1 Corintios 3:5 - Quiché Bible

⁵ ¿Jachin c'u ri Pawl? ¿Jachin ri Apols? E pataninelab wa' ri cumal xixcojonic, jas ri xuya' ri Ajawaxel chiwe chijujunal.

RI KꞌAKꞌ TESTAMENTO PA TZIJOBꞌAL KꞌICHEꞌ

⁵ ¿Jachin kꞌu riꞌ ri Apolos? ¿Jachin xuqujeꞌ riꞌ ri Pablo? Man kꞌo ta chi jun keqeleꞌn, waꞌ aꞌreꞌ e patanijelabꞌ, xwi xkibꞌano ri kipatan ri xuya ri Ajawxel, kumal ke xixkojon ix.

K'iche'

⁵ ¿Jas pu lo u banic ri Pablo? ¿Jas u banic ri Apolos? Ri uj xak uj patänil tak re ri Dios, rumal c'u ri ka tzij ri ix xixcojonic. Chkajujunal ri uj xka'no jas ri xuya ri Dios pa ka k'ab.

K'iche' (New Orthography)

⁵ ¿Jas pu lo u b'anik ri Pablo? ¿Jas u b'anik ri Apolos? Ri uj xaq uj patänil taq re ri Dios, rumal k'u ri qa tzij ri ix xixkojonik. Chqajujunal ri uj xqa'no jas ri xuya ri Dios pa qa q'ab'.

1 Corintios 3:5 ပူးပေါင်းရင်းမြစ်များ

Ri Matey 25:15

Xuya' job rakan nimak tak puak che ri jun. Che ri jun chic xuya' quieb rakan nimak tak puak. Xuya' jun rakan nim puak che ri jun chic. Xuya' chque chquijujunal jas ri quecuin che u banic. Te c'u ri' xbe naj.

Ri Lucax 1:2

Ri xbantajic are je jas ri xc'ut chkawäch cumal ri xeilow ruc' ri qui bak'wäch kas pa ri u chaplebal, e pataninelab c'u wa' che ri Tzij.

Ri Xuan 3:27

Ri Xuan xubij chque: “Man cäcuin ta jun winak c'o cuc'amo, we ta ma ta cäyataj che chicaj.

Hechos 18:24

Xopan c'u jun aj judey pa Epes, Apols u bi'. Are aj Alejandriy, cäna'w che tzijonic, kas reta'm ri Tz'ibatalic.

Hechos 19:1

Aretak c'ä c'o ri Apols pa Corint, ri Pawl xoc'ow pa tak ri juyub. Te c'u ri' xopan pa Epes, ri xeburik wi jujun cojonelab.

Romanos 15:16

chi quinux pataninel re ri Jesucrist chquixo'l ri man aj judeyib taj. Quinpatanin che u tzijoxic ri utzalaj tak u tzij ri Dios, rech ri man aj judeyib taj cäquijach quib che ri Dios che jun sipanic ri cäkaj chuwäch ri Dios, ri cäc'am rumal, e tasom rumal ri Ruxlabal ri Dios.

1 Corintios 12:28

Ri xebucoj ri Dios pa ri comon cojonelab e are wa': nabe xebucoj ri takomxenlab, chucab xebucoj ri e k'axal tak tzij, churox xebucoj ri quetijonic, c'äte ri' ri quequiban tak mayibal, ri quecunanic, ri cäquiban tok'ob, ri cäquic'am qui be niq'uiaj chic xukuje' ri quetzijon pa tak ch'abal.

1 Corintios 16:12

Are ri kachalal Apols, sibalaj xinbochi'j rech copan iwuc' querachilaj bic ri kachalal. Man xraj ta c'ut xbe camic. Cäbe c'u na aretak cäcuinic.

1 Corintios 3:10

Jas ri u tok'ob ri Dios ri yo'm chwe, ri in xincoj ri tac'alibal, jas jun qui nimal banal tak ja ri kas reta'm. Jun chi c'u wi ri cäyacow puwi' ri tac'alibal. Chijujunal ba' kas chiwila' jas quiban che ri u yaquic.

1 Corintios 3:22

We are ri Pawl, we ri Apols, we ri Seps, we ri uwächulew, we ri c'aslemal, we ri cämical, we ri k'ij camic, o re ri k'ij ri cäpe na, ronojel iwech.

1 Corintios 3:7

Jeri', mawi ri cäticonijic c'o u banic, mawi ri cäja'nic, xane' ri Dios ri cäq'uiyisanic, are ri' nim u banic.

1 Corintios 9:17

We ruc' ri nu rayinic, quintzijoj ri colobal ib, c'o na ri tojbal wech. We c'u man quintzijoj ri colobal ib ruc' ri kas nu rayibal, xa ba in takchi'm ri' che u banic.

2 Corintios 11:23

¿La e pataninel re ri Crist? Ri in sibalaj quinpatanij na ri Crist chquiwäch ri e are'. (Cätajin quintzijon je ta ne jun conalaj winak.) Sibalaj nu banom c'axalaj tak chac chquiwäch ri e are'. Q'ui mul in ch'ayo'm, q'ui mul in cojom pa che', are c'u ri e are' xa jubik'. Q'ui mul ri winak cäcaj quinquicämisaj.

2 Corintios 3:3

K'alajisam chi c'ut chi ix u wuj ri Crist, jachom kumal uj, man tz'ibatal ta ruc' xak, xane' ruc' ri Uxlabaxel re ri c'aslic Dios. Man tz'ibatal ta cho tz'alam tak abaj, xane' cho tak canima' winak.

2 Corintios 3:6

Ri Dios xuya' chke chi cäkatzijoj ri c'ac' u c'ulwächinic. Man rech ta ri pixab ri tz'ibatalic, xane' rech ri Uxlabaxel. Ri tz'ibatalic cäcämisanic, are c'u ri Uxlabaxel cuya' c'aslemal.

2 Corintios 4:1

Je c'u ri' man cäq'uistaj ta ka c'u'x, rumal rech chi ri Dios yowinak ri chac ri' pa ka k'ab rumal ri u tok'ob.

2 Corintios 4:5

Man cäkatzijoj ta kib, xane' are cäkatzijoj ri Jesucrist jacha' Ajawaxel, xukuje' chi ri uj uj pataninel iwe rumal ri Jesus.

2 Corintios 4:7

We k'inomal ri' pa tak ri ka cuerp c'o wi, are je jas ri lak re ulew. Jeri' cäk'alajinic chi ri nimalaj cuinem, ruc' ri Dios cäpe wi, man kuc' ta uj.

2 Corintios 5:18

Ronojel wa' are u banoj ri Dios, ri rumal ri Crist xujuya' pa jamaril kas ruc' are', xubij c'u chke chi chkabana' tok'ob chekaya' conojel ri winak pa jamaril ruc' ri Dios.

2 Corintios 6:1

Ri uj uj rajchaquib ri Dios junam iwuc'. Rumal ri' quixkabochi'j chi xak lok' mic'am ri u tok'ob ri Dios.

2 Corintios 6:4

Man je ta c'u ri' pa ronojel cäkaya' c'utbal chi uj pataninel rech ri Dios, cätajin c'u cäkach'ijijej ruc' nimalaj coch'onic ri e rikoj tak c'ax, ri q'uetetem, ri e q'ueyowal tak.

Efesios 3:7

Ri Dios xuya' ri u tok'ob ri man takal ta wa' chwe, xinucoj che pataninel rech ri u tzij re colobal ib. Je xuban wa' chwe rumal ri u cuinem.

Colosenses 1:23

we kas co ix tac'al pa ri i cojonic, man quiya' ta canok, we kas cu'l i c'u'x chrij ri tzij re colobal ib ri i tom, man cuban ta quieb i c'u'x. Are utzalaj tak tzij wa' cätzijox pa tak ronojel c'olbal cho ri uwächulew. Ri in, in Pawl in cojom che patanijic.

Colosenses 1:25

Ri in in cojom che pataninel re ri comon cojonelab. Ri Dios u yo'm pa nu k'ab ri i patanixic, rech kas cätz'akat u tzijoxic ronojel ri u tzij.

1 Timoteo 1:12

Quinmaltioxin che ri Crist Jesus ri Kajaw, ri xyo'w nu chuk'ab, rumal rech chi jic xinrilo, xinucoj c'u che pataninel re.

1 Pedro 4:10

Chiyala' iwe chijujunal jas ri yo'm chiwe rumal ri Dios, je jas utzalaj tak e chajil re ronojel u wäch u tok'ob ri Dios.