1 Corintios 14:4 - Quiché Bible

⁴ Ri jun ri cätzijon pa tak ch'abal, are cuya' u chuk'ab chbil rib. Are c'u ri jun ri cuk'axej ri u tzij ri Dios chque ri winak, are cuya' qui chuk'ab ri e re ri comon cojonelab.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴ Ri kachꞌaw pa juleꞌ taq tzijobꞌal chik, kuwok ribꞌ chibꞌil ribꞌ. Are kꞌu ri kuqꞌalajisaj ri tzij ri kaya che rumal ri Dios are kuꞌwok ri winaq pa ri komontyox.

K'iche'

⁴ Ri winak ri cäch'aw pa jule' tak ch'abal, xak u tuquiel ri' cuto' rib pa ru cojonic. Are c'u ri jun ri cuk'alajisaj tzij ri cäyi' che rumal ri Dios, are cuya u chuk'ab ri qui cojonic ri kachalal cojonelab.

K'iche' (New Orthography)

⁴ Ri winaq ri käch'aw pa jule' taq ch'ab'al, xaq u tukiel ri' kuto' rib' pa ru kojonik. Are k'u ri jun ri kuq'alajisaj tzij ri käyi' che rumal ri Dios, are kuya u chuq'ab' ri ki kojonik ri qachalal kojonelab'.

1 Corintios 14:4 ပူးပေါင်းရင်းမြစ်များ

Marcos 16:17

Ri quecojonic quequiban na we etal ri': Quequesaj na itzel tak uxlabal pa ri nu bi', quetzijon na pa c'ac' tak ch'abal,

Romanos 14:19

Chkabana' ba' ri jastak ri cäquiya' jamaril chkaxo'l xukuje' ri cäquiya' ka chuk'ab pa ri ka cojonic.

1 Corintios 12:10

Jun yo'm che ri u banic tak mayibal. Ri jun chic yo'm che ri u k'axexic u tzij ri Dios. Jujun chic cuya' ri Dios chque ri retamaxic u wäch ri uxlabal ri e subunelab xukuje' ri kas Ruxlabal ri Dios. Jujun chic cäya' chque chi quech'aw pa tak ch'abal. Cäya' chi c'u na chque jujun chic ri u k'alajisaxic ri bim pa tak we ch'abal ri'.

1 Corintios 12:28

Ri xebucoj ri Dios pa ri comon cojonelab e are wa': nabe xebucoj ri takomxenlab, chucab xebucoj ri e k'axal tak tzij, churox xebucoj ri quetijonic, c'äte ri' ri quequiban tak mayibal, ri quecunanic, ri cäquiban tok'ob, ri cäquic'am qui be niq'uiaj chic xukuje' ri quetzijon pa tak ch'abal.

1 Corintios 13:1

We ta quinch'aw pa ri qui ch'abal ri winak, xukuje' ta c'u ne pa ri quech ri tako'nib aj chicaj, ma ta c'u c'o lok'ok'ebal nu c'u'x, quinux ri' jas jun quiäk ch'ich' ri cätzilnajic, o jun quetequic ch'ich' ri cäch'arnajic.

1 Corintios 13:2

We ta quink'axej tzij chque ri winak ri yo'm chwe rumal ri Dios, we ta weta'm conojel ri jastak ri man esam ta chi sak xukuje' ronojel etamabal, we ta sibalaj nim ri nu cojonic jeri' chi quincuinic quebenwesaj ri juyub pa tak ri qui c'olbal, ma ta c'u c'o lok'ok'ebal nu c'u'x, man c'o ta nu banic ri'.

1 Corintios 14:12

Jeri' xukuje' ri ix, ri sibalaj quirayij ri sipanic aj uxlabal, chicojo' i chuk'ab rech queq'uiyir iwuc' ri jastak ri cuya' ri Uxlabaxel chiwe, che u ya'ic qui chuk'ab ri e rech ri comon cojonelab.

1 Corintios 14:22

Je ba' ri' chi ri tzijonem pa tak ch'abal, jun etal wa' chque ri man e cojonelab taj; man chque taj ri e cojonelab. Are' c'u ri u k'axexic ri tijonic ri cuya' ri Dios, jun etal wa' chque ri cojonelab; man chque taj ri man e cojonelab taj.

1 Corintios 14:26

Chuq'uisbalil, wachalal, aretak ri ix qui mulij iwib, jujun cuya' caquibixoj salm, jujun chic cuya' caquiya' tijonic, o caquiya' u bixic ri u k'alajisam ri Dios chque, o quech'aw pa jule' tak ch'abal chic, o quequik'alajisaj. Ronojel c'ut chux xak xuwi che qui q'uiyibal ri cojonelab.

1 Corintios 14:3

Are c'u ri jun ri cuk'axej tzij chque ri winak ri yo'm che rumal ri Dios, are quebuch'abej ri winak. Jeri' cuya' u chuk'ab ri qui cojonic, quebupixbej xukuje' cucu'bisaj qui c'u'x.

1 Corintios 14:5

Je c'u ri' quinwaj ta ne chi iwonojel quixtzijon pa tak ch'abal. Are c'u sibalaj quinwaj chi quik'axej tzij chque ri winak ri yo'm chiwe rumal ri Dios. Ri jun ri cuk'axej ri u tzij ri Dios chque ri winak, are nim na u banic chuwäch ri cätzijon pa tak ch'abal, we man cuk'axej pa ka ch'abal jas ri tzij ri cubij pa tak ch'abal, rech cuya' qui chuk'ab ri e re ri comon cojonelab.