1 Corintios 10:1 - Quiché Bible

¹ Wachalal, quinwaj quiwetamaj chi conojel ri e ka mam xec'oji' chuxe' ri sutz', xukuje' conojel xeboc'ow pa ri Quiäk' Plo.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Wachalal, man kawaj taj chi kasachan chiꞌwe chi xkꞌojiꞌ jun sutzꞌ pa kiwiꞌ ri e qatat qanan ojer xuqujeꞌ konojel xiꞌkꞌow pa ri plo.

K'iche'

¹ Kachalal, cwaj in chi cäna'taj chiwe chi conojel ri ka mam ojer xec'oji pa ri u mu'jal ri sutz' ri xuya ri Dios, conojel c'ut xek'ax pa ri “Quiäk Mar”.

K'iche' (New Orthography)

¹ Qachalal, kwaj in chi käna'taj chiwe chi konojel ri qa mam ojer xek'oji pa ri u mu'jal ri sutz' ri xuya ri Dios, konojel k'ut xeq'ax pa ri “Kiäq Mar”.

1 Corintios 10:1 ပူးပေါင်းရင်းမြစ်များ

Ri Nehemiy 9:19

Lal, rumal ri nimalaj elebal c'u'x la, man xewonoba' ta la can chupam ri chaki'j uwo sak. Ri jutac'aj sutz' man xutas ta rib chque pa k'ij che u c'amic qui be che ri qui be, mawi ri jutac'aj k'ak' chak'ab che u tununisaxic ri be ri rajawaxic u takexic cumal.

Salmib 105:39

Ri Dios xulic' jun sutz' che qui ch'ukic, xunicowisaj jun k'ak' che u c'utic ri qui be chak'ab.

Salmib 66:6

Xuq'uex ri plo pa chaki'j ulew, ri e ka mam xeboc'ow chupam ri nima' chicakan; ¡chujquicot pa ri Dios!

Salmib 78:53

utz xuban bic che qui c'amic rech man cäquixe'j ta quib, e are' c'u ri e qui c'ulel xemuktaj can chupam ri plo.

Elem 14:29

Are c'u ri aj israelib xeboc'ow pa chaki'j ulew pa ri plo, chquixo'l quieb tapia re ja', jun pa qui wiquiak'ab jun pa qui mox k'ab.

Elem 40:34

ri sutz' xuch'uk ri Lic'om Rachoch Dios re rikoj ib, xnoj ronojel ri k'ijilabal rumal ri u juluwem ri Ajawaxel.

Ajilanic 14:14

quequitzijoj na chque ri winak ri e c'o pa Canaan. Xukuje' ri e are' quitom u bixic chi ri lal, Ajawaxel, lal c'o pa u niq'uiajil we tinimit ri', cac'ut c'u ib la chwinakil chquiwäch are c'u ri sutz' la c'o paquiwi', are c'u ri pa k'ij canabej la chquiwäch pa jutac'aj sutz' xukuje' ri chak'ab pa jutac'aj k'ak'.

Ajilanic 33:8

Xebel c'u bic Pa-hahirot, xquiramij ri plo xebopan c'u chupam ri chaki'j uwo sak. Oxib k'ij xebin chupam ri chaki'j uwo sak re Etam xebekaj c'u pa Mar.

Ri Xuan 4:20

Ri e ka mam xek'ijilan pa we juyub ri'. Ri alak c'ut cabij alak chi pa Jerusalen c'o wi ri c'olbal ri rajawaxic cäban wi ri k'ijilanic.”

Romanos 1:13

Quinwaj quiwetamaj, wachalal, chi q'ui mul nu chomam ulok chi quinbe iwuc'. C'ä camic c'ut man yo'm ta chwe. Quinwaj quinbe iwuc' rech cäc'oji' u wächinic ri nu chac chixo'l, je jas ri u wächinic chquixo'l ri niq'uiaj nimak tak tinimit chic.

Romanos 11:21

We c'u ri Dios man xutok'obisaj ta qui wäch ri kas u k'ab ri che', mawi ne ri at cutok'obisaj a wäch.

Romanos 4:11

Ri retal re kopinic ri Abraham ri xcojic, ri xkopix che ri u wi' ri u tz'umal ri achi wi, are cäc'utuwic chi k'alajisam chic chi suc' chic rumal ri u cojonic. Xcojon c'ut aretak c'ä majok chcoj ri retal re kopinic. Jeri' ri Abraham xux qui mam conojel ri quecojonic, pune' man cojom ta ri etal re kopinic chque. Jeri' ri Dios xukuje' quebuk'alajisaj chi e suc'.

1 Corintios 12:1

Wachalal, quinwaj chi c'o quiwetamaj chquij ri sipanic aj uxlabal.

1 Corintios 14:38

Ri man cuch'ob taj, much'ob ba' wa'.

Gálatas 3:29

We ix rech ri Crist, kas ix rija'lil ri Abraham ri', xukuje' echbenelab jas ri u bim ri Dios pa ri u chi'm ulok che ri Abraham.

U Camulixic ri Pixab 1:33

ri canabej chiwäch che u ch'aic ri c'olbal ri quixekaj wi. Chak'ab ruc' k'ak' cuc'ut ri i be ri rajawaxic quiterenej, pa k'ij ruc' jun sutz' cuc'am ri i be.”

Hebreos 11:29

Rumal ri cojonic, ri aj israelib xek'ax pa ri Quiäk Plo, je ta ne pa chaki'jalaj ulew. Aretak c'u ri e aj Ejipt, xcaj xek'ax chupam, xebik'tajic.

Ri Josue 4:23

xukuje' ri xuban ri Ajawaxel ri u Dios xuchaki'jarisaj ri u ja'il ri Jordan aretak xixoc'ow ix, jacha' ri u chaki'jarisaxic canok ri Quiäk Plo aretak xujoc'ow uj.