1 Corintios 14:6 - Quiché Bible

⁶ Rumal c'u ri', wachalal, we quinopan iwuc', quintzijon ta pa tak ch'abal, ¿jas ta lo quiwechbej ri' che, we man quink'alajisaj jun jasach chiwäch, o quinbij jun jasach chiwe re etamabal, o quink'axej ri u tzij ri Dios chiwe, o quixintijoj?

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ Wachalal we ta kineꞌ chanim chiꞌsolixik kꞌa te riꞌ kixinchꞌabꞌej pa juleꞌ taq chꞌabꞌal chik, ¿la kꞌo kutayij riꞌ chiꞌwe? Are ne katan riꞌ we kinbꞌij jun kꞌutbꞌal chiꞌwach, o jun etaꞌmanik, jun qꞌalajisan tzij o jun kꞌutuꞌn.

K'iche'

⁶ Rumal ri', kachalal, we quinopan in iwuc', te c'u ri' quixinch'abej pa jule' tak ch'abal, ¿a c'o lo cupatänij ri' chiwe ri quinbij? Man c'o tä ri' we man quinbij tä chiwe ri cubij ri Dios, we man quinbij tä jun tzij chiwe ri rajwaxic quiwetamaj. We man quink'alajisaj tä chiwäch ri tzij ri yo'm chwe rumal ri Dios, we man quinya jun tijonic chiwe, man c'o tä cupatänij wa' chiwe.

K'iche' (New Orthography)

⁶ Rumal ri', qachalal, we kinopan in iwuk', te k'u ri' kixinch'ab'ej pa jule' taq ch'ab'al, ¿a k'o lo kupatänij ri' chiwe ri kinb'ij? Man k'o tä ri' we man kinb'ij tä chiwe ri kub'ij ri Dios, we man kinb'ij tä jun tzij chiwe ri rajwaxik kiwetamaj. We man kinq'alajisaj tä chiwäch ri tzij ri yo'm chwe rumal ri Dios, we man kinya jun tijonik chiwe, man k'o tä kupatänij wa' chiwe.

1 Corintios 14:6 ပူးပေါင်းရင်းမြစ်များ

Ri Jeremiy 16:19

Ajawaxel, chuk'ab xukuje' to'bal wib, nu panibal pa ri jok'otaj aretak xak quieb cubij panuwi'; uc' la quepe wi na ri nimak tak tinimit ri c'o tzam tak ri uwächulew, caquibij c'u na che la: “Xuwi e subunelab tak diosib, man c'o ta qui patan mawi c'o ta jas quecuin ta che qui banic xequic'am ri e ka mam che quechbal.

Ri Jeremiy 23:32

Quink'alajisaj wib chi quebenc'ulelaj we e k'axal tak tzij ri' ri quequitzijoj tak ichic' ri xa' e re banoj tak tzij; ri cuc' tak ri qui banoj tak tzij xukuje' tak ri qui no'j quequibano chi ri nu tinimit caquijech'obisaj ri qui be. In man e nu takom ta bic mawi c'o ta jun takanic nu yo'm ta chque, jeri' man e ta ticarel che u to'ic ri tinimit. In, ri Ajawaxel, quinjiquiba' u bixic.”

Ri Matey 11:25

Pa ri k'ij ri' xch'aw ri Jesus, xubij: “Quink'ijilan che la, Tat, Rajaw caj ulew, chi xebec'u' la we jastak ri' chquiwäch ri c'o qui no'j xukuje' ri c'o qui ch'obobal, xebec'utinisaj c'u la chquiwäch ri ac'alab.

Ri Matey 16:17

Ri Jesus xubij che: “Utz awe, Simon, u c'ojol ri Jonas. Man xc'ut ta wa' chawäch cumal ri winak, xane' xc'ut wa' chawäch rumal ri nu Tat ri c'o pa ri caj.

Ri Matey 16:26

¿Jas ta c'u lo cärechbej na jun winak, we cuch'äc ronojel ri uwächulew, cutzak c'u ri ranima'? ¿Jas ta lo cuya' na ri winak che u q'uexwäch ri ranima'?

Hechos 2:42

Co c'u xec'oji' conojel chupam ri qui tijonic ri takomxenlab, xukuje' xec'oji' pa ri comonic chquixo'l, cäquipir c'u ri caxlanwa junam, xukuje' cäquimulij quib cäquiban ch'awem.

Romanos 15:14

Kas weta'm jas ri i banom, wachalal, chi nojinak ri iwanima' che utzil, chi nim ri iwetamabal, chi quixcuinic quipixbela' iwib.

Romanos 16:17

Quixinbochi'j, wachalal, chi chajij iwib chquiwäch ri winak ri quequitas jujun cojonelab chquij niq'uiaj chic, ri cäquiban chque chi cuban quieb canima' che ri tijonic ri xiwetamaj. Chitasa' iwib chquij wa'.

Romanos 6:17

Maltiox c'u che ri Dios, pune' ba xixc'oji' na can che lok'om tak pataninelab che ri mac, camic c'ut ruc' ronojel iwanima' cätajin quinimaj ri tijonic ri yo'm chiwe.

1 Corintios 10:33

Ri in, pa wech wi, quintij nu k'ij quinban ri cäkaj chquiwäch conojel pa ronojel, man are' ta quintzucuj ri kas utz na chwe xane' are ri quech ri niq'uiaj chic, rech caquirik ri colobal ib.

1 Corintios 14:1

Chicojo' i chuk'ab rech cäc'oji' lok'ok'ebal i c'u'x. Sibalaj chebirayij ri jastak ri cuya' ri Uxlabaxel chiwe. Are c'u sibalaj chirayij ri u k'axexic ri u tzij ri Dios.

1 Corintios 14:7

Ri jastak ri man c'o ta qui c'aslemal ri quecoj che k'ojom, je jas ri trompet o ri arp, we ta xa' jun u wäch ri u ch'abal cäbanic ¿jas ta cäban ri' che u ch'obic ri quel pa ri k'ojom?

2 Corintios 11:6

Pune' man quinna'w taj quintzijonic, man in je ta wa' pa ri wetamabal. Kas ka c'utum wa' chiwäch pa ronojel ri ka banom.

2 Corintios 12:1

Rajawaxic quinnimarisaj wib, pune' man c'o ta quechbex che. Quinchaplej c'u qui tzijoxic ri c'utwächinic xukuje' ri niq'uiaj jastak chic ri e c'utum chnuwäch rumal ri Ajawaxel.

2 Corintios 12:7

Sibalaj mayibal c'u ri jastak ri e u c'utum ri Dios chnuwäch. Rumal ri' yo'm jun c'ax chwe je ta ne jun q'uix pa ri nu cuerp, rech man sibalaj quinnimarisaj ta wib. Are takom ulok wuc' rumal ri Satanas, ri je ta ne quinuch'ayo, rech man sibalaj quinnimarisaj ta wib.

Efesios 1:17

Quintz'onoj che ri u Dios ri Kajaw Jesucrist, ri juluwemalaj Tataxel Dios, chi chuya' ri no'j aj uxlabal chiwe che u ch'obic ri cuc'utunisaj xukuje' che ri utzalaj retamaxic u wäch.

Efesios 3:4

Aretak quisiq'uij u wäch ri wuj ri', quiwetamaj chi ri in weta'm ri jastak re ri Crist ri man etamatal ta can nabe.

Filipenses 3:15

Jewa' ri uj co chic pa ri ka cojonic che u ternexic ri Crist, je chujchomam wa', we jun chi c'u wi ri i chomanic, ri Dios cuc'utunisaj na wa' xukuje' chiwäch.

2 Timoteo 2:14

Chanataj wa chque. Pa ri u bi' ri Dios chata' chque chquitanaba' u yajic quib puwi' jujun tak tzij. Ri c'ulelam ib man c'o ta u patan; xane' quequiyojtajisaj ri quetatabenic.

2 Timoteo 3:10

Are c'u ri at chaterenej ri nu tijonic, ri u cholajil ri nu c'aslemal, ri nu chomam u banic, ri nu cojonic, ri nu coch'onic, ri nu lok'ok'ebal c'uxaj xukuje' ri nu chuk'ab che takanic,

2 Timoteo 3:16

Ronojel ri Tz'ibatalic petinak ruc' ri Dios: utz che tijonic, che pixbenic, che jic'onic, che nak'atisanic che ri suq'uilal.

2 Timoteo 4:2

chak'alajisaj ri u tzij ri Dios aretak cuya' cätzijoxic xukuje' aretak man cuya' taj. Chatyajonak, chatk'ilonok xukuje' chaya' chuk'ab, chattijon ba' ruc' ronojel coch'onic.

Ri Tit 3:8

Kastzij we tzij ri'. Quinwaj c'ut chi cabij we jastak ri', muban quieb a c'u'x, rech ri e cojoninak che ri Dios queboc il che qui banic utzalaj tak chac. We jastak ri' e utz chque ri winak, c'o cäquechbej chque.

Hebreos 13:9

Mixc'amalax bic cumal jule' tak tijonic chic ri e jalan chi wi. Are c'u utz na chi co quitiquiba' ri iwanima' chrij ri u tok'ob ri Dios, man chrij ta ri wa ja'. Ri je qui banom wa' man c'o ta xquechbej.

2 Pedro 1:5

Rumal ri' chicojo' ronojel i chuk'ab rech rumal ri i cojonic cac'oji' xukuje' jun utzalaj i c'aslemal aj suq'uilal, ruc' c'ut we utzalaj c'aslemal ri' rajawaxic cac'oji' iwetamanic.

2 Pedro 3:18

Chixq'uiy ba' pa ri u tok'ob xukuje' pa ri retamaxic u wäch ri Kajaw xukuje' ka Colonel Jesucrist xukuje' c'ä pa tak ri k'ij junab chbe k'ij sak. Je chbanok.

2 Juan 1:9

E apachin tak winak ri cäquiya' u wi' ri u tijonic ri Crist, ri man quejeki' ta chupam, man c'o ta ri Dios ri' pa ri canima'. Apachin c'u ri cäjeki' pa ri u tijonic ri Crist, are ri' c'o ri Tataxel xukuje' ri C'ojolaxel ruc'.

Nabe Samuel 12:21

Mebiterenej tak diosib e subunelab c'ut, ri man quecuin taj quetobanic mawi queto'tajisanic.