1 Corintios 2:4 - Quiché Bible

⁴ Ri tzij xintzijoj chiwe, man ruc' ta retamabal winak ri xixinch'äc wi, xane' rumal ri Uxlabaxel xukuje' ri u cuinem ri Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴ Xuqujeꞌ man xintzijoj ta ri utzij ri Dios chiꞌwe rukꞌ menkꞌetibꞌal taq kitzij achyabꞌ xane rukꞌ ri ukꞌutuꞌn xuqujeꞌ ri ukwinem ri Tyoxalaj Uxlabꞌixel.

K'iche'

⁴ Aretak xixintzijobej, xintzijoj ru Lok' Pixab ri Dios chiwe, man xincoj tä tzij ri xak re qui no'j winak che i ch'aquic, xane xixinch'ac ruc' ru chuk'ab ri Lok'alaj Espíritu. Are wa' ri xc'utuwic chi ri tzij ri xinbij are rech ri Dios.

K'iche' (New Orthography)

⁴ Aretaq xixintzijob'ej, xintzijoj ru Loq' Pixab' ri Dios chiwe, man xinkoj tä tzij ri xaq re ki no'j winaq che i ch'akik, xane xixinch'ak ruk' ru chuq'ab' ri Loq'alaj Espíritu. Are wa' ri xk'utuwik chi ri tzij ri xinb'ij are rech ri Dios.

1 Corintios 2:4 ပူးပေါင်းရင်းမြစ်များ

E C'ambal tak Tzij 20:19

Ri ajtzijtal man reta'm ta u c'u'ic jun awatalic, majunaj ba' awib ruc' winak ri ajtzijtal.

E C'ambal tak Tzij 7:21

Ri ch'uch'ujalaj tak u tzij xukuje' ri cojow chuk'ab ri xubano, xcuin c'u che u ch'äquic ri ala,

Ri Jeremiy 20:10

Quincuinic quintatabej ri qui jasjatem ri winak: “¡C'o xibriquil pa ronojel c'olbal!” Caquibij: “¡Tisaj jo' che u tzujuxic!” Xukuje' ne ri wachil wib cuc' queyem chi quinkaj pa jun c'ambejebal. Je caquibij wa': “Cäraj ne cuya' rib pa subutajem; cäkaj c'u na pa ka k'ab cakaya' c'u na ri rajil u c'axelal che.”

Ri Ezequiel 13:6

Ri qui c'utwächinic xa' e u cawäch xukuje' tak ri tzij ri quequik'axej xa' e banoj tzij. Caquibij chi in in bininak chque, man e nu takom ta, c'u bic. ¡Caqueyej c'ut chi quebetz'akat tak ri qui tzij ri e qui bim!

Hechos 20:27

Nu tzijom c'u ronojel ri u chomanic ri Dios chiwe. Man c'o ta jas ma ta xinbij chiwe.

Hechos 26:28

Xubij c'u ri Agrip che ri Pawl: “Xa' jubik' man catcuin che nu ch'äquic chi quinux ajcrist.”

Romanos 15:13

Ri Dios ri cucu'bisaj ka c'u'x chunojisaj ta ri iwanima' ruc' nimalaj quicotemal, chc'oji' ta jamaril chixo'l rumal ri i cojonic. Jeri' kas cäcu'bi i c'u'x chrij ri Dios rumal ri u cuinem ri Ruxlabal ri Dios.

Romanos 15:19

pa qui cuinem ri etal xukuje' mayibal, rumal ri u cuinem ri Uxlabaxel, nu tzijom ri utzalaj tak tzij re colobal ib rumal ri Crist pa Jerusalen xukuje' pa tak niq'uiaj c'olbal chic, c'ä pa Ilir.

Romanos 16:18

Ri e je tak wa' man cäquipatanij ta ri Crist Ajawaxel, xane' cäquibano jas ri cäcaj ri e are'. Ruc' ch'uch'ujalaj tak tzij xukuje' je'lalaj tak tzij quequisub ri winak ri man c'o ta quetamabal.

1 Corintios 1:17

Ri Crist man xinutak ta che u banic qui bautism, xane' che u tzijoxic colobal ib, man c'u xintzijoj ta cuc' tak tzij re etamabal rech man quinban ta che ri u cämical ri Crist cho ri ripibal chi ma ta c'o u patan.

1 Corintios 2:1

Ri in, wachalal, aretak xinopan iwuc' che u tzijoxic chiwe jas ri u c'utum ri Dios chnuwäch, man xinbij ta nimak tak tzij, mawi nimalaj etamabal.

1 Corintios 2:13

Are wa' cäkatzijoj. Man cäkabij ta tzij ri xketamaj ruc' ri qui no'j ri winak, xane' cäkabij tzij ri xketamaj rumal ri Ruxlabal ri Dios. Jeri' cäkabij ri jastak aj uxlabal chque ri winak aj uxlabal.

1 Corintios 4:20

Ri rajawibal c'ut ri Dios man xak ta tzijtzotem, xane' cuinem.

2 Corintios 6:6

Pa ronojel wa': ch'ajch'oj ri ka c'aslemal, keta'm ri kastzij c'o ka coch'onic, cäkaban tak tok'ob, c'o ri Ruxlabal ri Dios kuc', kastzij quekalok'ok'ej ri winak,

Gálatas 1:10

Ri in man quintzucuj ta ri utz wilic cumal ri winak, xane' are ri utz wilic rumal ri Dios. ¡We ta c'ä are quinban ri cakaj chquiwäch ri winak, ma ta in u lok'om pataninel chi ri' ri Crist!

Colosenses 2:4

Quinbij wa' chiwe rech c'o jun mixsubuw ruc' je'lalaj tak tzij.

1 Tesalonicenses 1:5

Rumal rech chi ri tzij re colobal ib ri cäkatzijoj man xopan ta iwuc' xuwi ta ruc' tzij, xane' xukuje' ruc' chuk'ab rumal ri Ruxlabal ri Dios. Keta'm chi kastzij jas ri xkabij chiwe. Ri ix c'ut iweta'm jas ri ka banom rumal iwech aretak xujc'oji' chixo'l.

1 Pedro 1:12

Xk'alajisax c'u chquiwäch ri k'axal tak tzij, chi aretak cäquibij we jastak ri', man chquetaj e are quebajwataj wi, xane' chiwe ix. Are we jastak ri' quetzijox chiwe camic cumal ri winak ri cäquitzijoj ri tzij re colobal ib chiwe rumal ri Ruxlabal ri Dios ri takom ulok chicaj. E jastak wa' ri xcajtaj ri e tako'nib aj caj chi e are' taj xeilowic.

2 Pedro 1:16

Aretak xkatzijoj ri u cuinem xukuje' ri u petic ri Kajaw Jesucrist chiwe, man xkatzijoj ta chomanic chiwe ri xa' ta pa qui jolom ri winak elinak wi ulok, xane kas uj xujilow ri u nimalil ri Jesucrist.

2 Pedro 2:18

Cäquibij nimak tak tzij ri man c'o ta qui patan. Ruc' ri etzelal ri curayij ri qui ti'jal, cäquicoj qui c'u'x ri winak ri c'ämaja' naj quiyo'm can ri sachinakil.

K'atal tak Tzij 14:15

chucaj k'ij xquibij che ri rixokil ri Sanson: “Chabij che ri awachajil chi chuk'alajisaj ri quel cubij ri ch'obonic chawäch, we c'u man cak'alajisaj chkawäch, ri at catkaporoj na xukuje' conojel ri e c'o pa ri rachoch ri a tat. ¡Ri ix, xujisiq'uij xa che u tokixic ri jastak kech!”

K'atal tak Tzij 16:5

Are c'u ri c'amal tak qui be ri aj pilisteyib xebe cho rachoch ri Dalil, xquibij c'u che: “Chasubu' ri Sanson, chatzucuj u ch'obic jawije' cäpe wi ri mayibalalaj u chuk'ab, xukuje' jas cäkabano rech cujcuin che u ch'äquic; cujcuin ta c'u che u ximic, cäkaj ta c'u pa ka k'ab. Chkajujunal c'ut cäkaya' jun mil sient (1,100) rakan sak puak chawe, che u tojic ri tok'ob ri caban chke.”