1 Corintios 5:11 - Quiché Bible

¹¹ Ri nu tz'ibam bic chiwe, chi rajawaxic quitas iwib chrij ri jun ri ruc'am ri bi'aj aj achalal, we c'u cuban macunic cuc' ixokib achijab, o we curayij ri jastak que niq'uiaj winak chic, o we quebuk'ijilaj tak diosib, o we cäyok'onic, o we cäk'abaric, o we eläk'om. Ri je u banic wa', mixwa' ne ruc'.

RI KꞌAKꞌ TESTAMENTO PA TZIJOBꞌAL KꞌICHEꞌ

¹¹ Pa we wuj riꞌ kintzꞌibꞌaj chiꞌwe chi man kuya taj kixkꞌojiꞌ kukꞌ we winaq ri kakibꞌij chi e kojonelabꞌ kꞌa te riꞌ kakibꞌan taq mak kukꞌ achyabꞌ xuqujeꞌ ixoqibꞌ, keꞌkiqꞌijilaꞌj e bꞌanom taq tyox, e bꞌanal taq tzij, e qꞌabꞌarelabꞌ xuqujeꞌ kakeleqꞌaj pwaq chike nikꞌaj chik, mixwaꞌ kukꞌ we winaq riꞌ.

K'iche'

¹¹ Xane xintz'ibaj bi wa' chiwe rech man quiwachi'laj tä chi ri winak ri cäquibij chi e are' kachalal, cäca'n c'u que jas ri cäca'n ri tz'i' ri xak cäquirik quib, man c'o tä qui pixab, o cäquirayij q'uia u wäch jastak, o quequik'ijilaj tak tiox, o cäquiyac tzijtal, o quek'abaric, o cäca'n ri elak'. Jun ri je' u banic wa' man cuya' taj quiwachi'laj, man quixwi' tä c'u ruc' jun ri cubij chi are kachalal, cuban c'u we mac ri'.

K'iche' (New Orthography)

¹¹ Xane xintz'ib'aj b'i wa' chiwe rech man kiwachi'laj tä chi ri winaq ri käkib'ij chi e are' qachalal, käka'n k'u ke jas ri käka'n ri tz'i' ri xaq käkiriq kib', man k'o tä ki pixab', o käkirayij k'ia u wäch jastaq, o kekiq'ijilaj taq tiox, o käkiyak tzijtal, o keq'ab'arik, o käka'n ri elaq'. Jun ri je' u b'anik wa' man kuya' taj kiwachi'laj, man kixwi' tä k'u ruk' jun ri kub'ij chi are qachalal, kub'an k'u we mak ri'.

1 Corintios 5:11 ပူးပေါင်းရင်းမြစ်များ

Salmib 10:3

Ri banal etzelal cunimarisaj u k'ij pa tak ri kas u rayinic; ri quiäk rayinel cac'okonic cäretzelaj u wäch ri Ajawaxel.

Salmib 101:5

Quintz'apij na u pa qui chi' ri xak chic'uyal queyok'on chque ri qui c'ulja: ¡man utz ta quinwil wi ri cuban nimal, ri cunimarisaj rib!

Ri Ezequiel 22:12

E c'o jujun a winakil caquic'ayij quib che qui cämisaxic ri cach tak winak. Caquiya' puak pa kajic rech caquic'am jalbal rech o cuch'äc ral, quequit'oro xukuje' caquiban tokinic chque tak ri cajil qui tz'akat, quinsach c'u pa qui jolom. In, ri Ajawaxel, quinjiquiba' u bixic.

Ri Matey 18:17

We ri awachalal man cutatabej ta ri qui tzij, chabij chque ri comon cojonelab. We c'u man cutatabej ri qui tzij ri comon cojonelab chux ba' chawe jacha' jun man cojonel taj, chux je jas jun tok'il alcabal chawe.

Ri Matey 23:25

¡Tok'ob i wäch, ajtijab re ri pixab xukuje' pariseyib! ¡Xa' quieb i wäch! Quich'aj ri rij ri mulul, quich'aj ri rij ri lak. Ri qui pam c'ut e nojinak che eläk'anic, xukuje' che ri itzel rayinic.

Ri Lucax 18:11

Ri parisey tac'alic, xch'aw ruc' Dios, xutzijobej rib, jewa' xubij: ‘O Dios, quinmaltioxij che la chi ri in man in je taj jas ri niq'uiaj winak chic: ri eläk'omab, ri man e suc' taj, ri quekaj pa mac cuc' niq'uiaj achijab ixokib chic. Quinmaltioxij che la chi ri in man in je taj jas we jun tok'il alcabal ri'.

Ri Lucax 21:34

Chichajij iwib, miwalobisaj ri iwanima' chupam ri munil, mixk'abaric, mixoc il che ri jastak re we c'aslemal ri', xak c'ätetal ne mäpe ri k'ij ri' chiwij

Hechos 1:15

E c'o q'ui cojonelab qui mulin quib, cäraj ne jun sient ruc' juwinak (120). Pa tak ri k'ij ri' xtaq'ui' ri Lu' chquixo'l ri achalaxelab, xubij chque:

Hechos 9:17

C'äte ri' xbe ri Ananiy, xoc pa ri ja jawije' ri c'o wi Sawl. Xuya' ri u k'ab puwi', xubij che: “Sawl, wachalal, ri Ajawaxel Jesus, ri xuc'ut rib chawäch pa ri be ri at petinak wi, xinutak ulok rech catca'yic, rech catnojisax che ri Ruxlabal ri Dios.”

Romanos 13:13

Chujbinok je jas ri pa k'ij, rech utz quilitaj ri ka chac. Mujk'abaric makamulij chi kib che nimak tak wa'im re wojcorem. Mujc'uji ruc' ri winak pa ri u ch'at ri man kech taj. Mäkaban ri ka rayinic ri man takal ta qui banic. Mäkaban ch'o'j. Itzel mäkil wi we jun chic curik utzil.

Romanos 16:17

Quixinbochi'j, wachalal, chi chajij iwib chquiwäch ri winak ri quequitas jujun cojonelab chquij niq'uiaj chic, ri cäquiban chque chi cuban quieb canima' che ri tijonic ri xiwetamaj. Chitasa' iwib chquij wa'.

1 Corintios 10:14

Rumal ri', lok'alaj tak wachalal, chixanimaj chuwäch ri qui k'ijilaxic tak ri diosib.

1 Corintios 11:21

Rumal rech chi aretak quixwa'ic, chijujunal quixnabej chquiwäch ri niq'uiaj chic che u tijic ri u wa. Ri jun cäcanaj pa numic, ri jun chic cak'abaric.

1 Corintios 5:13

Are c'u ri winak ri man e cojonelab taj, are ri Dios ri' cäk'atow na tzij paquiwi'. Chiwesaj ba' ri ajmac ri' chixo'l.

1 Corintios 6:10

mawi ri eläk'omab, mawi ri cäquirayij ri jastak que niq'uiaj winak chic, mawi ri quek'abaric, mawi ri queyok'onic, mawi ri cäquimaj jastak que niq'uiaj winak chic, conojel wa' man cäquechbej ta ri rajawibal ri Dios.

1 Corintios 6:6

¡Man xuwi ta quech'ojin jujun achalaxelab cuc' jujun chic xane' caquic'am bic ri qui ch'o'j chquiwäch ri e man cojonelab taj!

1 Corintios 6:9

¿La ma ta iweta'm chi ri winak man e suc' taj man cäquechbej ta ri rajawibal ri Dios? Mixsubutajic. Ri quebanow macunic cuc' ixokib achijab, mawi ri quequik'ijilaj tak diosib, mawi ri quekaj pa mac cuc' niq'uiaj chic, mawi ri achijab ri cäquiban quib chi e ixokib, mawi ri achijab ri cäquiban ixok che jun cach achi,

1 Corintios 7:12

Quinbij in chque ri niq'uiaj chic, man are ta c'u ri Ajawaxel cäbinic: We c'o jun kachalal ri c'o rixokil ri man cojonel taj, we cäraj ri rixokil cäc'oji' ruc', mujach bic.

1 Corintios 7:15

We ri ixokilaxel o ri achajilaxel, ri man e cojonelab taj, cäquicoj qui chuk'ab che u jachanic quib, chquibana'. We je cäban wa', ri achalaxel ri achi o ri achalaxel ixok cätzokopitajic, ix siq'uim c'ut ri ix rech quixjeki' pa jamaril.

1 Corintios 8:11

We je cäban ri', rumal ri awetamabal, cäsach u wäch ri awachalal ri maja' co pa ri u cojonic. Rumal c'u ri are' xcäm ri Crist.

Gálatas 2:12

Aretak majok quebopan jujun ri takom ulok rumal ri Santiag, ri Lu' cawa' cuc' ri man aj judeyib taj. Aretak c'u xebopan ri, e u takom ri Santiag, xutas rib chquij ri man aj judeyib taj, man xwa' ta chi cuc', rumal rech chi xuxe'j rib chquiwäch ri aj judeyib.

Efesios 5:18

Mixk'abaric. Chupam c'u wa' c'o c'axc'olil. Xane' chnojisax ri iwanima' che ri Ruxlabal ri Dios.

Efesios 5:5

Iweta'm chic chi conojel ri quemacun cuc' ixokib achijab, o cäquiban tz'ilalaj tak jastak, o cäquirayij q'uialaj tak jastak (xa junam wa' ruc' ri qui k'ijilaxic tak diosib), conojel wa' man c'o ta quechbal pa ri rajawibal ri Crist ri xukuje' rech ri Dios.

Colosenses 3:5

Chibana' ba' chi cäcäm ronojel ri quech ri e u tz'akatil ri e itzel tak e i rayinic ri e rech ri uwächulew: chi c'o jun mamacun cuc' ixokib achijab, mawi muban tz'ilalaj tak jastak, mawi mac'oji' u rayinic che u macurisaxic ri u cuerp, mawi mec'oji' itzel tak u rayinic, mawi mebuya' c'olbal chi ri ranima' queburayij tak k'inomal (are c'u wa' ri qui k'ijilaxic ri e diosib).

2 Tesalonicenses 3:14

We c'o jun man cunimaj ta ri ka tzij pa we wuj ri', chicojo' retal wa', miwachilaj, rech cäq'uixic.

2 Tesalonicenses 3:6

Kachalal, quintakan chiwe pa ri u bi' ri Kajaw Jesucrist, chi quitas iwib chrij apachin jun kachalal ri cubano xa jachique ri craj, man cächacun taj,

1 Timoteo 3:3

man u nak'atisam ta rib che k'abaric mawi yacal ch'o'j, xane' banal utzil, aj jamaril xukuje' man benak ta ranima' che u lok'oxic puak.

1 Timoteo 6:5

amak'el cäquic'ulelaj quib rumal rech chi sachinak qui no'j xukuje' man c'o ta ri kastzij cuc', pa qui c'u'x chi cäquich'äc puak chrij ri nimanic che ri Dios.

2 Juan 1:10

We c'o jun copan che i solixic, ri man ruc'am ta we tijonic ri', miwoquisaj pa ja, miya' rutzil u wäch.

Apocalipsis 2:14

C'o c'u quieb oxib jastak quinna' chawij, rumal rech chi e c'o jujun chixo'l ri cäquiterenej ri u tijonic ri Balaam ri xuya' u no'j ri Balac che u banic macunic chquiwäch ri israelib, rech cäquitij ri jastak ri e yo'm chquiwäch tak ri diosib, xukuje' ri cuc'axic quib cuc' achijab ixokib che qui banic macunic.

Apocalipsis 2:20

Quinna' c'u wa' chawij: a yo'm c'u che ri ixok Jezabel, ri cubij rib chi k'axal tzij, chi quebutijoj ri nu pataninelab xukuje' chi quebusub che u banic macunic cuc' ixokib, xukuje' che u tijic jastak ri e cojom chquiwäch tak diosib.

Apocalipsis 21:8

Are c'u ri cäquixe'j quib, ri man quecojon taj, ri e tz'ilobinak cumal itzelalaj tak jastak, ri cämisanelab, ri xak cäcuc'aj quib cuc' achijab ixokib che qui banic ri macunic, ri cäquiban itzinic, ri cäquik'ijilaj tak diosib, ri e banal tak tzij, quebe ri e are' pa ri cho ri cänicow wi ri k'ak' xukuje' asubre, are wa' ri ucab cämical.”

Apocalipsis 22:15

Chquij c'u ri u chi' quec'oji' wi can ri winak ri cäquiban tz'ilalaj tak jastak ri quequiban ri itzinic, ri xak cäcuc'aj quib cuc' achijab ixokib che qui banic macunic, ri cämisanelab, ri quequik'ijilaj tak diosib, xukuje' conojel ri cäkaj ri banoj tzij chquiwäch, ri cäquiban subunic.