Marcos 4:20 - Quechua South Bolivia: Dios Parlapawanchej

²⁰ Waquin mujurí allin jallp'aman urmarka. Ajinallatataj waquin runaspis c'acha sonkowan sumajta Diospa niskanta uyarispa casuncu. Causaynincupitaj Diosta cusichincu. Paycunaka quinsa chuncata pokoj, sojta chuncata pokoj, pachajta pokoj mujusjina cancu, —nerka Jesús.

Qheshwa Biblia DC

²⁰ Wakin runastajrí kanku, sumaj jallp'api tarpusqa muju jina. Paykunaqa Diospa palabranta uyarispa sonqonkupi jallch'anku; chaymantataj sumaj poqoykunata qonku. Ujkuna uj mujullamanta kinsa chunkata poqonku; wajkunataj sojta chunkata; wajkunatajrí pachajta poqonku uj mujullamanta.

DIOSPA QHELQACHISQAN DEUTEROCANONICAL

²⁰ Wakin runakunatajrí sumaj jallp'a jina kanku, maymanchus muju t'akakusqa, chay jina. Paykunaqa Diospa simi nisqanta uyarispa, sonqonkupi jap'ikunku, chaymantataj sumaj poqoyta jina rikuchinku. Chay runakunamanta wakenqa sapa mujumanta kinsa chunkata poqoj jina kanku, wajkuna sojta chunkata, wajkunataj pachajta, nispa.

DIOSPA QHELQACHISQ

²⁰ Wakin runakunatajrí sumaj jallp'a jina kanku, maymanchus muju t'akakusqa, chay jina. Paykunaqa Diospa simi nisqanta uyarispa, sonqonkupi jap'ikunku, chaymantataj sumaj poqoyta jina rikuchinku. Chay runakunamanta wakenqa sapa mujumanta kinsa chunkata poqoj jina kanku, wajkuna sojta chunkata, wajkunataj pachajta, nispa.

Marcos 4:20 ပူးပေါင်းရင်းမြစ်များ

San Mateo 13:23

Waquin runas Diospa niskanta tucuy sonkowan uyarispa casuncu. Chay runaka sumaj jallp'aman urmaj mujujina cashan. Diosta casuskancuraycutaj payta cusichincu. Ajinapi waquin runas ancha sumajta ruwaspa pachajman pokoj mujujina cancu. Waquinri sumajllata ruwaspa sojta chuncaman pokoj mujujina cancu. Waquintaj quinsa chuncaman pokoj mujujina callancutaj.

San Mateo 13:8

Waquin mujusrí sumaj jallp'aman urmarkancu. Chaypi waquenka uj mujullamanta pachajta pokorka. Waquintaj sojta chuncata, waquintaj quinsa chuncata pokorka.

Marcos 4:8

Waquin mujurí sumaj jallp'aman urmarka. Chay mujoka wiñaspa pokorka. Pokoynintaj sumaj carka. Waquin muju quinsa chuncata pokorka. Waquin sojta chuncata, waquintaj pachajta pokorka, —nispa.

San Lucas 8:15

Waquin mujustaj allin jallp'aman urmarkancu. Ajinallatataj waquin runaspis c'acha sonkoncuwan Diospa niskanta sumajta casullancupuni. Paycunaka pokoyniyoj cancu Diosta cusichincutaj, —nispa.

San Juan 15:16

Mana kancunachu nokata ajllacuwarkanquichej. Manachayrí noka kancunata ajllacorkayquichej [runasman willajtataj cacharkayquichej. Willaskayquichejwan runas nokapi jap'icojtincu cusiskas canquichej. Cusiyniyquichejtaj wiñaypaj canka.] Ajinapitaj nokawan ujchaska caspa imatachus Dios Tatamanta mañacunquichej, chayta kosonkachej.

San Juan 15:2

Uvawan llanc'ajka tucuy mana pokoj ramata c'utun. Tucuy pokoj ramatarí c'utun astawan pokonanpaj. Ajinallatataj nokawan ujchaska runasniywan Tatayka ruwan.

Romanos 7:4

Ajinallataj, hermanosníy, kancunapis Cristoj wañuyninpi Moisespa camachiskasninpaj wañuporkanquichejña. Wañuyninnejtataj cachariskas carkanquichej waj kosawanjina ujchaska canayquichejpaj, wañuymanta causarimoj Cristowan. Ajinamanta paywan ujchaska caspa c'acha ruwanasta mosoj causaypi Diospaj ruwanchej.

Filipenses 1:11

Chaywanpis Jesucristonejta c'acha causayniyojpuni canquichej Dios jatunchaska yupaychaskataj cananpaj. Chayta mañapuyquichej.

Colosenses 1:10

Ajinamanta Diospata cajcunajina causanquichej tucuy imapi payta cusichispataj. Diosmanta mañacuycu tucuy c'acha ruwanaspi wiñanayquichejta, astawan astawan Diosta rejsispa.

1 Tesalonicenses 4:1

Chaywanpis hermanosníy, imaynatachus Diosta cusichispa causanayquichejta ñapis nokaycu mayta yachacherkaycuña. Ajinañatatajmin causashanquichej. Cunanrí Señor Jesuspa sutinpi camachiyquichej Diosta astawan astawan cusichispapuni causanayquichejta.

2 Pedro 1:8

Chayjina causayniyoj caspataj wiñallaychejpuni. Ajinamanta astawan astawan Señorninchej Jesucristota rejsispa Diosta sumajta cusichinquichej.