Marcos 12:14 - Quechua South Bolivia: Dios Parlapawanchej

¹⁴ Jamuspataj nerkancu: —Yachachej, yachaycu parlaskayqueka cheka caskanta. Runastapis mana rijch'acuynillanmantachu khawanqui, manachayrí caskancumanta. Chaywanpis cheka cajta yachachishanqui imatachus Dios munan runas ruwanancuta. Cunan kan niwaycu: ¿Nokanchej, israelcuna, Romano gobiernoman impuestota konachu? ¿Konanchejchu chayrí manachu konanchej? —nerkancu.

Qheshwa Biblia DC

¹⁴ Chaykunataj jamuspa taporqanku: Maestro, yachayku cheqa runa kasqaykita, manataj pitapis manchachikusqaykita; imaraykuchus mana runaj rijch'aynillantachu qhawanki; astawanqa Diospa cheqan ñanninta yachachinki; niwayku ari: Allinchu impuestota Cesarman qonaykoqa? Chayrí, manachu qosqayku?

DIOSPA QHELQACHISQAN DEUTEROCANONICAL

¹⁴ Chaykunataj jamuspa, ajinata nerqanku: Yachachej Wiraqochi, cheqan sonqo kasqaykita yachayku. Qanqa mana runaj parlasqanta kasunkichu, nitaj runaj uyanta qhawarispallachu imatapis ruwanki, manachayqa Diospa munayninta kasunamanta cheqanta yachachinki. Chayrayku niwayku ari: Allinchu kanman Romapi kuraj kamachej Cesarman impuestota pagana, chayrí manachu? nispa.

DIOSPA QHELQACHISQ

¹⁴ Chaykunataj jamuspa, ajinata nerqanku: Yachachej Wiraqochi, cheqan sonqo kasqaykita yachayku. Qanqa mana runaj parlasqanta kasunkichu, nitaj runaj uyanta qhawarispallachu imatapis ruwanki, manachayqa Diospa munayninta kasunamanta cheqanta yachachinki. Chayrayku niwayku ari: Allinchu kanman Romapi kuraj kamachej Cesarman impuestota pagana, chayrí manachu? nispa.

Marcos 12:14 ပူးပေါင်းရင်းမြစ်များ

San Mateo 22:16

Ajinataj fariseoska yachacojcunancutawan Herodesmanta cajcunatawan Jesusman cacharkancu. Cachaskastaj Jesusta nerkancu: —Yachachej, yachaycu kanka cheka parlaj runa caskayquita. Yachaycutaj yachachiskayquita cheka cajta, Dios munan runas ruwanancutapis. Runata mana rijch'acuynillanmantachu khawanqui manachayrí caskancumanjina. Chayraycu paycunata mana manchachicunquichu.

San Mateo 22:17

Cunanri niwaycu: ¿Imaynataj rijch'acusunqui? Nokanchej israelcuna ¿Romano gobiernoman impuesto kolketa konachu manachu?

Marcos 12:13

Churanacojcunanka Jesusman waquincunata cacharkancu. Chay cachaskasri carkancu fariseocunamantawan Herodesta khatejcunamantawan. Paycunaka Jesusta parlaskanpi pantachispa jap'iycuyta munasharkancu.

Marcos 12:15

Jesús allinta yacharka puraj uyawan tapuskancuta. Chayraycu paycunata nerka: —¿Imaraycutaj pantachiwayta munanquichejrí? Uj kolketa apamuwaychej khawanaypaj, —nispa.

Marcos 14:45

Ajinaka chayamuytawancama, Jesusman kayllaycuspa, “¡Yachachejníy!” nispa, may munacuywanjina much'aycorka.

San Lucas 20:22

Cunan kan niwaycu: Nokanchej, israelcuna ¿romano gobiernoman impuestota konachus manachus?

San Lucas 23:2

Paypa ñaupakenpitaj tumpayta kallarerkancu. Nerkancutaj: —Cay runapi tarerkaycu llajtaycuta romano camachejpa contranpi ch'ajwachej caskanta. Camachejman impuestota konaycuta jarc'an. Nicunpis pay camachej Cristo caskanta, —nispa.

San Juan 7:18

Payllamanta parlajka payllata jatunchacuyta munan. Cachamojninpa jatunchayninta munajrí cheka yachachejmin. Nitaj paypi pantayka canchu.

Romanos 13:6

Chayraycutaj paycunaman impuestota paganquichej. Paycunaka Diosmanta churaskas cancu cay imaspi ruwanallancupajpuni.

2 Corintios 2:17

Chay ashqha pantachej willarajcuna Diospa niskanwan kolkechacunallancupaj willarancu. Nokaycoka mana chaycunajinachu caycu. Astawanrí cheka sonkowan Diosmanta cachaska caspa willaraycu. Diospa ñaupakenpi Cristowan ujchaska willarashaycupuni.

2 Corintios 2:2

Sitajchus noka phutichiyquichej chayka ¿pitaj cusichiwankarí? Kancuna, phutichiskasnillaytaj cusichiwanquichej.

2 Corintios 4:1

Dioska qhuyacuyninwan cachasninta churawarkaycu. Chayraycu paypa camachisnin caspa callpachaskaspuni llanc'aycu.

2 Corintios 5:11

Señorta manchachicunata yachaspa runasman mayta willarashaycu Diospi jap'icunancupaj. Tucuy imapi imaynachus caskaycuta Dios yachanña. Sonko-yuyayniyquichejpipis imaynachus caskaycuta kancunapis yachaskayquichejtaña confiani.

2 Corintios 5:16

Cunanri nokaycoka manaña runasta cay pacha yuyaymanjinachu khawaycu. Sichus chaymanjina Cristota rejserkaycu chaypis, manaña cay pacha yuyaymanjinachu payta rejsiycu.

Gálatas 1:10

Cayta nispaka tapucuni: ¿Maykenta cusichiytataj munaskayta yuyanquichejrí —runastachu chayrí Diostachu? Mana runasta cusichiytachu munashani. Sichus runasta cusichiyta munaymanraj chayka, manapuni Cristoj camachinchu cayman.

Gálatas 2:6

Ñaupajpi curajpaj khawaskasrí ni uj mosoj yachachinata yapawarkancuchu jap'inaypaj. Caskancoka ni imapischu nokapajka. Imaraycuchus Dios mana runaj rijch'acuynillantachu khawan, manachayrí sonkonta.

1 Tesalonicenses 2:4

Diosrí ajllawarkaycu churawarkaycutaj willanasninta willaranaycupaj. Chayraycu parlarkaycu Diosllata cusichinaycupaj manataj runasta cusichinaycupajchu. Dios sonkosniycuta sumajta khawaspa yachan tucuy yuyaskaycuta munaskaycutawanpis.