1 Corintios 10:32 - Quiché Bible

³² Mixux ya'l tzakibal chque ri aj judeyib, mawi chque ri man aj judeyib taj, mawi che ri comon cojonelab aj Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

³² Mixux topibꞌal aqanaj chike ri aꞌj Israel, xuqujeꞌ ri man aꞌj Israel taj o xapachin chike ri ukomontyox ri Dios.

K'iche'

³² Mibano chi quetzak niq'uiaj chic, we ne e are' ri winak aj Israel, we ne e are' niq'uiaj winak chic ri man e aj Israel taj, o e are' ri kachalal cojonelab che ri Dios.

K'iche' (New Orthography)

³² Mib'ano chi ketzaq nik'iaj chik, we ne e are' ri winaq aj Israel, we ne e are' nik'iaj winaq chik ri man e aj Israel taj, o e are' ri qachalal kojonelab' che ri Dios.

1 Corintios 10:32 ပူးပေါင်းရင်းမြစ်များ

Hechos 20:28

Chichajij iwib. Chichajij ronojel ri jumulaj chij ri yo'm pa i k'ab rumal ri Ruxlabal ri Dios. Xuya' pa i k'ab rech quebiyuk'uj ri e comon cojonelab rech ri Dios, ri xebulok' ruc' ri u quiq'uel.

Hechos 24:16

Rumal c'u ri', quinoc il amak'el chi cac'oji' jun ch'ajch'ojalaj retamabal nu c'u'x chuwäch ri Dios xukuje' chquiwäch ri winak.

Romanos 14:13

Je c'u ri', mäkak'atala' chi tzij pakawi'. Xane' are chichomaj chi man quiban ta chque ri iwachalal chi quetzakic o quekaj pa mac.

1 Corintios 1:2

quintz'ibaj we wuj ri' chque ri kachalal ri comon cojonelab aj Dios ri e c'o pa Corint, ri e tastal pa ri Crist Jesus, e siq'uim rech quebux tastalicalaj tak winak, xukuje' chque conojel ri cäquita' ri u to'banic ri Kajaw Jesucrist pa ronojel c'olbal, Cajaw ri e are' xukuje' Kajaw uj.

1 Corintios 10:33

Ri in, pa wech wi, quintij nu k'ij quinban ri cäkaj chquiwäch conojel pa ronojel, man are' ta quintzucuj ri kas utz na chwe xane' are ri quech ri niq'uiaj chic, rech caquirik ri colobal ib.

1 Corintios 11:22

¿La ma ta c'o iwachoch jawije' quixwa' wi xukuje' quixuq'uian wi? ¿La ma ta nim quiwil wi ri u comon cojonelab ri Dios? ¿Jasche quiwesaj qui q'uixbal ri man c'o ta que? ¿Jas c'u quinbij chiwe? ¿La quinbij lo chi utz ri cätajin quibano? Jayi', kastzij chi man utz taj.

1 Corintios 12:28

Ri xebucoj ri Dios pa ri comon cojonelab e are wa': nabe xebucoj ri takomxenlab, chucab xebucoj ri e k'axal tak tzij, churox xebucoj ri quetijonic, c'äte ri' ri quequiban tak mayibal, ri quecunanic, ri cäquiban tok'ob, ri cäquic'am qui be niq'uiaj chic xukuje' ri quetzijon pa tak ch'abal.

1 Corintios 15:9

Ri in c'ut man c'o ta nu banic chquixo'l ri takomxenlab. Man takal taj cäbix takom chwe, rumal rech chi xinban na c'ax chque ri e rech ri u comon cojonelab ri Dios.

1 Corintios 7:17

Chijujunal ba' chibana' jas ri u yo'm ri Ajawaxel chiwe, jas ri i banic aretak xixsiq'uix rumal ri Dios. Are je nu takanic wa' pa tak conojel ri comon cojonelab.

1 Corintios 8:13

Rumal ri', we ri quintijo cuban che ri wachalal chi cätzakic, mawi jumul quintij chi ti'j, rech man quinux ta jun tzakibal che ri wachalal.

2 Corintios 1:1

Ri in Pawl, in takom rech ri Jesucrist rumal ri u rayibal ri Dios. In xukuje' ri kachalal Timotey cäkatz'ibaj we wuj ri' chque ri e re ri u comon cojonelab ri Dios ri c'o pa Corint, xukuje' chque conojel ri winak ri e rech ri Dios ri e c'o pa Acay.

2 Corintios 6:3

Man c'o ta ri cäkaya' ta wi itzel c'utbal che jachin jun, rech man cäyok' ta ri ka chac ri cätajin cäkabano.

Gálatas 1:13

I tom chi c'ut jas ri xinban ojer aretak junam nu wäch cuc' ri aj judeyib. Sibalaj xinban c'ax che ri u comon cojonelab ri Dios, are ta ximwaj xinsach u wäch.

Filipenses 1:10

Jeri' quixcuin che u ch'obic jas ri kas utz na u banic, rech man xa' ta quieb iwanima' xukuje' ma ta c'o k'atbal cäriktaj chiwij aretak cäpe ri Crist.

Filipenses 3:6

Nabe sibalaj xincoj nu chuk'ab che u banic c'ax che ri comon cojonelab; in suc' chuwäch ri pixab, man c'o ta etzelal cäriktaj chwij.

1 Tesalonicenses 2:14

Ri ix c'ut, kachalal, xiban iwe jas ri xquiban ri e u comon cojonelab ri Dios ri e c'o pa Judey, ri e re ri Crist Jesus. Xukuje' ri ix xa' junam xirik c'ax cumal ri e i winakil, jas ri e are' xquirik c'ax cumal ri aj judeyib.

1 Timoteo 3:15

we ne quinbeytajic, rech cawetamaj jas caban pa ri rachoch ri Dios, are wa' ri e u comon cojonelab ri c'aslic Dios, ri rakan ja xukuje' ri to'bal re ri kastzij.

1 Timoteo 3:5

We c'u c'o jun man reta'm ta ruc'axic ri rachoch, ¿jas ta c'u lo cuban che rilixic ri u comon cojonelab ri Dios?

Ri Rut 3:14

Ri Rut xwar pa ri ak'ab ri' pa rakan ri Booz. Chucab k'ij c'ä majok chi casakaric xwalijic, aretak c'ä sibalaj k'eku'm na, u bim c'ut ri Booz: “Man c'o ta jun cheta'manic chi we ixok ri' ulinak waral.”