Hechos 2:5 - Quechua South Bolivia: Dios Parlapawanchej

⁵ Chay p'unchaycunapi Jerusalenpi tiyacorkancu Diospa ajllaska runasnin, israelcuna. Paycunaka yachacuskancumanjina Diosta sumajpajpuni khawaj cancu cay pachapi tucuy llajtasmanta jamuspa.

Qheshwa Biblia DC

⁵ Jerusalén llajtapi kasharqanku Diosta yupaychaj judíos, mundopi kaj tukuy llajtasmanta jamuspa.

DIOSPA QHELQACHISQAN DEUTEROCANONICAL

⁵ Chaypacha Jerusalén llajtapi kasharqanku Diosta manchachikoj judiokuna, pikunachus kay pachapi kaj tukuy suyumanta jamorqanku, chaykuna.

DIOSPA QHELQACHISQ

⁵ Chaypacha Jerusalén llajtapi kasharqanku Diosta manchachikoj judiokuna, pikunachus kay pachapi kaj tukuy suyumanta jamorqanku, chaykuna.

Hechos 2:5 ပူးပေါင်းရင်းမြစ်များ

San Mateo 24:14

Dios caypi cashan camachinanpaj, cay sumaj willanasnenka tucuy cay pachapi willaraska canka tucuy runas yachanancupaj. Chanta tucucuyka jamonka.

San Lucas 17:24

Lliuj-lliojka c'ancharichin cieloj uj ladonmanta ujnin ladoncama. Ajinallatataj noka, Diospa cachaska Runanka, lliuj-lliujjinamin cutimusaj.

San Lucas 2:25

Chaypacha Jerusalenpi uj khari carka, Simeón sutiyoj. Pay chekan sonkoyoj runa carka Diosta yupaychajtaj. Cacharichej Cristota israel runasman jamunanta suyasharka. Santo Espíritu Simeonpa sonkonpi casharka.

San Lucas 24:18

Ujnin paycunamanta, Cleofas sutiyoj, cuticherka: —Kanka purej runallachá cawaj, cay p'unchaycuna Jerusalenpi ruwacuskanta mana yachaspaka, —nispa.

San Juan 12:20

Waquin griego runas jatun p'unchaycunapaj jamoj cancu Diosta yupaychaj.

Hechos 10:2

Payka tucuy wasinpi tiyacojcunawan Diosta jatunchajpuni casojpunitaj carka. Diospa unay runasnin israelcunatapis capuyninwan yanapaspa causacoj. Diosmantapis mañacuspapuni caj.

Hechos 10:7

Angel paymanta ripojtin Cornelioka wajyarka iscay camachisninta, uj soldadontawan. Chay soldadoka Corneliojina Diosta casojllataj carka yanapajcunanmanta paypa atinicuskantaj.

Hechos 13:50

Chay israelcunarí masc'asharkancu imaynatachus ñac'arichiyta Pablota Bernabetawan. Diosta masc'aj, khapaj warmisman, llajtapi khapaj runasmanwan yuyayta korkancu Jesuspa cachasninta ñac'arichinancupaj. Ajinapi llajtancumanta wijch'orkancu.

Hechos 2:1

Jesucristopi jap'icojcuna Jerusalenpi uj wasillapi tucuy tantaskas casharkancu. Phishka chunca p'unchayña carka Jesús causarimpuskanmanta.

Hechos 22:12

‘Chaypi carka uj runa, Ananías sutiyoj. Payka Diospa camachiskasninta chekanta casoj. Tucuy chaypi tiyacoj israelcunataj payta sumaj runapaj khawaj cancu.

Hechos 8:2

Waquin cheka sonkoyoj runastaj Estebanta p'amparkancu may phutiywan wakaspa.

Hechos 8:27

Felipetaj chaypachita casuspa rerka. Rishaspataj ñanpi uj curaj runawan tincorka. Payka camachejpa kolkenta jap'ej runa carka Etiopía jallp'amanta. Chaypitaj Candace warmi camacherka. Chay curaj yanapajka Diosta yupaychaj Jerusalenman riskanmanta cutimpusharka. Sumaj c'achitu carretonpi tiyaska leesharka Diosmanta unay willaj Isaiaspa kelkaskanta.

Colosenses 1:23

Astawanrí Diospi jap'icuspa mana cuyoj sinch'ita sayacunayquichej tiyan. Sumaj willanaspi confiacuspapunitaj mana cuyucunayquichejchu tiyan. Chay uyariskayquichej sumaj willanasmin tucuy cay pachantinpi willaraska cashan. Chayta willaranaypajtaj Dioska noka Pablota camachinpaj churawarka.