Hechos 22:30 - Quechua South Bolivia: Dios Parlapawanchej

³⁰ Curaj camachejka k'ayantin Pablota phascararka. Paytaj munarka sut'ita yachayta imamantachus israelcuna Pablota juchachaskancuta. Ajinamanta camacherka yupaychana-wasimanta curajcunata tucuy curajcunatawan jatun tantacuyman tantacunancuta. Chanta Pablota uraman pusachimuspa paycunaj ñaupakencuman sayacherka.

Qheshwa Biblia DC

³⁰ Q'ayantintaj comandanteqa, yachaytapuni munaspa imamantachus judíos ch'atasqankuta, Pablota phaskaracherqa. Chaymantataj kamacherqa tukuy kuraj sacerdotes juntaman tantakamunankuta, Pablotataj ñaupaqenkuman pusaykorqanku.

DIOSPA QHELQACHISQAN DEUTEROCANONICAL

³⁰ Q'ayantin romano soldadokunata kamachejqa yachayta munarqa imamantachus judiokuna Pablota juchachasqankuta. Chayrayku pay kamacherqa kuraj sacerdotekuna Jatun Juntaman tantakamunankuta. Chantá cadenawan watasqanmanta Pablota phaskarachispa, ñawpaqenkuman pusaykorqa.

DIOSPA QHELQACHISQ

³⁰ Q'ayantin romano soldadokunata kamachejqa yachayta munarqa imamantachus judiokuna Pablota juchachasqankuta. Chayrayku pay kamacherqa kuraj sacerdotekuna Jatun Juntaman tantakamunankuta. Chantá cadenawan watasqanmanta Pablota phaskarachispa, ñawpaqenkuman pusaykorqa.

Hechos 22:30 ပူးပေါင်းရင်းမြစ်များ

San Mateo 10:17

Khawacuychejpuni sajra runasmanta. Imaraycuchus curajcunaman jaywaycusonkachej. Tantacuna-wasisnincupitaj c'aspiswan wajtasonkachej.

San Mateo 27:2

Jesustataj wataskata pusaspa camachej Pilatoman jaywaycorkancu.

San Mateo 5:22

Nokarí niyquichej sapa uj runa-masinpaj phiñaska cajta curajcuna ñac'arichinancuta. Sapa uj runa phiñacuspa runa-masinta “wampu” nejtapis aswan curajcuna juchachankancu. Phiñacuspa runa-masinta “supay apachun” nejpis, uqhu pachaman rinanpajjina cashan.

Hechos 21:11

Nokaycutataj watucoj jamorka. Pabloj chumpinta okharispataj maquisninta chaquisnintawan wataycucorka. Nerkataj: —Santo Espíritu nin: “Cay chumpiyojta ajinata israelcuna Jerusalén llajtapi watayconkancu. Chaymantataj waj llajtayojcunaman jaywayconkancu”, —nispa.

Hechos 21:33

Chanta curaj camachejka kayllaycuspa Pablota jap'erka. Ajinaspa iscay watanaswan wataycunancutataj camacherka. Chaymantataj runasta taporka pichus caskanta, imatachus ruwaskantawan.

Hechos 22:5

Yupaychana-wasimanta curaj runapis tucuy curajcunapis nokamanta sut'ita yachancu willanancupaj. Paycuna cartasta kelkarkancu Damasco llajtapi israel-masisninchejman Jesucristopi jap'icojcunata apamunaypaj. Jakaypi cajcunatataj wataskasta Jerusalenman apamoj risharkani ñac'arichiskas canancupaj.

Hechos 23:1

Pabloka tantaska runasta sumajta khawarispa nerka: —Ayllu-masis, allintapuni tucuy sonkowan Diospa ñaupakenpi causacushani, —nispa.

Hechos 23:15

Chayraycu cunanka kancuna jatun tantacuywan camachejman Pablota pusarkamunanta mañaychej. Aswan sut'ita paymanta yachanayquichejpaj mañajjinalla tucuychej. Nokaycurí manaraj jatun tantacuyman kayllamushajtin payta wañuchinaycupaj waquichiskas cashaycu, —nispa.

Hechos 23:20

Joventaj nerka: —Israelcuna tucuy cusca yuyashancu Pablota mañasuyta. K'aya tantaska runasman Pablota pusanayquita mañayta yuyancu. Paycunaka aswan sut'ita paymanta yachanancupaj mañajjinalla tuconkancu.

Hechos 23:28

Runas juchachaskancuta sut'ita yachayta munaspataj paytaka tantacuynincuman pusacherkani.

Hechos 23:6

Pabloka chay tantaskacunata repararka saduceo partemanta t'akacoj fariseo partemantawan caskancuta. Chayraycu jatun tantacuypi tantaska runasman khaparispa nerka: —Ayllu-masis, nokaka chay t'akacoj partemanta cani tatasniymantapacha. Wañuymanta runas causarimunancuta suyaskayraycutaj caypi jap'iska cashani, —nispa.

Hechos 26:29

Pablotaj nerka: —Diosmanta mañacuni cunitanpis chayrí unaypipis nokajina Cristopi jap'icoj canayquita. Mana kanllapajchu, manachayrí tucuy cunan uyariwashajcunapis Jesucristopi jap'icunancupaj mañacuni Diosmanta. Nokajina wataskas canancutarí mana munanichu, —nispa.

Hechos 5:21

Jesuspa cachasninri uyariskancuta casorkancu. Yupaychana-wasiman tutamanta rispa chaypi yachachiyta kallarerkancu. Chaycamataj yupaychana-wasimanta curaj, paywan cajcunawan jamuspa israel llajta curajcunata tantachimorkancu. Chay tantacuyka jatun tantacuy niska carka. Cacharkancutaj yanapajcunancuta Jesuspa cachasninta carcelmanta pusamunancupaj chay tantacuyman.