1 Corintios 4:5 - Quiché Bible

⁵ Je c'u ri' c'o jun jasach mik'at tzij puwi', aretak c'ä majok ri u k'ijol. Chiweyej na aretak cäpe ri Ajawaxel, ri are' cäresaj na chi sak ri c'utal pa ri k'eku'm, cuk'alajisaj na ri u rayibal ri qui c'u'x ri winak. C'äte ri' cäya' na qui k'ij chquijujunal rumal ri Dios jas ri takal chque.

RI KꞌAKꞌ TESTAMENTO PA TZIJOBꞌAL KꞌICHEꞌ

⁵ Xaq jeriꞌ, miqꞌat tzij puꞌwiꞌ jachinaq peta na ri Ajawxel, areꞌ kaqꞌalajisan na cho ri tunal ri katunanik ri awatalik pa ri qꞌequꞌmal xuqujeꞌ kukꞌut na jastaq ri kꞌo pa taq ri animaꞌaj. Jeriꞌ kayaꞌtaj na che jun ri kataqiꞌ che, rumal ri Dios.

K'iche'

⁵ Mik'at ba' tzij ix puwi' jachin jun c'ä mäja' c'u curik ri k'ij. Chiweyej na chi cäpe ri Kajaw Jesús, cäresaj c'u na chi sak ri c'u'tal pa k'ekum. Cuk'alajisaj na ri man etamtal taj ri c'o pa tak ri canima' ri winak. Chquijujunal c'ut cäyi' na chque ru nimarisaxic qui k'ij rumal ri Dios xa jas ri takal chque.

K'iche' (New Orthography)

⁵ Miq'at b'a' tzij ix puwi' jachin jun k'ä mäja' k'u kuriq ri q'ij. Chiweyej na chi käpe ri Qajaw Jesús, käresaj k'u na chi saq ri k'u'tal pa q'equm. Kuq'alajisaj na ri man etamtal taj ri k'o pa taq ri kanima' ri winaq. Chkijujunal k'ut käyi' na chke ru nimarisaxik ki q'ij rumal ri Dios xa jas ri taqal chke.

1 Corintios 4:5 ပူးပေါင်းရင်းမြစ်များ

Ri Job 12:22

Cuya' c'u quetamaxic tak ri e awatalic ri sibalaj e c'utalic queresaj c'ut ri jastak chisak ri sibalaj e k'ekumarinak.

E C'ambal tak Tzij 12:8

Ri winak cäya' u k'ij jas ri u cholajil ri u c'oxomanic, are' c'u ri con xuwi takal ri etzelam wächaj che.

Ri Tzijonel 11:9

Chaquicotisaj awib, ala o ali, camic ri at nojinak che c'aslemal; chatija' chacojo' ri utz camic ri c'ä catcuinic. Chanimaj ri cubij ri awanima' chawe xukuje' che ronojel ri cawilo, chnataj c'u chawe chi ronojel wa' ri Dios cutok'ij na chawe chi cacholajij na chuwäch.

Ri Tzijonel 12:14

Ri Dios cutz'onoj na chke ri cajilabal conojel tak ri e ka banoj, we e utz, we man e utz taj, pune' e ka banom chi c'uyal.

Ri Jeremiy 16:17

Quebenwil c'u conojel tak ri e qui banoj; man c'o ta jun cäc'utaj ta can chnuwäch, mawi ri e qui mac quequic'u ta can quib chquiwäch ri nu bak'wäch.

Ri Jeremiy 23:25

Ri in nu tom ri xquibij tak we e k'axal tak tzij, xquik'axaj banoj tzij pa ri nu bi', je c'u caquibij wa: xtzijon wuc' pa ichic'.

Ri Osey 8:13

We winak ri' quekaj ri tabal tak tok'ob chquiwäch, quepilon c'ut; are c'u ri in, ri Ajawaxel man quinquicot ta cuc': quenataj na chwe ri etzelal tak ri e qui banom, quinc'äjisaj c'u na qui wäch rumal ri qui mac, quinban c'u na chque chi quetzelej pa Ejipt.

Ri Malaquiy 3:18

C'äte c'u ri' ri ix quich'ob chi na jumul ri jalbem ib ri c'o chuxo'l ri utz xukuje' ri lawaloyil, chuxo'l ri cak'ijilan che ri Dios xukuje' ri man cak'ijilan ta che.”

Ri Matey 10:26

“Je c'u ri' mixe'j iwib chquiwäch ri winak, man c'o ta jun jasach ch'ukutalic ri ma ta quel na chisak, man c'o ta jun jasach c'utalic ri ma ta quetamax na.

Ri Matey 24:30

C'äte ri' quil na chila' chicaj ri retal ri Rija'l winak. Ri winak c'ut ri e c'o pa tak conojel tinimit cho ri uwächulew cäquiq'uis na quib che ok'ej. Cäquil c'u na ri Rija'l winak petinak pa tak ri sutz' chicaj, petinak ruc' chuk'ab, nim u k'ij cäpetic.

Ri Matey 24:46

Utz re ri pataninel ri cäriktaj rumal ri rajaw aretak cäpetic, chi je cätajin cuban wa'.

Ri Matey 25:21

Ri rajaw xubij che: ‘Utz, at utzalaj jicalaj pataninel. At jic ruc' ri jubik' ri xinya' can chawe. Nim na quinjach na pa a k'ab. Chatocok chatquicot c'u wuc'.’

Ri Matey 25:23

Ri rajaw xubij che: ‘Utz, at utzalaj jicalaj pataninel. At jic ruc' ri jubik' ri xinya' can chawe. Nim na quinjach na pa a k'ab. Chatocok chatquicot c'u wuc'.’

Ri Lucax 6:37

“Mik'at tzij paquiwi' niq'uiaj chic, rech man cäk'at ta tzij piwi' ix. Mebic'okoj niq'uiaj chic, rech man quixc'okox ta na ix. Chisacha' qui mac niq'uiaj winak chic, cäsach c'u na i mac ix.

Ri Xuan 21:22

Ri Jesus xubij che: “We quinwaj chi ri are' cäc'asi na canok c'ä quinpe na, ¿jas awe at che? Chinaterenej at.”

Ri Xuan 21:23

Xel we tzij ri' chquixo'l ri achalaxelab, chi ri tijoxel ri' man cäcäm taj. Ri Jesus c'ut man xubij ta che chi man cäcäm taj. Xane' xubij: “We quinwaj chi ri are' cäc'asi na canok c'ä quinpe na, ¿jas awe at che?”

Ri Xuan 5:44

¿Jas ta ri quibano quixcojonic, xuwi quic'amala c'u u nimarisalaxic i k'ij, man are ta quixoc il che u tzucuxic nimarisabal k'ij ri xuwi ruc' ri Dios cäpe wi?

Romanos 14:4

¿Jachin ri at, rech cak'at tzij puwi' ri pataninel rech jun chic? Are quilow ri rajaw we utz cubano o man utz taj. Utz c'u quel na, rumal rech chi ri Ajawaxel cäcuinic cuto' che u banic ri utz.

Romanos 2:1

Rumal c'u ri', man c'o ta cawesaj wi awib, xa' ta ne at apachinok ri catk'atow tzij. Aretak c'u cak'at tzij puwi' jun chic, cätajin cac'am ulok c'ax pawi' chbil awib. Ri at c'ut ri catk'atan tzij, xa' junam caban ruc' ri jun ri cak'at tzij puwi'.

Romanos 2:16

pa ri k'ij aretak ri Dios cuk'at na tzij rumal ri Jesucrist puwi' ronojel ri e awatal cumal ri winak, jas ri cubij ri tzij ri quintzijoj.

Romanos 2:29

Xane' ri kas aj judey, are' ri' ri aj judey pa ranima'. Xukuje' ri kas etal re kopinic, are' ri' ri cojom pa ri ranima' ri winak, man xa' ta jastak tz'ibatalic, xane' ri c'o rumal ri Uxlabaxel. Are ri' cänimarisax u k'ij rumal ri Dios, man cumal ta ri winak.

Romanos 2:7

Cuya' c'u na ri junalic c'aslemal chque ri caquitzucuj ri juluwem, ri nim ilic, xukuje' ri man cämic taj; ri qui takem ri u banic ri utzil;

1 Corintios 1:7

Je c'u ri' chi ma ta c'o jun sipanic ri cäpe ruc' ri Dios ri ma ta i rikom, iweye'm c'u ri k'ij aretak chc'utun ri Kajaw Jesucrist.

1 Corintios 11:16

We c'o jun cäraj cuban ch'o'j chrij wa', chretamaj chi ri uj xukuje' conojel ri comon cojonelab aj Dios, man uj c'o ta chuxe' jun nak'atisabal chic.

1 Corintios 11:26

Joropa' mul quitij ri caxlanwa ri', xukuje' quiwuq'uiaj iwe che we uq'uiabal ri', are' cätajin quiya' u bixic ri u cämical ri Ajawaxel c'ä cäpe na.

1 Corintios 15:23

Quec'astaj c'u chquijujunal pa ri qui cholajil: Ri Crist are nabe wächinic chquixo'l, c'äte ri' quec'astaj na ri e rech ri Crist aretak ri are' cäpetic.

1 Corintios 3:13

ri qui chac chquijujunal cäk'alajisax na. Copan na ri k'ij aretak cäk'alajisaxic. Ri qui chac chquijujunal cäk'alajin na rumal ri k'ak' jas ri u banic.

1 Corintios 3:14

We cäcanaj can ri u chac ri jun ri xyacan puwi' ri tac'alibal, cuc'am na tojbal rech.

1 Corintios 3:8

Ri cäticonijic ruc' ri cäja'nic xa e junam. Chquijujunal c'ut cäquic'am na ri tojbal que, jas ri chac ri qui banom.

2 Corintios 10:18

Man are' ta cäya' u k'ij ri cuya' u k'ij chbil rib, xane' are' cäya' u k'ij ri rumal ri Ajawaxel.

2 Corintios 10:9

Man quinwaj ta c'ut quichomaj chi xak quixinxibij cumal tak ri e nu wuj.

2 Corintios 4:2

Man cäkaban ta q'uixbalalaj tak jastak chi c'uyal; man quixkasub taj, mawi cäkayujaj niq'uiaj jastak chic ruc' ri u tzij ri Dios. Xane' rumal ri u c'utic ri kastzij, cäkak'alajisaj kib chuwäch ri retamabal u c'u'x ronojel winak chi uj utz, chuwäch ri Dios.

2 Corintios 5:10

Rajawaxic c'ut chi konojel cäkatac'aba' na kib chuwäch ri u k'atbal tzij ri Crist, rech chkajujunal cäkac'am na ri tojbal re ri ka banom aretak c'ä uj c'o pa ri ka cuerp, we utz, we man utz taj.

1 Tesalonicenses 5:2

Ix c'ut kas iweta'm chi ri u k'ij ri Ajawaxel, je u petic jas ri eläk'om chak'ab.

Hebreos 4:13

Man c'o ta jun jasach banom ta cho ri uwächulew c'u'm ta chuwäch ri Dios. Conojel ri jastak e ch'anach'oj xukuje' e k'alaj chuwäch ri u bak'wäch ri Jun ri cäkabij wi na jas ri ka banom.

Santiago 4:11

Wachalal, miyacala' tzij chiwij. Apachin ri cuyac tzij chrij ri rachalal o cuk'at tzij puwi' ri rachalal, chrij ri pixab cuyac wi tzij xukuje' cuk'at tzij puwi' ri pixab. We cak'at tzij puwi' ri pixab, man at ta ba' nimanel ri' che ri pixab, xane' at k'atal tzij.

Santiago 5:7

Are c'u ri ix wachalal, chiweyej na c'ä cäpe na ri Ajawaxel. Je jas ri ajchac cäreyej na ri u wächinic ri u tico'n. Cäreyej na c'ä cäpe na ri nabe tak jäb xukuje' ri q'uisbal tak jäb.

Santiago 5:9

Wachalal, mixch'ach'atalob chixo'l rech man cäk'at ta tzij piwi'. Are ri Dios, ri k'atal tzij, tac'al chi' ri uchi'ja.

1 Pedro 1:7

Are c'u ri i cojonic ix xak junam ruc' ri k'an puak: ri cätijtobex rumal ri k'ak'. Ri cojonic ri cuch'ijo cac'ambejexic pakal na rajil chuwäch ri k'an puak, ri cäsach u wäch. Je c'u ri' we ri i cojonic ix, we je u tijtobexic wa' curik na juluwem xukuje' cäya' na u k'ij aretak cuc'utunisaj rib ri Jesucrist.

1 Pedro 5:4

Aretak cäpe na ri Qui Nimal ri ajyuk'ab, quic'am na ri corona ri man q'uisel taj, are wa' ri juluwem.

2 Pedro 3:12

Chiweyej xukuje' chiwanej iwib che ri u petic ri u k'ij ri Dios, aretak ri caj quec'at na xukuje' cäsach na qui wäch, xukuje' ri jastak ri xebanbex re quenicow na xukuje' queja'r na.

2 Pedro 3:4

cäquibij: “¿Jawije' c'o wi ri u petic ri Ajawaxel ri bim ulok? Bim chi ya' wa' aretak c'ä majok checäm ri e ka mam, conojel c'ut ri jastak xa' je wi qui wäch jas ri pa ri u tiquiritajic ulok ri uwächulew c'ä camic.”

Ri Juds 1:14

Ri Enoc, are ri uwak rija'lil can ri Adan, xuk'axej chque ri winak ri u tzij ri Dios chquij we winak ri', xubij: “Chiwilampe' ri Ajawaxel petinak e rachilam q'ui mil tastalic tak winak ri e rech,

Apocalipsis 1:7

Chiwilampe', cäpe ri Crist pa ri sutz'. Conojel cäquil na, xukuje' ne ri xejulupenic, conojel c'u tak ri amak aj uwächulew cäcok'ej c'u na u wäch. Je ta ba', je chbanok.

Apocalipsis 20:12

Xebenwil ri cäminakib chi nimak chi ch'utik, ri e tac'atoj chuwäch ri tem re ajawibal. Xejaktaj c'u tak ri wuj. Xukuje' jun wuj chic xjakic, are wa' ri wuj re ri c'aslemal. Xk'at tzij paquiwi' ri cäminakib chquij ri jastak ri qui banom, jas ri e tz'ibatal pa tak ri wuj.