri winak, are je u wächinic cuyac na.

U Camulixic ri Pixab 22:22

We cäriktaj jun achi k'oyol ruc' jun ixok ri c'ulanic, e quieb quecämisax na. Je quiban wa' rech cäsach u wäch ri etzelal ri cäban pa Israel.

U Camulixic ri Pixab 22:5

Ri ixok mucoj ratz'iak achi xukuje' ri achi mucoj ratz'iak ixok, itzel c'u cäril ri Ajawaxel ri winak ri quebuban we jastak ri'.

U Camulixic ri Pixab 23:17

“Mawi jun achi mawi jun ixok aj israelib cutas ta rib che cuc'axic quib cuc' achijab ixokib che qui banic macunic ri caban pa ri qui k'ijilanic ri quequik'ijilaj diosib.

Colosenses 3:5

Chibana' ba' chi cäcäm ronojel ri quech ri e u tz'akatil ri e itzel tak e i rayinic ri e rech ri uwächulew: chi c'o jun mamacun cuc' ixokib achijab, mawi muban tz'ilalaj tak jastak, mawi mac'oji' u rayinic che u macurisaxic ri u cuerp, mawi mec'oji' itzel tak u rayinic, mawi mebuya' c'olbal chi ri ranima' queburayij tak k'inomal (are c'u wa' ri qui k'ijilaxic ri e diosib).

Hebreos 12:14

Chicojo' ri chuk'ab che ri c'olem pa jamaril cuc' conojel xukuje' ri ruc'axic jun tastalic c'aslemal; we c'u man jewa', man c'o ta jun cäcuinic querila' u wäch ri Ajawaxel.

Hebreos 12:16

c'o jun muban macunic cuc' ixokib achijab, o märetzelaj u wäch ri jastak re ri Dios, jas xuban ri Esau, ri xuc'ayij ri u nabealil che u q'uexwäch jun lak riquil.

Hebreos 13:4

Iwonojel nim chiwila' wi ri c'ulanem. Mitz'iloj ri c'ulanem, ri Dios cuk'ata' c'u na tzij paquiwi' ri quemacun cuc' ixokib achijab, xukuje' ri quekaj pa mac cuc' niq'uiaj chic.

Santiago 1:16

Lok'alaj tak wachalal, mixsubutajic.

1 Juan 3:7

Lok'alaj tak walc'ual, c'o mixsubuwic. Apachin ri cuban ri suq'uil, suc' ri', je jas ri are' suc'.

Apocalipsis 21:8

Are c'u ri cäquixe'j quib, ri man quecojon taj, ri e tz'ilobinak cumal itzelalaj tak jastak, ri cämisanelab, ri xak cäcuc'aj quib cuc' achijab ixokib che qui banic ri macunic, ri cäquiban itzinic, ri cäquik'ijilaj tak diosib, ri e banal tak tzij, quebe ri e are' pa ri cho ri cänicow wi ri k'ak' xukuje' asubre, are wa' ri ucab cämical.”

Apocalipsis 22:15

Chquij c'u ri u chi' quec'oji' wi can ri winak ri cäquiban tz'ilalaj tak jastak ri quequiban ri itzinic, ri xak cäcuc'aj quib cuc' achijab ixokib che qui banic macunic, ri cämisanelab, ri quequik'ijilaj tak diosib, xukuje' conojel ri cäkaj ri banoj tzij chquiwäch, ri cäquiban subunic.

K'atal tak Tzij 19:22

Aretak sibalaj cätajin quequicotic, xebopan jujun itzel tak achijab aj chila', xquisutij rij ri ja, xquichaplej u paxixic ri uchi'ja, xquibij che ri nim winak ri ajchak'e ja: “¡Chawesaj ulok ri achi ri a yo'm rokxanibal, cäkaj cujk'oyi ruc'!”