1 Corintios 12:8 - Quiché Bible

⁸ Jun yo'm che, tzij re no'j rumal ri Uxlabaxel. Ri jun chic yo'm che, tzij re etamabal. Xa c'u jun ri Uxlabaxel ri cayowic.

RI KꞌAKꞌ TESTAMENTO PA TZIJOBꞌAL KꞌICHEꞌ

⁸ Ri Dios xuya chike jujun pa ri Uxlabꞌal tzij rech noꞌj, chike nikꞌaj chik tzij rech etaꞌmabꞌal,

K'iche'

⁸ Rumal ri Lok'alaj Espíritu jujun cojonelab sipam chque chi quech'aw ruc' no'j, jujun chi c'ut sipam chque rumal ri Espíritu ri' chi quech'aw ruc' nimalaj etambal.

K'iche' (New Orthography)

⁸ Rumal ri Loq'alaj Espíritu jujun kojonelab' sipam chke chi kech'aw ruk' no'j, jujun chi k'ut sipam chke rumal ri Espíritu ri' chi kech'aw ruk' nimalaj etamb'al.

1 Corintios 12:8 ပူးပေါင်းရင်းမြစ်များ

Ri Nehemiy 9:20

Xya' c'u ne la que ri utzalaj uxlabal la che qui tijoxic; mawi jumul ma ta xopan ri jaswa' pa qui chi' ri xtak la ulok chque, xaya' la qui ja' che resaxic ri qui chaki'j chi'.

Ri Job 32:8

Kas c'u ne kastzij ronojel winak c'o u ch'obonic, are' c'ut ri c'o ronojel u cuinem are' xyo'w ri ruxlabal che.

Salmib 143:10

Chc'utu' la chnuwäch ri u banic ri rayibal la, lal c'ut ri nu Dios. ¡Are' ta ba' ri utzalaj uxlabal la chinc'amow bic chupam jun suc'alaj be!

Elem 31:3

nu nojisam c'u che ri ruxlabal ri Dios xukuje' che no'jinic, nawinic, etamanic, che qui banic jastak,

E C'ambal tak Tzij 2:6

Are' c'ut ri Ajawaxel cäyo'w ri no'j; ri ch'obonic ri etamanic chuchi' quebel wi ulok.

Ri Isaiy 50:4

Ri Ajawaxel u yo'm nu no'j rech quincu'bisaj qui c'u'x ri e cosinak cuc' tak tzij re chajin anima'aj. Conojel ak'abil cuban chwe chi quineyenic rech quintataben ruc' ch'uch'ujil.

Ri Isaiy 59:21

Ri Ajawaxel cubij: “In quinban jun c'ulwächinic iwuc', kas quinban c'u na ri quinbij chi ri nu cuinem xukuje' ri no'jibal ri nu yo'm chiwe, mawi jubik' cäquitas ta quib chiwe mawi chque ri e iwalc'ual chbe k'ij sak.”

Ri Daniel 2:21

Ri are' quebuq'uex ri k'ijaric xukuje' tak ri k'ijol; queresaj xukuje' quebucoj tak ajawinelab, cuya' qui no'j tak ri ajno'jab xukuje' qui c'oxomabal ri quec'oxomanic.

Ri Matey 13:11

Ri Jesus xubij chque: “Chiwe ix yo'm wi u ch'obic ri jastak re ri rajawibal ri Dios, ri man etamatal taj nabe canok. Man yo'm ta c'u chque ri e are.

Hechos 6:3

Chebitzucuj ba wukub achijab chixo'l, kachalal, ri k'alaj chi e nojinak che ri Uxlabaxel, xukuje' c'o qui no'j, rech quekacoj pa we chac ri'.

Romanos 15:14

Kas weta'm jas ri i banom, wachalal, chi nojinak ri iwanima' che utzil, chi nim ri iwetamabal, chi quixcuinic quipixbela' iwib.

1 Corintios 1:30

Rumal c'ut ri are' ix nuc'utal ruc' ri Crist Jesus, ri rumal ri Dios uxinak no'j chke, xukuje' suq'uilal, tastaliquil xukuje' colobal ib.

1 Corintios 1:5

Chi pa ronojel xixk'inomarisax wi rumal are' pa ri uxlabal, pa ronojel tzij, pa ronojel etamanic;

1 Corintios 13:2

We ta quink'axej tzij chque ri winak ri yo'm chwe rumal ri Dios, we ta weta'm conojel ri jastak ri man esam ta chi sak xukuje' ronojel etamabal, we ta sibalaj nim ri nu cojonic jeri' chi quincuinic quebenwesaj ri juyub pa tak ri qui c'olbal, ma ta c'u c'o lok'ok'ebal nu c'u'x, man c'o ta nu banic ri'.

1 Corintios 13:8

Ri lok'ok'ebal c'uxaj mawi ta jumul casach u wäch. Cäpe jun k'ij aretak ri winak man cäquik'axej ta chic ri u tzij ri Dios, quetani' tak na ri ch'abal, ri etamanic cäsach na u wäch.

1 Corintios 14:26

Chuq'uisbalil, wachalal, aretak ri ix qui mulij iwib, jujun cuya' caquibixoj salm, jujun chic cuya' caquiya' tijonic, o caquiya' u bixic ri u k'alajisam ri Dios chque, o quech'aw pa jule' tak ch'abal chic, o quequik'alajisaj. Ronojel c'ut chux xak xuwi che qui q'uiyibal ri cojonelab.

1 Corintios 14:6

Rumal c'u ri', wachalal, we quinopan iwuc', quintzijon ta pa tak ch'abal, ¿jas ta lo quiwechbej ri' che, we man quink'alajisaj jun jasach chiwäch, o quinbij jun jasach chiwe re etamabal, o quink'axej ri u tzij ri Dios chiwe, o quixintijoj?

1 Corintios 2:11

Chquixo'l ri winak, man c'o ta jun cäch'obow ri u chomanic jun winak, xane' xak xuwi ri uxlabal ri c'o ruc' ri winak. Jeri' xukuje' man c'o ta jun cäch'obow ri u chomanic ri Dios, xane' xak xuwi ri Ruxlabal ri Dios.

1 Corintios 2:16

Cubij ri Tz'ibatalic: “¿Jachin ta xch'obow ri u chomanic ri Ajawaxel? ¿Jachin ta xtijon ri Ajawaxel? Are c'u ri uj, c'o ri chomanic re ri Crist kuc'.”

2 Corintios 1:12

Sibalaj cujquicot rumal wa', chi cäkana' pa ri canima' chi uj tastalic tak winak che u patanixic ri Dios xukuje' man xa ta quieb kanima' pa ronojel ri ka banom cuc' conojel ri winak kas c'u are na chixo'l ix. Are ri Dios yowinak wa' chke rumal ri u tok'ob, man are ta rumal quetamabal winak.

2 Corintios 11:6

Pune' man quinna'w taj quintzijonic, man in je ta wa' pa ri wetamabal. Kas ka c'utum wa' chiwäch pa ronojel ri ka banom.

2 Corintios 2:14

Maltiox ba' che ri Dios, chi amak'el cujuc'am bic pa ri ch'äcanic pa ri Crist Jesus chi rumal c'u kech cuya' retamaxic ri u tijonic ri cäjabun, pa conojel c'olbal jacha' jun c'oc'alaj uxlab.

2 Corintios 4:6

Ri Dios, ri xubij: “Chtunun ri sakil pa ri k'eku'm”, are ri' ri xtunun pa ri kanima', rech cäketamaj ri u juluwem ri Dios ri cäjuluw che ri u palaj ri Jesucrist.

2 Corintios 6:6

Pa ronojel wa': ch'ajch'oj ri ka c'aslemal, keta'm ri kastzij c'o ka coch'onic, cäkaban tak tok'ob, c'o ri Ruxlabal ri Dios kuc', kastzij quekalok'ok'ej ri winak,

2 Corintios 8:7

Ri ix sibalaj utz quiban pa ronojel: utz ri i cojonic, utz ri i tzij, xukuje' utz ri iwetamabal. Sibalaj quicoj i chuk'ab che ri chac xukuje' ri ka lok'exic iwumal. Jeri', xukuje' utz chibana' pa we tok'ob ri'.