1 Corintios 4:6 - Quiché Bible

⁶ Wachalal, xinbij wa' chwij in ruc' ri Apols che jun c'ambal no'j chiwäch, rech quiwetamaj chi man quichomaj ta jastak ri c'o na chuwäch ri tz'ibatalic, rech minimarisaj iwib rumal rech jun, mic'ulelaj c'u ri jun chic.

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ Qachalal, ronojel we kinbꞌij chiꞌwe nuchakubꞌem in, xuqujeꞌ je ubꞌanom ri Apolos jeriꞌ kujkwinik kixqatoꞌo, rech kiwetaꞌmaj chi man kibꞌan ta chi jun jastaq we man are ri tzꞌibꞌatalik. Rech maj jun kunaꞌ nimal cho jun chik.

K'iche'

⁶ Kachalal, quinbij wa' we tzij ri' chiwe rech quirik utzil. Xincoj c'u wib in, xukuje' ri Apolos che jun c'utbal chiwäch. Quinbij wa' chiwe rech quiwetamaj iwe kuc' uj chi man cuya' taj quiya u wi' ri i chomanic chrij ru Lok' Pixab ri Dios ri Tz'ibtalic, rech man c'o tä jun cunimarisaj rib che jun chke uj, cäretzelaj c'u u wäch ri jun chic.

K'iche' (New Orthography)

⁶ Qachalal, kinb'ij wa' we tzij ri' chiwe rech kiriq utzil. Xinkoj k'u wib' in, xuquje' ri Apolos che jun k'utb'al chiwäch. Kinb'ij wa' chiwe rech kiwetamaj iwe quk' uj chi man kuya' taj kiya u wi' ri i chomanik chrij ru Loq' Pixab' ri Dios ri Tz'ib'talik, rech man k'o tä jun kunimarisaj rib' che jun chqe uj, käretzelaj k'u u wäch ri jun chik.

1 Corintios 4:6 ပူးပေါင်းရင်းမြစ်များ

Salmib 146:3

Mebijiquiba' i c'u'x chquij tak winak ri nimak qui k'ij, chquij winak ri man c'o ta qui banic ri man quecuin ta queto'tajisanic,

Salmib 8:4

quinchomaj: ¿Jas cux ri winak? ¿Jas cux ri rija'l ri winak? ¿Jas che cänataj che la, xukuje' coc c'u la il che?

Ri Isaiy 2:22

Chitanaba' u cu'bisaxic i c'u'x chrij ri winak, ri man nim ta u k'ij, ri u c'aslemal ri winak xa' jun uxlabic.

Hechos 18:24

Xopan c'u jun aj judey pa Epes, Apols u bi'. Are aj Alejandriy, cäna'w che tzijonic, kas reta'm ri Tz'ibatalic.

Hechos 19:1

Aretak c'ä c'o ri Apols pa Corint, ri Pawl xoc'ow pa tak ri juyub. Te c'u ri' xopan pa Epes, ri xeburik wi jujun cojonelab.

Romanos 12:3

Rumal c'u ri tok'ob ri yo'm chwe, quinbij chiwe chijujunal, c'o jun muchomaj chi nim u banic, xane xak jas ri takal che. Chijujunal chichomaj iwib ruc' utzalaj chomanic, jas ri cojonic ri xujach ri Dios chiwe chijujunal, we nim o xa jubik'.

1 Corintios 1:12

Quinbij chiwe chi jalajoj tak ri quibij chijujunal. Jun cubij: “In rech ri Pawl”. Jun chic cubij: “Ri in in rech ri Apols”. Jun chic cubij: “Ri in in rech ri Lu'”. Jun chic cubij: “Ri in in rech ri Crist”.

1 Corintios 1:19

Tz'ibatal c'ut: “Quinsach na ri qui no'j ri ajno'jab; quinwesaj c'u na apanok ri quetamanic ri c'o quetamanic.”

1 Corintios 1:31

Rech je quelic jacha' ri cubij ri tz'ibatalic: “Apachin ta ne ri cubij chi cäquicotic, rajawaxic chubij chi cäquicotic rumal rech chi reta'm u wäch ri Ajawaxel.”

1 Corintios 13:4

Ri c'o lok'ok'ebal u c'u'x are ri' cuk'i' ri c'ax, ch'uch'uj, man cäpe ta royowal che jun chic we curik utzil, man cärak'anisaj ta u k'ij, man cunimarisaj ta rib,

1 Corintios 3:19

Ri qui no'j c'ut ri winak cho ri uwächulew xa' conil chuwäch ri Dios. Tz'ibatal c'ut: “Ri winak ri sibalaj quena'w che ri qui chomanic, ri Dios cuban chque chi quetzak rumal ri qui no'j.”

1 Corintios 3:21

Rumal c'u ri', c'o jun munimarisaj rib rumal rech ri u ternexic jun winak. Conojel c'u ri jastak e iwech.

1 Corintios 5:2

Ri ix c'ut i nimarisam iwib. Ri are ta ne quixbisonic, iwesam ta c'u ne chixo'l ri xbanow we etzelal ri' chixo'l.

1 Corintios 5:6

Man utz ta ri u nimarisaxic iwib. ¿La ma ta iweta'm chi ri jubik' ch'am cuch'amarisaj ronojel ri k'or?

1 Corintios 8:1

Camic are quinoc chic che u bix ri tabal tok'ob ri cäcoj chquiwäch ri diosib. Kastzij ri cabixic: chi konojel c'o ketamanic; are c'u ri etamanic cuban chke chi cakaban nimal, are c'u ri lok'ok'ebal c'uxaj cuban chke chi cuq'uiyisaj ri ka cojonic aj uxlabal.

1 Corintios 9:23

Ronojel wa' quinbano rumal rech ri tzij re colobal ib, rech quinrik ri utzil ri cuya' ri utzalaj tak tzij.

2 Corintios 10:12

Ri uj c'ut man cakarayij ta rajilaxic kib chquixo'l o che ta u junamaxic kib cuc' jujun ri caquik'alajisaj quib pa quibil tak quib chi e utz; e are' c'ut caquetala' tak quib cuc' jule' chic chquixo'l, man c'o ta qui no'j wa'.

2 Corintios 10:15

Man cäkanimarisaj ta ka k'ij ri man ya'tal ta wi chke, pa ri u chac jun chic. Cu'l c'u ka c'u'x chi cäq'uiy na ri i cojonic rech cujchacun na chixo'l. Man cujel ta c'u bic chupam ri c'ulbat ri yo'm chke rumal ri Dios.

2 Corintios 10:7

Ri ix xuwi quiya' i wäch chque tak ri wächbalil. We c'o jun cuchomaj pa ranima' chi ri are' rech ri Crist, chuchomaj ba pa ranima' chi jas ri are' rech ri Crist, jeri' ri uj xukuje' uj rech ri Crist.

2 Corintios 11:4

Ri ix quicoch' ruc' quicotemal apachin ta ne ri copan iwuc' cutzijoj jun Jesus chiwe ri man cajunamataj ta ruc' ri ka yo'm u bixic chiwe; quic'amowaj c'ut ruc' ronojel iwanima' jun uxlabal ri man junam ta ruc' ri Uxlabal ri i c'amowam chic xukuje' jun tijonic aj colobal ib ri man junam ta ruc' ri i c'amowam chic.

2 Corintios 12:19

Cäraj ne cätajin quichomaj chi cätajin cakatz'onoj chi cujicuyu', man je ta c'u quelic. Man je taj ri quibij, cätajin c'u cujtzijon chuwäch ri Dios uj c'u ajcristib xukuje'. Ronojel c'u wa' lok'alaj tak kachalal, rech ri ix quixq'uiy chupam ri uxlabal.

2 Corintios 12:20

Quinxe'j wib, we ne aretak quinopanic, man quixenrika' taj je jas ri quinwaj, xukuje' ri ix man quinirik taj je jas ri quiwaj. We ne c'o ch'o'j chixo'l, we ne quixquiäk rayinic, we ne c'o iwoyowal, qui c'ulelala' iwib, quiyac tak tzij, quixwixwitic, quinimarisaj iwib, xukuje' quituquij iwib.

2 Corintios 12:6

We ta quinwaj quinnimarisaj wib, ma ta in con ri', kastzij c'u ri' ri quinbij. Man quinban ta c'ut, rech c'o jun muchomaj chi nim na nu banic chuwäch ri nu chac ri cärilo, o ri nu tzij ri cuto.

2 Corintios 4:15

Ronojel wa' ka c'ulmam rumal iwech. Rech jeri', aretak e q'ui cäquic'am ri u tok'ob ri Dios, sibalaj e q'ui quemaltioxinic, rech cänimarisax u k'ij ri Dios.

Colosenses 2:18

Miya' c'olbal chi quixc'okox cumal ri caquiban quib chi sibalaj e mach'alic quequik'ijilaj c'ut ri e tako'nib aj caj, ri caquibij quib chi quequil tak c'utwächinic caquisipojisaj c'u quib rumal nimarisanib, rumal quech tak ri e qui chomanic aj winak.

1 Tesalonicenses 1:5

Rumal rech chi ri tzij re colobal ib ri cäkatzijoj man xopan ta iwuc' xuwi ta ruc' tzij, xane' xukuje' ruc' chuk'ab rumal ri Ruxlabal ri Dios. Keta'm chi kastzij jas ri xkabij chiwe. Ri ix c'ut iweta'm jas ri ka banom rumal iwech aretak xujc'oji' chixo'l.

2 Timoteo 2:10

Rumal ri' quinch'ij conojel ri rikoj c'ax che cutzil ri e cha'om, rech xukuje' ri e are' cäquirik ri colobal ib ri c'o pa Crist Jesus ruc' ri junalicalaj juluwem.