San Lucas 20:47 - Quechua South Bolivia: Dios Parlapawanchej

⁴⁷ Chaywanpis viudaspa pisi capuynincuta suwaspajina khechuncu. Diosmanta anchata mañacushaskancuwan sajra munaynincuta pacayta munancu. Cay runastaka Dios aswan sinch'iwan juchachanka, —nispa.

Qheshwa Biblia DC

⁴⁷ Viudasmantapis kapuyninkuta suwanku, unay unayta Diosmanta mañakoj tukuspa; chaynejta aswan juchachasqas kanqanku.

DIOSPA QHELQACHISQAN DEUTEROCANONICAL

⁴⁷ Chaywanpis warmisapaj kapuyninkuta oqokapunku, mana jina kasqankuta reparachikunankupajtaj unay unayta Dioswan parlarikoj tukunku. Chayrayku paykuna aswan sinch'i ñak'ariywan jasut'isqa kanqanku, nispa.

DIOSPA QHELQACHISQ

⁴⁷ Chaywanpis warmisapaj kapuyninkuta oqokapunku, mana jina kasqankuta reparachikunankupajtaj unay unayta Dioswan parlarikoj tukunku. Chayrayku paykuna aswan sinch'i ñak'ariywan jasut'isqa kanqanku, nispa.

San Lucas 20:47 ပူးပေါင်းရင်းမြစ်များ

San Mateo 23:13

‘¡Uj phutiy, ari, kancuna yachachejcunamanta fariseo partecunamantawan! Puraj uyas canquichej. Kancunaka yachachiskasniyquichejwan jarc'ashanquichej runasta ama casunancupaj Diosta camachejnincujina. Imaraycuchus kancuna Diosta mana casunquichejchu. Nitaj casuyta munajcunata sakenquichejchu casunancuta munacoj camachejnincujinaka.

San Mateo 23:14

‘¡Uj phutiy kancuna yachachejcunamanta fariseo partecunamantawan! Puraj uyas canquichej. Imaraycuchus kancunaka viuda warmicunamanta pisi capuynincuta suwaspajina khechushanquichej. Chayta pacanayquichejpaj Diosmanta anchata mañacunquichej. Chayraycu Dios kancunata astawan sinch'iwan juchachasonkachej.

Marcos 12:40

Chaywanpis viudaspa pisi capuynincuta suwaspajina khechuncu. Diosmanta anchata mañacushaskancuwan sajra munaynincuta pacayta munancu. Cay runasta Dioska aswan sinch'iwan juchachanka, —nerka Jesús.

San Lucas 12:1

Chaycamataj waranka waranka runas Jesusman tantacorkancu sarunacunancucama. Ajinapi Jesuska yachacojcunanman ñaupajta parlayta kallarerka. Nerkataj: —Wakaychacuychej fariseospa puraj uya caynincumanta. Chay puraj uyaka t'anta pokochina levadurajinamin.

San Lucas 20:46

—Sumajta khawacuychej israel yachachejcunamanta. Paycuna sumaj p'achalliskas puriyta munancu. Munancutaj plazaspi sumajta napaycuchicuyta. Tantacuna-wasipitaj curajcunaj tiyanasnincupi tiyacuyta munancu. Jatun miqhunaspipis sumaj khawaskacunaj tiyanasnincupi tiyacuyta munancu.

San Lucas 21:1

Yupaychana-wasipi cashaspa Jesús ricorka khapaj runas Diosman konasta kolke churanasman churashajta.

1 Tesalonicenses 2:5

Yachanquichejtaj ni jayc'aj wayllucuspajina parlaskaycuta kancunata pantachinaycupaj. Dios yachan niskaycoka cheka caskanta. Manataj ni kolketa ni imatapis qhurcucorkaycuchu munapayaspa nokaycu quiquiycupaj.

Tito 1:16

Diosta rejsiskancuta nincu. Ruwaskasnincutaj ricuchin mana ajina caskanta. Millay, mana casucojcuna cancu. Ima sumaj ruwanapajpis manacaj cancu.

Santiago 3:1

Hermanosníy, pisislla kancunamanta yachachejcuna canayquichej. Imaraycuchus yachanquichej sichus nokaycu yachachejcuna pantaycuman chayka, wajcunamanta aswan sinch'i juchachaskas casajcu.