Hechos 5:36 - Quechua South Bolivia: Dios Parlapawanchej

³⁶ Yuyaricuychej manaraj unaychu uj runapis Teudas sutiyoj riqhurimuskanta. Payka nerka jatun runa caskanta. Tawa pachajjina runas payta khaterkancu. Payta runas wañuchejtincutaj tucuy khatejcunanpis chincapullarkancutaj. Ajinata tucucorka.

Qheshwa Biblia DC

³⁶ Yuyariychej imaynatachus kay ñaupaj p'unchaykunapi, uj Teudas nisqa rikhurimusqanta. Payqa yuyakorqa may atiyniyoj kasqanta. Chayraykutaj payta kasuspa tawa pachaj jina runas qhaterqanku. Teudasta wañuchejtinkutaj tukuy payta qhatejkuna ch'eqerarqanku, tukuy imastaj chinkaporqa.

DIOSPA QHELQACHISQAN DEUTEROCANONICAL

³⁶ Yuyarikuychej imaynatachus unay Teudas sutiyoj runa rikhurimusqanta. Pay may kasqanta yuyakuspa, Romaj contranta oqharikusqa. Payta kasuspataj, 400 runakuna qhatisqanku. Wakinkuna Teudasta wañuchejtinkurí, payta tukuy qhatejkuna ch'eqerasqanku, paypa ruwasqantaj manakajman tukuporqa.

DIOSPA QHELQACHISQ

³⁶ Yuyarikuychej imaynatachus unay Teudas sutiyoj runa rikhurimusqanta. Pay may kasqanta yuyakuspa, Romaj contranta oqharikusqa. Payta kasuspataj, 400 runakuna qhatisqanku. Wakinkuna Teudasta wañuchejtinkurí, payta tukuy qhatejkuna ch'eqerasqanku, paypa ruwasqantaj manakajman tukuporqa.

Hechos 5:36 ပူးပေါင်းရင်းမြစ်များ

San Mateo 24:24

Imaraycuchus mana cheka caj cristo caspalla Cristojina riqhurimonkancu. Llulla willajcunapis riqhurimonkancu. Paycunaka sumachej ricuchinastawan sumachej t'ucunastawan ruwankancu. Aticunman chayka, chaywan Diospa quiquin ajllacuskasnintapis cheka cajmanta pantachinancupaj ruwankancu.

San Mateo 24:26

Chayraycu nisunquichejman: “Khawaychej, jakay ch'innejpi Diospa ajllaskan cashan”, nispa chayka, ama chayman riychejchu. Chayrí nisunquichejman: “Diospa ajllaskan cay uqhupi pacaska cashan”, nispa chayka, chaytapis ama creeychejchu.

San Mateo 24:5

Arí, ashqhas llullacuspa sutiypi jamonkancu. Nenkancutaj: “Noka Diospa ajllaskan cani”, nispa. Ashqhasta pantarachenkancu.

Hechos 21:38

Chanta camachej nerka: —Ñaupaj p'unchaycunapi uj Egipto runa camachejpa contranpi runasta ch'ajwacherka. Chaymantataj tawa waranka runa wañuchista ch'innejman pusarka. Cunan reparani kanka mana chay runachu caskayquita, —nispa.

Hechos 5:35

Chanta curajcunaman nerka: —Israel llajta-masis, cay runaswan ruwanayashaskayquichejta sumajta reparacuychej.

Hechos 8:9

Chay llajtapi uj runa carka, Simón sutiyoj. Felipe manaraj jamushajtintaj payka layka ruwaskasninwan Samaria runasta pantachej. Pay quiquintapis atiyniyoj caskanta khawacorka.

Gálatas 2:6

Ñaupajpi curajpaj khawaskasrí ni uj mosoj yachachinata yapawarkancuchu jap'inaypaj. Caskancoka ni imapischu nokapajka. Imaraycuchus Dios mana runaj rijch'acuynillantachu khawan, manachayrí sonkonta.

Gálatas 6:3

Pichari mana cashaspalla jatunpaj khawacunman chayka, chay runa pantacun.

2 Pedro 2:18

Jatuchej yankha parlaycunawan cunallanraj Diospi jap'icojcunata engañaspa millay causayman apancu. Chay mosoj jap'icojcunaka cay pacha pantaypi causaymanta cunallanraj aykecushancu.

2 Pedro 2:2

Kancunamanta ashqhas paycunaj millay causaynincuta khatenkancu. Millay causaynincuraycutaj cheka willanaspajpis runas sajrata rimankancu.

Judas 1:16

Paycunaka thuthojcuna, ni imawan contentacojcuna cancu. Sajra munaynincumanjina causajcuna cancu. Jatunchacuycunata parlancu. Allinnillancupaj runasta llunc'upayancu.

Apocalipsis 17:3

Santo Espiritoka atiyninman churawarka jamoj imasta sut'inchanawanpaj. Angeltaj ch'in pampaman pusawarka. Ajinapi ricorkani uj warmita millay puca animalpi llok'askata. Chay millay animalka Diosta phiñachej sutiswan junt'a carka. Kanchis umayoj chunca wajrayojtaj carka.

Apocalipsis 17:5

Frentenpi uj suti kelkaska carka, “Jatun Babilonia”. Sut'inchaskaka niyta munan: Cay llajtamanta jamun tucuy cay pacha khenchachacuycuna millachiycunapiwan.