1 Corintios 11:29 - Quiché Bible

²⁹ Apachin c'u ri cutij ri caxlanwa xukuje' caruq'uiaj re che ri uq'uiabal, we man cuchomaj taj chi are' ri u cuerp ri Ajawaxel, che u c'äjisaxic u wäch cutij wi xukuje' caruq'uiaj wi.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁹ Rumal cher ri kuqumuj ri vino xuqujeꞌ kutij rech ri kaxlan wa man uchomam ta rij ri kariqitajik, kꞌaxkꞌolal tajin kutijo.

K'iche'

²⁹ We c'o jun cutij ri caxlan wa xukuje' ri c'o pa ri vaso, man cuchomaj tä c'u na chi are je' ta ne ru cuerpo ri Kajaw Jesús ri cutijo, xukuje' je' ta ne are u quiq'uel cutijo, xa cutzucuj ri' chi cäk'at na tzij puwi' chi cäc'äjisax na u wäch.

K'iche' (New Orthography)

²⁹ We k'o jun kutij ri kaxlan wa xuquje' ri k'o pa ri vaso, man kuchomaj tä k'u na chi are je' ta ne ru cuerpo ri Qajaw Jesús ri kutijo, xuquje' je' ta ne are u kik'el kutijo, xa kutzukuj ri' chi käq'at na tzij puwi' chi käk'äjisax na u wäch.

1 Corintios 11:29 ပူးပေါင်းရင်းမြစ်များ

Ri Tzijonel 8:5

Che ri cutz'akatisaj u banic jun takanic man c'o ta jun etzelal cuc'ulmaj na, are' c'u ri c'o u no'j cuch'obo jampa' xukuje' jas cuban che u tz'akatisaxic.

Ri Lucax 7:34

Xpe ri Rija'l Winak, ri cäwa'ic, ri cuq'uianic. Quibij c'ut: ‘Chiwilampe', jun achi ajwij, u q'uial u wa'l uva, cachil tok'il tak alcabal xukuje' ajmaquib.’

Romanos 13:2

Jeri', apachin ri cuc'ulelaj u wäch ri k'atal tzij, are cuc'ulelaj ri u takanic ri Dios. Are c'u ri quec'ulelanic, cäquic'am ulok c'äjisabal qui wäch chbil quib.

1 Corintios 11:24

aretak ya'tajinak chic ri maltioxinic rumal che ri Dios, xupiro je c'u xubij wa': “Are' nu cuerp wa', ri jachom che cämical che u banic utzil chiwe. Chibana' wa' che nu nataxic.”

1 Corintios 11:27

Je c'u ri' apachin ri cutij ri caxlanwa o cäruq'uiaj re che ri ruq'uiabal ri Ajawaxel, we c'u man cubano jas ri takal u banic, cämacun ri' chrij ri u cuerp xukuje' ri u quiq'uel ri Ajawaxel.

1 Corintios 11:28

Rajawaxic chijujunal quinic'oj ri iwanima'. Te c'u ri' cuya' quitij ri caxlanwa, xukuje' chixuq'uian che ri uq'uiabal.

1 Corintios 11:30

Rumal wa' e c'o q'ui yawabib chixo'l, e q'ui ri man c'o ta qui chuk'ab, xukuje' e jujun e cäminak chic.

Hebreos 5:14

Ri wa ri' are quech ri tz'akatinak chic qui junab. Rumal rech chi amak'el qui tijom quib, c'o chic qui no'j, quecuin che u ch'obic jas ri utz xukuje' jas ri man utz taj.

Santiago 3:1

E q'ui ri maquiban quib chi e ajtijab chixo'l, wachalal. Etamatal c'ut chi konojel cäk'at na tzij pakawi' e are' tak c'ut ri uj ri cujtijonic sibalaj c'ax na ri k'atoj tzij pa ka wi'.

Santiago 5:12

Ri sibalaj rajawaxic, wachalal, micoj ri caj o micoj ri ulew pa i tzij che u bixic ri chi'nic ri kas cäban na. Micoj apachique jasach pa i tzij che u bixic ri chi'nic ri kas cäban na. Xane' aretak quibij “je'”, xuwi “je'” chibij. Aretak quibij “man je taj”, xuwi “man je taj” chibij. Chibana' wa' rech man cäk'at ta tzij piwi'.