1 Corintios 12:7 - Quiché Bible

⁷ Ri Dios u yo'm chke chkajujunal ri u k'alajisaxic ri Uxlabaxel pa ri ka c'aslemal, rech c'o quechbexic.

RI KꞌAKꞌ TESTAMENTO PA TZIJOBꞌAL KꞌICHEꞌ

⁷ Chi kijujunal yaꞌtal jun sipanik rech ri Uxlabꞌixel chike, rech jeriꞌ keꞌkitoꞌ nikꞌaj chik.

K'iche'

⁷ Ri Dios cuya chque ri cojonelab chquijujunal jas ri cäc'utuwic chi c'o ri Lok'alaj Espíritu pa canima'. Yo'm c'u wa' chque rech conojel cäquirik utzil.

K'iche' (New Orthography)

⁷ Ri Dios kuya chke ri kojonelab' chkijujunal jas ri käk'utuwik chi k'o ri Loq'alaj Espíritu pa kanima'. Yo'm k'u wa' chke rech konojel käkiriq utzil.

1 Corintios 12:7 ပူးပေါင်းရင်းမြစ်များ

Elem 28:3

Chebatzijobej ri c'o qui no'j, ri e nu nojisam che no'jinic, rech cäquiban ri ratz'iak ri Aaron, coc c'u che cojol tabal tok'ob chnuwäch.

1 Corintios 12:12

Je jas ri cuerp, pune' e q'ui ri u tz'akatil xa c'u jun cuerp. Jeri' xukuje' ri Crist.

1 Corintios 14:12

Jeri' xukuje' ri ix, ri sibalaj quirayij ri sipanic aj uxlabal, chicojo' i chuk'ab rech queq'uiyir iwuc' ri jastak ri cuya' ri Uxlabaxel chiwe, che u ya'ic qui chuk'ab ri e rech ri comon cojonelab.

1 Corintios 14:17

Pune' utz ri a maltioxinic cabano, man caya' ta c'u u chuk'ab ri jun chic.

1 Corintios 14:19

pa ri comon cojonelab, utz na pune' xa job tzij quinbij ri cäch'obotajic rech quetijotaj niq'uiaj chic, chuwäch ri quinbij lajuj mil tzij pa jun ch'abal ri man cäch'obotaj taj.

1 Corintios 14:5

Je c'u ri' quinwaj ta ne chi iwonojel quixtzijon pa tak ch'abal. Are c'u sibalaj quinwaj chi quik'axej tzij chque ri winak ri yo'm chiwe rumal ri Dios. Ri jun ri cuk'axej ri u tzij ri Dios chque ri winak, are nim na u banic chuwäch ri cätzijon pa tak ch'abal, we man cuk'axej pa ka ch'abal jas ri tzij ri cubij pa tak ch'abal, rech cuya' qui chuk'ab ri e re ri comon cojonelab.