1 Corintios 4:8 - Quiché Bible

⁸ C'o chi iwuc' ronojel ri quiwaj, ix k'inomab chic. Quixtakan chic, pune' man uj c'o ta iwuc'. Quinwaj chi kastzij quixtakanic, rech xukuje' ri uj junam cujtakan iwuc'.

RI KꞌAKꞌ TESTAMENTO PA TZIJOBꞌAL KꞌICHEꞌ

⁸ Xyaꞌtaj chiꞌwe ronojel ri karaj ri iwanimaꞌ, xixqꞌinomarik, xixux taqanelabꞌ pa kiwiꞌ ri winaq, man uj iwachiꞌl ta kꞌu uj. Kꞌo ta bꞌa ne wi qas ix taqanelabꞌ pa kiwiꞌ nikꞌaj chik rech jeriꞌ kujtaqan iwukꞌ.

K'iche'

⁸ Ri ix quichomaj chi ronojel chic c'o iwuc', je' ta ne chi ya ix k'inomab chic. Quina' iwib chi ix nimak tak takanelab chic. Are c'u ri uj xak uj yo'm can jela' iwumal. Cwaj ta c'ut chi kas tzij ix nimak tak takanelab rech ri uj xukuje' cujtakan junam iwuc'.

K'iche' (New Orthography)

⁸ Ri ix kichomaj chi ronojel chik k'o iwuk', je' ta ne chi ya ix q'inomab' chik. Kina' iwib' chi ix nimaq taq taqanelab' chik. Are k'u ri uj xaq uj yo'm kan jela' iwumal. Kwaj ta k'ut chi qas tzij ix nimaq taq taqanelab' rech ri uj xuquje' kujtaqan junam iwuk'.

1 Corintios 4:8 ပူးပေါင်းရင်းမြစ်များ

E C'ambal tak Tzij 13:7

E c'o jachin tak ri man c'o ta cäc'am chque cäquiban c'u quib chi e k'inomab, e c'o c'u jachin tak c'o ronojel cuc' cäquiban c'u quib chi e mebayib.

E C'ambal tak Tzij 25:14

E sutz' xukuje' ri quiakik' man c'o ta c'u jäb, jewa' ri ri winak ri cubij rib chi yanel man c'o ta c'u ri ya'tal ta rumal.

Ri Isaiy 5:21

¡Tok'ob i wäch ix ri quina' iwib chi c'o i no'j, xukuje' quina' iwib chi sibalaj c'o iwetamanic!

Ri Jeremiy 28:6

“¡Je', c'o ta banom wi chi ri Ajawaxel chubana' ta wa'! ¡C'o ta banom wi chi chubana' ta ri Ajawaxel chi che tz'akat taj ri tzij ri e a bim, chetzelex ta c'u ulok tak ri chaconisan rech ri rachoch Dios chetzelex ta c'u ulok conojel ri xec'am bic pa Babilon!

Ajilanic 11:29

Are c'u ri Moises xutzelej u bixic che: “¿La catachixoman chwe? ¡C'o ta banom wi chi ri Ajawaxel cuya' ta ri ruxlabal che ronojel ri u tinimit, conojel ta c'ut e k'axal tak u tzij ri Dios!”

Ri Matey 5:1

Aretak ri Jesus xeril ri q'uialaj winak, xpaki' pa ri juyub, xt'uyi' c'ut. Xekeb ri e u tijoxelab ruc'.

Ri Lucax 6:25

¡C'ax iwe, ri ix nojinak rumal rech chi quixnum na! ¡C'ax iwe ix ri quixtze'n camic, rumal rech chi quixok' na rumal bis!

Hechos 26:29

Ri Pawl xubij che: “Quintz'onoj ri' che ri Dios chi we xa' cumal quieb oxib tzij o cumal q'ui tzij, man xuwi ta ri lal, xane' xukuje' conojel ri cäquitatabej ri nu tzij camic, quebux ta ne je jas ri in, ma ta c'u e c'o we tikom tak ch'ich' ri' chque.”

Romanos 12:3

Rumal c'u ri tok'ob ri yo'm chwe, quinbij chiwe chijujunal, c'o jun muchomaj chi nim u banic, xane xak jas ri takal che. Chijujunal chichomaj iwib ruc' utzalaj chomanic, jas ri cojonic ri xujach ri Dios chiwe chijujunal, we nim o xa jubik'.

1 Corintios 1:5

Chi pa ronojel xixk'inomarisax wi rumal are' pa ri uxlabal, pa ronojel tzij, pa ronojel etamanic;

1 Corintios 4:18

E c'o jujun quetzelam quib, je ta ne ri ma ta quinopan chi na iwuc'.

1 Corintios 5:6

Man utz ta ri u nimarisaxic iwib. ¿La ma ta iweta'm chi ri jubik' ch'am cuch'amarisaj ronojel ri k'or?

2 Corintios 11:1

C'o ta banom wi quicuy ta jubik' ri nu conil. Weta'm c'ut chi quicuyu'.

2 Corintios 13:9

Cujquicotic aretak uj tukar, ri ix c'ut c'o i chuk'ab. Cäkaban ch'awem ruc' Dios rech quixtz'akatic.

Gálatas 6:3

We c'o jun cuchomaj chi c'o u banic, we man c'o ta c'u u banic, xak cusub rib.

Filipenses 1:27

Xak xuwi chibana' pa ri i c'aslemal jas ri takal che ri tzij re colobal ib ri u bim ri Crist. Jeri' we quinbe che iwilic o man quinbe taj, quinta' i tzijol chi co ix tac'alic, xa' jun iwanima', xa' jun i chomanic, junam quixchacun che u tzijoxic ri cojonic re ri tzij re colobal ib.

Filipenses 2:12

Je c'u ri', lok'alaj tak wachalal, jas ri i nimanic amak'el aretak in c'o iwuc' nabe, camic xukuje' sibalaj chixniman na pune' man in c'o ta chi iwuc'. Chicojo' i chuk'ab chi utz ri i c'aslemal ix colotajinak chi c'u ne', nim chi wila' wi ri Dios, china' iwib chuwäch.

Apocalipsis 3:17

Cabij c'ut: In k'inom, utz in c'olic, man c'o ta jas rajawaxic chwe. Man aweta'm taj chi sibalaj at c'okotajinak, tok'ob c'u a wäch, at meba', at moy, at ch'analic.

Apocalipsis 5:10

Banom c'u la chque chi quebux ajawinelab xukuje' e cojol tabal tok'ob chuwäch ri ka Dios, quebajawin c'u na paquiwi' ri uwächulew.”