1 Corintios 5:8 - Quiché Bible

⁸ Je c'u ri', chkabana' ri nimak'ij re ri oc'owem, man ruc' ta ri ojer ch'am, mawi ruc' ri ch'am re etzelal, re u banic itzel tak jastak. Xane' chkabana' ruc' caxlanwa ri man c'o ta ch'am ruc'. Man ruc' ta quieb kanima', xane' ruc' kastzij.

RI KꞌAKꞌ TESTAMENTO PA TZIJOBꞌAL KꞌICHEꞌ

⁸ Xaq jeriꞌ qanaꞌtaj bꞌa ri Pascua man rukꞌ ta ri chꞌam ri man utz ta chik, are waꞌ ri mak xuqujeꞌ ri itzel taq jastaq xane rukꞌ chꞌajchꞌoj laj animaꞌaj xuqujeꞌ pa qas tzij. Pa ri nimaqꞌij Pascua, ri aꞌj Israel man kakiya ta chꞌam rukꞌ ri kaxlan wa. Man kaya ta bꞌe che jun aj Israel kuya chꞌam rukꞌ ri ukaxlan wa.

K'iche'

⁸ Ka'na ba' ri nimak'ij re ri Pascua ruc' ri kas tzij, xukuje' ruc' jun kanima' ch'ajch'oj, jas ri caxlan wa ri man cäyi' tä ch'äm ruc'. Mäka'n ri ka nimak'ij ruc' ru banic ronojel u wäch mac, ruc' ru banic etzelal. Junam c'u wa' ruc' ri ojer ch'äm.

K'iche' (New Orthography)

⁸ Qa'na b'a' ri nimaq'ij re ri Pascua ruk' ri qas tzij, xuquje' ruk' jun qanima' ch'ajch'oj, jas ri kaxlan wa ri man käyi' tä ch'äm ruk'. Mäqa'n ri qa nimaq'ij ruk' ru b'anik ronojel u wäch mak, ruk' ru b'anik etzelal. Junam k'u wa' ruk' ri ojer ch'äm.

1 Corintios 5:8 ပူးပေါင်းရင်းမြစ်များ

Salmib 32:2

Utz re ri winak ri man c'o ta itzel chomanic pa ranima', ri man cätzujux ta rumal ri Ajawaxel chi c'o u mac.

Salmib 42:4

Aretak quinchomaj quij we jastak ri', xa cänimataj ri nu k'oxom; cänataj chwe aretak in benak junam cuc' ri winak nu c'amom qui be c'ä pa ri rachoch Dios, cäkarak ka chi' ruc' quicotemal xukuje' cuj maltioxinic. ¡Jun nimalaj nimak'ij c'u ri'!

Elem 12:15

Wukub k'ij quitij caxlanwa ri man caya' ta ch'am ruc'; rumal ri' kas pa ri nabe k'ij man cuya' taj cac'oji' ch'am pa tak ri iwachoch. Apachin ta ne ri cutij caxlanwa ri yo'm ch'am ruc' pa ronojel ri wukub k'ij, quesax ri u bi' chquixo'l ri aj israelib.

Elem 12:19

Wukub k'ij mäc'oji' ch'am pa tak ri iwachoch, apachin ta ne ri cutij caxlanwa ri yo'm ch'am ruc' quesax na ri u bi' chquixo'l ri aj israelib, we i winakil, we man winakil taj.

Elem 12:8

Pa ri ak'ab ri' cäquitij na ti'j ri cäsa' cho k'ak' rachilam c'ayilaj tak ichaj xukuje' caxlanwa ri man caya' ta ch'am ruc'.

Elem 13:6

Wukub k'ij quitij caxlanwa ri man caya' ta ch'am ruc', pa ri uwuk k'ij quiban na nimak'ij che u ya'ic u k'ij ri Ajawaxel.

Elem 13:7

Pa ronojel ri wukub k'ij quetij na caxlanwa ri man caya' ta ch'am ruc', mawi märiktaj ch'am pa jun tinimit aj Israel o caxlanwa ri yo'm ta ch'am ruc'.

Ri Isaiy 25:6

Pa ri juyub Sion, ri Ajawaxel ri c'o ronojel u cuinem, cusuc'umaj na chque conojel ri nimak tak tinimit jun wa'im ri quetijow wi na je'lalaj tak jastak xukuje' u wa'l uva ri k'obisam, rachil je'licalaj tak riquil xukuje' ri kas utzalaj u wa'l uva.

Ri Isaiy 30:29

Are c'u ri ix e c'o tak na bix chiwe, ri cäban pa jun tastalicalaj nimak'ij chak'ab; ri iwanima' cäquicotic jacha' aretak cäbin jun ruc' ri rok'ibal su' benam re pa ri u juyub ri Ajawaxel, pa ri c'olbal ri cuto' wi rib ri Israel.

Aj Levitib 23:6

Pa ri olajuj rajilabal we ic' ri' coc'owisax ri nimak'ij re ri qui tijic ri caxlanwa ri man caya' ta ch'am cuc', wukub k'ij quitij ri caxlanwa ri man cäya' ta ch'am cuc'.

Ri Matey 16:12

C'äte ri' xquich'obo chi man are ta xubij chi cäquichajij quib chuwäch ri ch'am re ri caxlanwa. Xane' xubij chi cäquichajij quib chuwäch ri qui tijonic ri pariseyib xukuje' ri saduseyib.

Ri Matey 16:6

Ri Jesus xubij chque: “Chiwila', chichajij iwib chuwäch ri qui ch'am ri pariseyib xukuje' ri saduseyib.”

Marcos 8:15

Ri Jesus xebupixbej, xubij: “Chiwila', chichajij iwib chuwäch ri qui ch'am ri pariseyib xukuje' ri u ch'am ri Herod.”

Ri Lucax 12:1

Qui mulin quib q'ui mil winak ruc' ri Jesus, jeri' chi cäquitac'alela' quib. Nabe ri Jesus xuchaplej u bixic chque ri u tijoxelab: “Chichajij iwib chuwäch ri qui ch'am ri pariseyib, ri quel cubij ri qui cawächil.

Ri Xuan 1:47

Aretak ri Jesus xril ri Natanael cätajin copan ruc', jewa' xubij chrij: “Chiwilampe' jun kas aj israel, ri man c'o ta wi subunic.”

1 Corintios 3:3

rumal rech chi c'ä are quiban na ri u rayibal ri winak re mac! Itzel quiwil wi we jun chic curik utzil, quiyac ch'o'j, ¿la ma ta are quiban ri u rayibal ri winak re mac? ¿La ma ta c'ä quiban iwe ri cäquiban ri niq'uiaj winak chic?

1 Corintios 5:1

Kastzij xtatajic chi c'o jun chiwe cuban macunic cuc' ixokib, c'o c'u ri rixokil ri u tat ruc'. Ri mac ri' mawi ne cäquiban ri man aj judeyib taj.

1 Corintios 5:6

Man utz ta ri u nimarisaxic iwib. ¿La ma ta iweta'm chi ri jubik' ch'am cuch'amarisaj ronojel ri k'or?

2 Corintios 1:12

Sibalaj cujquicot rumal wa', chi cäkana' pa ri canima' chi uj tastalic tak winak che u patanixic ri Dios xukuje' man xa ta quieb kanima' pa ronojel ri ka banom cuc' conojel ri winak kas c'u are na chixo'l ix. Are ri Dios yowinak wa' chke rumal ri u tok'ob, man are ta rumal quetamabal winak.

2 Corintios 2:17

Uj man uj ta junam cuc' e q'ui ri cäquesaj qui ch'äcoj che ri tijonic ri cuya' ri Dios, xane' ruc' ronojel kanima', uj takom rumal ri Dios, xukuje' chuwäch ri Dios cujtzijon pa ri Crist.

2 Corintios 8:8

Man quinbij ta wa' chiwe jas jun takanic chi je quibana'. Xak xuwi quinwaj chi quiwetamaj jas cäquiban ri niq'uiaj chic, cäquicoj qui chuk'ab, rech ri ix quic'utu we kastzij c'o lok'ok'ebal i c'u'x.

Efesios 6:24

Tok'ob chque conojel ri quelok'ok'en ri Kajaw Jesucrist, ruc' jun lok'ok'ebal c'u'x ri man cajalc'at taj.

U Camulixic ri Pixab 16:16

Conojel ri achijab, oxmul che ri jun junab rajawaxic quebopan chuwäch ri Ajawaxel ri i Dios, pa ri c'olbal ri u cha'om, pa tak we nimak'ij ri': ri quech ri Caxlanwa ri man caya' ta ch'am cuc', ri nimak'ij que ri Wukub Wukutak K'ij, xukuje' ri nimak'ij que tak ri Cäbal. Man c'o ta jun ri ma ta c'o jas c'o pa u k'ab copan chuwäch ri Ajawaxel,

U Camulixic ri Pixab 16:3

Ri awaj ri capilic quitijo, cärachilaj caxlanwa ri man caya' ta ch'am ruc'. Wukub k'ij quitij ri caxlanwa ri man caya' ta ch'am ruc', are c'u caxlanwa wa' re ri rikoj c'ax, ruc' aninakil c'ut xixel ulok pa Ejipt; jeri' joropa' k'ij quixc'asi'c, cänataj na ri k'ij chiwe ri xixel ulok pa Ejipt.

Ri Josue 24:14

“Rumal rech wa', nim chiwila' wi ri Ajawaxel chipatanij ruc' jiquil man ruc' ta cawachil. Chebitzaka' can tak ri diosib ri xequik'ijilaj tak ri nabe tak i man chuchi' tak ri nima' Euprats xukuje' pa Ejipt, chipatanij ri Ajawaxel.

1 Pedro 4:2

Pa tak ri u k'ij ri c'o na cho ri uwächulew, man cuban ta chic ri itzel qui rayibal ri winak, xane' cuban na ri u rayibal ri Dios.