1 Corintios 16:6 - Quiché Bible

⁶ Cäraj ne quincanaj can iwuc', o we ne quinwoc'owisaj ri k'ij re tew chila', rech quiniwachilaj bic ri' jawije' ri quinbe chi wi na.

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ Wine kinkanaj kanoq iwukꞌ jun janipa qꞌij kinwikꞌowisaj bꞌik ri qꞌalaj, rech jeriꞌ kinitoꞌ bꞌik kintaqej ri nubꞌe jawjeꞌ ri rajawaxik kineꞌ wi.

K'iche'

⁶ We ne quinc'oji na quieb oxib ic' iwuc', we c'u ne quinc'oji na chila' ronojel ri sak'ij. We je ri' quinbano, ri ix quixcowinic quinito' che ri nu binem jawije' ri rajwaxic quine' chi wi na.

K'iche' (New Orthography)

⁶ We ne kink'oji na kieb' oxib' ik' iwuk', we k'u ne kink'oji na chila' ronojel ri saq'ij. We je ri' kinb'ano, ri ix kixkowinik kinito' che ri nu b'inem jawije' ri rajwaxik kine' chi wi na.

1 Corintios 16:6 ပူးပေါင်းရင်းမြစ်များ

Hechos 15:3

Xetak c'u bic cumal ri comon cojonelab, xeboc'ow pa Penis xukuje' Samar. Xquibij chque ri winak chi ri man aj judeyib taj qui yo'm can ri ojer qui c'aslemal, e cojoninak che ri Dios. Xquiya' c'u nimalaj qui quicotemal ri kachalal.

Hechos 17:15

Ri xec'amow bic ri Pawl, xquic'am bic c'ä pa Atens. Ri Pawl xutak c'u u bixic chque ri Silas rachil ri Timotey chi quepe ruc' sibalaj chanim, xebe c'ut.

Hechos 20:38

Sibalaj quebisonic rumal rech ri tzij ri xubij, chi man cäquil ta chi u wäch. Te c'u ri' xcachilaj bic c'ä xopan ruc' ri nim jucub.

Hechos 21:5

E oc'owinak chi c'u ri wukub k'ij ri', xujel bic. Uj achilam cumal conojel ri cojonelab cuc' ri quixokil xukuje' ri calc'ual, c'ä tza'm ja. Xujxuqui' chuchi' ri plo, xkaban ch'awem ruc' Dios.

Hechos 27:12

We oquibal ri' pa ri plo, man utz ta che roc'owisaxic ri k'ij re ri tew. Rumal ri' are e q'ui na ri xquiya' no'j chi quebel bic chila'. Cäraj ne quecuinic quebopan pa Penis che roc'owisaxic ri k'ij re ri tew. Are jun oquibal pa ri plo re ri Cret ri cäca'y pa ri u niq'uiajil u wiquiak'ab kajebal k'ij xukuje' pa ri u niq'uiajil u mox kajebal k'ij.

Hechos 28:11

E oc'owinak chi oxib ic', c'äte ri' xujbe puwi' ri plo pa jun nim jucub aj Alejandriy, ri xroc'owisaj ri k'ij re tew pa Malt. Are e c'o ri qui wächbal ri diosib Castor xukuje' ri Polux che retal.

Romanos 15:24

quinweyej c'ut chi quincuin che u banic pa ri nu benic pa España. Aretak c'u in quicotinak chic rumal ri iwilic, quinweyej chi ri ix quinito' che u takexic ri nu be.

1 Corintios 16:11

C'o ba' jun chiwe metzelan u wäch. Xane' chijacha' ulok ruc' jamaril, aretak cäpe wuc'. Quinweyej c'u cuc' ri kachalal.

2 Corintios 1:16

Nu chomam c'ut i solixic nabe aretak quinoc'owic pa ri nu bic pa Masedon, aretak c'u quintzelej ulok, quixinsolij chi jumul. Jeri' ri ix quixcuin ri' che nu to'ic chanim che ri nu bic pa Juda.

Ri Tit 3:12

Aretak quintak bic ri Artems awuc', o ri Tiquico, chanim chatpet wuc' pa Nicopolis. Quinchomaj chi quinwoc'owisaj ri ic' re tew chila'.