San Lucas 20:17 - Quechua South Bolivia: Dios Parlapawanchej

¹⁷ Jesusrí paycunata sinch'ita khawaspa nerka: —Cay kelkaskata ¿imaynatataj entiendenquichejrí? Nin: Wasichajcuna rumita khawaspa khesacharkancu. Wasita sinch'ita sayachinanpajrí chay khesachaska rumeka aswan sumaj cashan tucuy waj rumismanta niskaka.

Qheshwa Biblia DC

¹⁷ Jesustaj qhawarispa nerqa: Ima niytataj munan kay escribisqari: Wasi ruwajkunaj qhesachasqanku rumeqa, wasi esquina rumi kapun, nispari?

DIOSPA QHELQACHISQAN DEUTEROCANONICAL

¹⁷ Jesustajrí paykunata qhawarispa, nerqa: Chantá Diospa kay qhelqachisqan ima niytataj munan: Wasi ruwajkunaj qhesachasqanku rumeqa cimiento esquinapaj sumaj rumiman tukupun, nispa?

DIOSPA QHELQACHISQ

¹⁷ Jesustajrí paykunata qhawarispa, nerqa: Chantá Diospa kay qhelqachisqan ima niytataj munan: Wasi ruwajkunaj qhesachasqanku rumeqa cimiento esquinapaj sumaj rumiman tukupun, nispa?

San Lucas 20:17 ပူးပေါင်းရင်းမြစ်များ

San Mateo 21:42

Jesusri paycunaman nerka: —¿Manachu jayc'ajpis Diospa palabranta leerkanquichej? Nin: “Wasichajcuna uj rumita khawaspa wijch'orkancu. Wasita sinch'ita sayachinanpaj chay wijch'uska rumeka aswan sumaj cashan tucuy waj rumismanta niskaka. Chaytaka Señor Dios ruwan, nokanchejpajtaj uj t'ucuna”.

Marcos 10:23

Muyuyninta khawaspa Jesuska yachacojcunanman nerka: —¡Khapaj runaska janaj pachaman wiñay causayniyoj canancupajka ñac'ayta yaycuyta atenkancu! —nispa.

Marcos 12:10

‘Cayta Diospa palabranpi ¿manachu leerkanquichej? “Wasichajcuna rumita khawaspa khesacharkancu. Wasita sinch'ita sayachinanpajrí chay khesachaska rumeka aswan sumaj carka”.

Marcos 3:5

Jesuska phiñacuywan ujta ujta khawarka rumi sonkoyoj caskancuraycutaj llaquicorka. Maquin wañuska runatataj nerka: —Maquiyquita aysariy, —nispa. Maquinta aysariskantawantaj thañicaporka.

San Lucas 19:41

Jesuska Jerusalenman kayllaycamuspa tucuy llajtataña ricorka. Paytaj chay llajtamanta llaquicuspa wakarka.

San Lucas 22:37

Imaraycuchus cay kelkaskaka nokapi junt'acunan tiyan: “Payka yupaska carka juchasapaswan cusca”. Cay pachapi ruwanasniy tucucapun, —nispa.

San Lucas 22:61

Señortaj cutiricamuspa Pedrota khawarimorka. Chaytaj yuyaricherka Pedrota Señorpa niskanta: “Cunan tutapacha manaraj gallo wakashajtin kanka quinsa cutita ninqui nokata mana rejsiwaskayquita”, nispa.

San Lucas 24:44

Paycunatataj nerka: —Kancunawanraj cashaspa caycunata nerkayquichej: Tucuy nokamanta kelkaska junt'acunan tiyan, Moisespa kelkaskan, unay willajcunaj kelkaskancu, taquina libropipis, —nispa.

San Juan 15:25

Ajinaka Diospa palabranpi paycunamanta kelkaska junt'acun: “Khasimanta chejnicuwarkancu”, nispa.

Hechos 4:11

Dioska wiñaypaj churarka Jesucristota sumaj esquina rumitajina runas wiñay causayniyoj canancupaj. Kancuna wasichajcunarí cay rumita khawaspa wijch'uporkanquichej. Wasita sayachinanpajri chay wijch'uska rumeka aswan sumaj carka tucuy waj rumismanta niskaka.

Efesios 2:20

Cachacunanpa willajcunanpa cimientoncu patapi wasichaskasjina canchej. Cristo Jesús quiquintaj aswan sumaj wasichana rumijina.

1 Pedro 2:6

Palabranpi Dioska nin: Sion llajtaypi wasichana rumitajina [Cristota] churani. Payka wasi cimientopaj ajllaskay may sumajpaj khawaskaymin. Tucuy paypi jap'icojcuna yachankancu niskasniyta junt'anaytapuni, nispa.