1 Corintios 13:8 - Quiché Bible

⁸ Ri lok'ok'ebal c'uxaj mawi ta jumul casach u wäch. Cäpe jun k'ij aretak ri winak man cäquik'axej ta chic ri u tzij ri Dios, quetani' tak na ri ch'abal, ri etamanic cäsach na u wäch.

RI KꞌAKꞌ TESTAMENTO PA TZIJOBꞌAL KꞌICHEꞌ

⁸ Ri loqꞌanik man kasach ta uwach. Are kꞌu ri qꞌalajisan tzij kataniꞌ na, ri tzijonem pa juleꞌ ta tzijobꞌal chik kasach na uwach, xuqujeꞌ ri sipanik rech etaꞌmanik, kasach na uwach.

K'iche'

⁸ Ri rutzil kanima' chbil tak kib man cäq'uis tä u wäch. Cäpe c'u na ri k'ij aretak man c'o tä chi jun cuk'alajisaj tzij ri cäyi' che rumal ri Dios, man c'o tä chi jun cäch'aw pa jule' tak ch'abal chic, xukuje' ri etamanic xa cäq'uis na u wäch wa'.

K'iche' (New Orthography)

⁸ Ri rutzil qanima' chb'il taq qib' man käk'is tä u wäch. Käpe k'u na ri q'ij aretaq man k'o tä chi jun kuq'alajisaj tzij ri käyi' che rumal ri Dios, man k'o tä chi jun käch'aw pa jule' taq ch'ab'al chik, xuquje' ri etamanik xa käk'is na u wäch wa'.

1 Corintios 13:8 ပူးပေါင်းရင်းမြစ်များ

Ri Jeremiy 49:7

Tzijol ri cuya' ri Ajawaxel ri c'o ronojel u cuinem che ri cuc'ulmaj na ri Edom: “¿La man c'o ta chi no'j pa Teman? ¿La man queta'm ta chic jas caquiban ri c'o quetamanic? ¿La xetzeletaj ri qui no'j?

Ri Lucax 22:32

Xinbochi'n c'u pawi', rech man caya' ta can ri a cojonic. Ri at c'ut, aretak chaq'uex chi na a c'u'x, chaya' qui chuk'ab ri awachalal.”

Hechos 13:1

E c'o k'axal tak tzij xukuje' ajtijab chquixo'l ri comon cojonelab aj Antioquiy. E are wa' ri Bernabe, ri Simeon ri cäbix K'ek che, ri Lus aj Siren, ri Manaen ri junam xq'uiyisax ruc' ri Herod ri k'atal tzij re Galiley, xukuje' ri Sawl.

Hechos 19:6

ri Pawl xuya' ri u k'ab paquiwi', te c'u ri' xpe ri Ruxlabal ri Dios paquiwi'. Xetzijon pa jule' tak ch'abal chic, xequik'axej tzij chque ri winak ri xya' chque rumal ri Dios.

Hechos 2:4

Conojel c'ut xenojisax che ri Ruxlabal ri Dios, xquichaplej tzijonic pa jule' tak ch'abal chic, jas ri xuya' ri Uxlabaxel chque chi quech'aw wi.

1 Corintios 12:10

Jun yo'm che ri u banic tak mayibal. Ri jun chic yo'm che ri u k'axexic u tzij ri Dios. Jujun chic cuya' ri Dios chque ri retamaxic u wäch ri uxlabal ri e subunelab xukuje' ri kas Ruxlabal ri Dios. Jujun chic cäya' chque chi quech'aw pa tak ch'abal. Cäya' chi c'u na chque jujun chic ri u k'alajisaxic ri bim pa tak we ch'abal ri'.

1 Corintios 13:10

Quebopan c'u na pa ri qui q'uisbalil aretak chpe ri tz'akatil.

1 Corintios 13:13

E oxib jastak e c'olic ri kas e jekejoj wi: ri cojonic, ri eyebal c'uxaj, xukuje' ri lok'ok'ebal c'uxaj. Ri nim c'u na u k'ij chquixo'l we oxib ri', are ri lok'ok'ebal c'uxaj.

1 Corintios 14:39

Je ba' ri', wachalal, sibalaj chirayij ri u k'alajisaxic ri tijonic ri yo'm chiwe rumal ri Dios. Mebik'atij c'u qui wäch ri quetzijon pa niq'uiaj tak ch'abal chic.

1 Corintios 8:2

We c'o jun cuchomaj chi c'o retamabal, c'ä maja' reta'm ri' jas ri rajawaxic cäretamaj.

Gálatas 5:6

We ix jun ruc' ri Crist, pune' cojom ri u kopixic ri u wi' ri u tz'umal ri ix achijab wi che iwetal, o man cojom taj, man are ta ri' ri c'o u banic, xane' are ri cojonic cächacun rumal ri lok'ok'ebal c'u'x.

Hebreos 8:13

Aretak ri Dios cubij chi c'o jun c'ac' c'ulwächinic, cuban k'e'l che ri nabe. Are c'u ri cabixic chi k'e'l chic, cutakej c'u k'elobic, chanim cäsach na u wäch.