1 Corintios 10:23 - Quiché Bible

²³ Ronojel ya'tal u banic wumal, man ronojel ta c'ut c'o quechbex che. Ronojel cuya' quinbano, man ronojel ta c'ut cuya' ka chuk'ab pa ri ka cojonic.

RI KꞌAKꞌ TESTAMENTO PA TZIJOBꞌAL KꞌICHEꞌ

²³ Utz kubꞌan jun ronojel ri karaj, man ronojel ta kꞌut kꞌo kachꞌek che. Utz kubꞌan jun ronojel ri karaj, man ronojel ta kꞌut kukꞌam loq utzilal.

K'iche'

²³ Kas tzij ri cäbixic: “Jachique ri cwaj quinbano, cuya' quinbano,” —quecha ri winak. Man ronojel tä c'ut curik utzil rumal. Jun winak cuya' cubano jachique ri craj, man ronojel tä c'ut cuya u chuk'ab ri ka cojonic.

K'iche' (New Orthography)

²³ Qas tzij ri käb'ixik: “Jachike ri kwaj kinb'ano, kuya' kinb'ano,” —kecha ri winaq. Man ronojel tä k'ut kuriq utzil rumal. Jun winaq kuya' kub'ano jachike ri kraj, man ronojel tä k'ut kuya u chuq'ab' ri qa kojonik.

1 Corintios 10:23 ပူးပေါင်းရင်းမြစ်များ

Romanos 14:15

We caban che ri awachalal chi cäbisonic xa' rumal ri catijo, man calok'ok'ej ta ri'. ¡Maban che jun winak chi cäsach u wäch rumal ri catijo! ¡Xcäm c'u ri Crist rumal rech ri are'!

1 Corintios 14:12

Jeri' xukuje' ri ix, ri sibalaj quirayij ri sipanic aj uxlabal, chicojo' i chuk'ab rech queq'uiyir iwuc' ri jastak ri cuya' ri Uxlabaxel chiwe, che u ya'ic qui chuk'ab ri e rech ri comon cojonelab.

1 Corintios 14:17

Pune' utz ri a maltioxinic cabano, man caya' ta c'u u chuk'ab ri jun chic.

1 Corintios 14:26

Chuq'uisbalil, wachalal, aretak ri ix qui mulij iwib, jujun cuya' caquibixoj salm, jujun chic cuya' caquiya' tijonic, o caquiya' u bixic ri u k'alajisam ri Dios chque, o quech'aw pa jule' tak ch'abal chic, o quequik'alajisaj. Ronojel c'ut chux xak xuwi che qui q'uiyibal ri cojonelab.

1 Corintios 6:12

Ronojel ya'tal chwe quinbano, man ronojel ta c'ut c'o quechbex che. Ronojel ya'tal chwe quinbano, man c'o ta c'u jun jasach quinya' ta wib pa u k'ab.

1 Corintios 8:1

Camic are quinoc chic che u bix ri tabal tok'ob ri cäcoj chquiwäch ri diosib. Kastzij ri cabixic: chi konojel c'o ketamanic; are c'u ri etamanic cuban chke chi cakaban nimal, are c'u ri lok'ok'ebal c'uxaj cuban chke chi cuq'uiyisaj ri ka cojonic aj uxlabal.

1 Corintios 8:9

Miya' c'u c'olbal chi rumal ri etamanic ri c'o iwuc' qui bano chi ri e tukar pa ri qui cojonic quekaj pa ri macunic.

2 Corintios 12:19

Cäraj ne cätajin quichomaj chi cätajin cakatz'onoj chi cujicuyu', man je ta c'u quelic. Man je taj ri quibij, cätajin c'u cujtzijon chuwäch ri Dios uj c'u ajcristib xukuje'. Ronojel c'u wa' lok'alaj tak kachalal, rech ri ix quixq'uiy chupam ri uxlabal.

Efesios 4:29

Mel ulok pa i chi' jun itzel tzij, xane' xuwi chibij tzij ri utz ri cuya' qui chuk'ab xukuje' cuya' utzil chque ri queto'wic.

1 Tesalonicenses 5:11

Rumal ri', chicu'bisala' i c'u'x, chiyala' i chuk'ab, jas ri cätajin quibano.

1 Timoteo 1:4

o qui cholajil ri qui bi' ri e qui mam ri winak ri man c'o ta qui q'uisic. We jastak ri' xak quequiyac tak chomanic ri man c'o ta u patan, man quequito' ta che u banic ri chac ri u yo'm ri Dios chque rumal ri cojonic.