Hechos 8:4 - Quechua South Bolivia: Dios Parlapawanchej

⁴ Chay ch'ekerachiskas cajcunataj sumaj willanasta willarasharkancu tucuy riskancupi.

Qheshwa Biblia DC

⁴ Jerusalenmanta ch'eqerakoj creejkunaqa, tukuynejman rerqanku evangeliomanta willaspa.

DIOSPA QHELQACHISQAN DEUTEROCANONICAL

⁴ Jesusta qhatikojkuna Jerusalenmanta ayqespa, maymanchus risqankupi Jesusmanta sumaj willayta willararqanku.

DIOSPA QHELQACHISQ

⁴ Jesusta qhatikojkuna Jerusalenmanta ayqespa, maymanchus risqankupi Jesusmanta sumaj willayta willararqanku.

Hechos 8:4 ပူးပေါင်းရင်းမြစ်များ

San Mateo 10:23

Uj llajtapi nac'arichisojtiyquichejka waj llajtaman aykecuychej. Noka, Diospa cachaska Runan, niyquichej chekatapuni manaraj tucuy Israel llajtasta rishajtiyquichej cutimunayta.

Hechos 11:19

12.2 Runas Estebanta wañucherkancu Jesusmanta willaraskanraycu. Chaypachataj runas sinch'ita hermanosta ñac'aricherkancu. Ajinapi waquin hermanos ch'ekerachiskas caspa rerkancu jakay Fenicia jallp'acama. Waquenka Chipre jallp'acama waquintaj Antioquía llajtacama rerkancu. Chay caru jallp'aspi willarkancu Jesusmanta israel llajta-masisnillancuman. Manataj waj llajtayoj runasmanka willarkancuchu.

Hechos 15:35

Pablo Bernabewanri Antioquía llajtapi kheparicuspa yachachillarkancupuni. Ashqha waj hermanospiwan willararkancu Señor Jesucristomanta sumaj willanasta.

Hechos 8:1

Estebanta wañuchiskancoka Saulopaj allin carka. Jerusalén llajtapitaj chay p'unchaypi kallarerkancu sinch'ita ñac'arichiyta Jesucristopi jap'icuspa tantacojcunata. Jesuspa cachasnillan chayllapipuni casharkancu. Chay ujcunarí tucuynincu ch'ekerachiskas carkancu Judea jallp'aman Samaria jallp'amanpis.

Hechos 8:12

Astawanpis Felipe willararka sumaj willanasta Dios runasta munacuywan camachiskanta. Jesucristo Diospa ajllaskan camachinanpaj caskantawan Felipe willararka. Warmispis kharispis chay willaraskanta creespataj bautizacorkancu.

1 Tesalonicenses 2:2

Manachayrí Diospa willanasninta kancunaman willarkaycupuni mana manchachicuspa. Ñaupajpi Filipos llajtapi tiyacojcuna manchayta ñac'arichiwarkaycu, ancha sajratataj parlawarkaycutaj. Chayjinata ruwawashajtiycupis Dios callpachawarkaycu mana manchachicuspa parlanaycupaj Tesalonicapipis sinch'i churanacu chaupipi.