Hechos 2:30 - Quechua South Bolivia: Dios Parlapawanchej

³⁰ Davidka Diospa willajnin carka. Dioska palabranwan unay payman nerka: “Kanpa khepa alchhisniyquimanta kanjina camachinanpaj ajllaskay Cristota churasaj”, nispa.

Qheshwa Biblia DC

³⁰ Davidqa profeta kaspa yacharqa Dios juramentowan payman parlasqanta; paypa mirayninmantapuni Cristota jatarichinanta, tronompitaj tiyaykukunanta.

DIOSPA QHELQACHISQAN DEUTEROCANONICAL

³⁰ Davidrí Diosmanta sut'inchaj karqa, paymantaj Dios tiluspa nisqa Davidpa mirayninmanta ujnin kajta kamachinan tiyanapi tiyaykuchinanta.

DIOSPA QHELQACHISQ

³⁰ Davidrí Diosmanta sut'inchaj karqa, paymantaj Dios tiluspa nisqa Davidpa mirayninmanta ujnin kajta kamachinan tiyanapi tiyaykuchinanta.

Hechos 2:30 ပူးပေါင်းရင်းမြစ်များ

San Mateo 22:43

Chanta Jesús paycunaman nerka: —Camachej Davidka Santo Espirituwan sut'inchaspa ¿imaynapitaj payta Señor Diosníy nerkarí? Ajinata nerka:

San Mateo 27:35

Soldadostaj Jesusta chacatarkancu. Chanta suerteta chokarkancu yachanancupaj pipajchus Jesuspa p'achasnin cananta. Ajinapi unay willajpa niskanka Jesusmanta junt'acorka: “Suertesta chokaspa p'achasniyta partinacorkancu”.

Marcos 12:36

Quiquin David Santo Espiritunejta sut'inchaska caspa cayta nerka: Señorninchej Dios nerka Señorniy Cristoman: “Tiyaycuy nokawan cusca camachinanchejpaj churanacojcunayquita k'alata atipanaycama”, nispa.

San Lucas 24:44

Paycunatataj nerka: —Kancunawanraj cashaspa caycunata nerkayquichej: Tucuy nokamanta kelkaska junt'acunan tiyan, Moisespa kelkaskan, unay willajcunaj kelkaskancu, taquina libropipis, —nispa.

Hechos 1:16

—Hermanosníy, Santo Espiritoka Diospa palabranpi unay tatanchej Davidnejta Judasmanta sut'incharka. Chay sut'inchaskaka junt'acunanpuni carka. Chay Judasmin runasta pusarka Jesusta jap'iycunancupaj.

Romanos 1:3

Chay sumaj willanaska Wawan Cristomantamin. Payka cay pachapi runa cananpaj, Davidpa mirayninmanta nacecorka.

Romanos 15:12

Ujtawanpis unay willajnin Isaías nillantaj: Isaipa ayllunmanta Camachejka jamonka waj llaytayojcunata camachinanpaj. Waj llajtayojcunataj juchancumanta cachariskas canancupaj paypi confiaconkancu.

2 Timoteo 2:8

Yuyaricuy Jesucristota. Payka wañuymanta causarimorka, Davidpa mirayninpis carka. Chay sumaj willanas nokaman jaywaskata willarani,

Hebreos 1:1

Ñaupa tiempospi Dios niskanta unay tatasninchejman willarka. Ashqha cutista imaymanaspitaj niskanta unay willajcunannejta parlarka.

Hebreos 3:7

Chayraycu Santo Espiritoka Diospa palabranpi niwanchej: Cunan sonkoyquichejpi Dios wajyashasunquichej. Wajyaskanta uyarinquichej chayka,

Hebreos 4:7

Chayraycu astawan khepata Davidpa kelkaskanpi ujtawan Dios churarka runaspaj uj p'unchayta. Imaynatachus ñaupajpipis nerka: “Cunan sonkoyquichejta Dios wajyaskanta uyarinquichej chayka, ama sonkoyquichejta rumiyachiychejchu”; quiquillantataj cunanpis ujtawan runasta wajyashan.

Hebreos 6:17

Diospis sumaj niskanta jap'ejcunaman chekapuni caskanta astawan ricuchiyta munarka. Chayraycu jurarka chay sumaj niskan wiñaypaj sayachiska caskanta ricuchinanpaj.

Hebreos 7:21

Cristota churaspari Dios jurarka. Señortaj nerka: Jurarkani, ajinapunitaj canka: Wiñaypaj runasta Kayllachimuwaj kan canqui.

2 Pedro 1:21

Dioska ni mayken palabrallantapis runaj munayninmanjinaka sut'inchawarkanchejchu. Manachayrí runaska Santo Espirituwan junt'a caspalla Diospa yuyayninta parlarkancu.

Apocalipsis 17:14

Paycunaka Cordero Cristowan makanaconkancu. Corderotaj paycunata atipanka tucuy señorcunaj Señornincu, tucuy camachejcunaj Camachejnincu caskanraycu. Corderowan cusca makanacojcuna paypa wajyaskacunan, ajllaskacunan, casojcunan cancu. Paycunaka paywan cusca atipankancu, —nispa.

Apocalipsis 19:16

P'achanpipis raqhu piernanpipis uj suti kelkaska cashan: CAMACHEJCUNAJ CAMACHEJNINCU; SEÑORCUNAJ SEÑORNINCU: