1 Corintios 16:2 - Quiché Bible

² Ronojel nabe tak k'ij re ri seman, chijujunal chitasa' jubik' ri i ch'äcom, chimulij apanok, rech aretak quinopanic, man c'äte ta ri' quemol ri cuchuj.

RI KꞌAKꞌ TESTAMENTO PA TZIJOBꞌAL KꞌICHEꞌ

² Pa ri nabꞌe qꞌij rech ri wuq qꞌij, chiqꞌata jun tobꞌanik che ri xichꞌeko, chiyakaꞌ rech man kꞌa te ta kimulij pwaq are kinopan iwukꞌ.

K'iche'

² Pa tak ri nabe k'ij rech ronojel semana chijujunal rajwaxic quitas can jubik' che ri xich'aco. Jampa' ri quixuto' wi ri Dios chutasic are ri' quic'ol canok, rech aretak quinopan in iwuc' man rajwaxic taj chi c'o puak cämulic.

K'iche' (New Orthography)

² Pa taq ri nab'e q'ij rech ronojel semana chijujunal rajwaxik kitas kan jub'iq' che ri xich'ako. Jampa' ri kixuto' wi ri Dios chutasik are ri' kik'ol kanoq, rech aretaq kinopan in iwuk' man rajwaxik taj chi k'o puaq kämulik.

1 Corintios 16:2 ပူးပေါင်းရင်းမြစ်များ

Chapletajic 26:12

Pa ri junab ri' xticonij ri Isaac chila', sibalaj c'u nim ri u wächinic ri tico'n xuyaco, xtewichi'x rumal ri Ajawaxel.

Chapletajic 30:27

Xutzelej c'u u bixic ri Laban che: “Chabana' tok'ob, chatcanaj canok wuc'. In cuininak che retamaxic rumal ch'obonic chi ri Ajawaxel in u tewichi'm rumal awech.

Chapletajic 30:30

aretak xinulic, man e q'ui ta ri chij la e c'olic, camic c'ut sibalaj e pok'irinak chic. Aretak xinulic, chi' xchapletaj tewichi'xic la rumal ri Ajawaxel; ¿jampa' c'u quinchaplej chac in che quilixic ri wixokil xukuje' ri walc'ual?”

Chapletajic 32:10

Man takal ta chwe ri utzil ri banom la chwe, amak'el c'ut banom la ri bim la. In xink'ax chupam we nima' Jordan ri', man c'o ta jas wuc'am xak xuwi ri nu ch'ämiy, camic c'ut e wuc'am chi cak'at winak xukuje' cak'at awaj.

Chapletajic 33:11

Catinbochi'j chi cäc'am ri sipanic ri quinya' chawe, in u k'inomarisam c'u ri Dios, man c'o ta ri cajwataj ta chwe.” Sibalaj xbochi'n na ri Jacob, rumal ri' ri Esau xuc'am na ri sipanic,

Ucab Tzijobelil 31:10

are c'u ri qui nimal e cojol tabal tok'ob ri Azariy, rija'lil ri Sadoc, xutzelej u bixic che: “Kas aretak xchaplex u c'amic ulok ri cuchuj pa ri rachoch ri Ajawaxel, c'o sibalaj cakatijo sibalaj c'u ne q'ui ri to'tajinak; conojel we jutak mulaj ri' e are wa' ri e to'tajinak, rumal rech chi ri Ajawaxel u tewichi'm ri u tinimit.”

Marcos 14:8

We ixok ri' xubano jas ri xcuin che u banic. Xubil bic ri nu cuerp c'ä majok chincämok.

Ri Lucax 16:10

Apachin ri jic chrij ri jubik', ri are' jic xukuje' chrij ri q'ui. Apachin c'u ri man suc' taj chrij ri jubik', xukuje' man suc' taj chrij ri q'ui.

Ri Lucax 24:1

Pa ri nabe k'ij re ri uwuk k'ij, sibalaj ak'ab xebe ri ixokib chuchi' ri mukubal. Xequic'am bic ri c'oc'al ri qui suc'umam.

Ri Xuan 20:19

Pa ri xk'ekal re ri k'ij ri', ri nabe k'ij re ri seman, qui mulin quib ri tijoxelab. E tz'apitz'oj ri e u chi' tak ja rumal rech chi cäquixe'j quib chquiwäch ri aj judeyib. Te c'u ri' xpe ri Jesus, xtaq'ui' pa qui niq'uiajil, xubij chque: “Chc'ol ri jamaril iwuc'.”

Ri Xuan 20:26

Oc'owinak chic wajxakib k'ij, jumul chic e c'o ri u tijoxelab pa ri ja, xukuje' ri Max c'o cuc'. Pune' e tz'apitz'oj ri e u chi' ri ja, xopan ri Jesus, xtaq'ui' pa qui niq'uiajil, xubij: “Chc'ol jamaril iwuc'.”

Hechos 20:7

Pa ri nabe k'ij c'ut re ri seman, xkamulij kib che u piric ri caxlanwa. Ri Pawl xebutijoj ri cojonelab; xtzijon chquiwäch c'ä pa niq'uiaj ak'ab, rumal rech chi chucab k'ij quel na bic chila'.

2 Corintios 8:10

Quinya' c'u ri nu chomanic chrij wa', chi utz chiwe. Junabir xichaplej ulok u banic we sipanic ri'. Xiban wa' ruc' ronojel iwanima'.

U Camulixic ri Pixab 8:18

Chnataj ba ri Ajawaxel ri i Dios chiwe, are c'u yowinak ri i chuk'ab che u ch'äquic ri c'o iwuc', kas cuban c'u iwuc' jas ri xubij chque ri e i mam.

Apocalipsis 1:10

Xc'ulmataj c'ut chi pa ri k'ij re ri Ajawaxel, in c'o pa ri Uxlabaxel. Xinta' c'u jun nimalaj ch'abal chwij je ta ne ri rok'ebal jun trompet,