Hechos 18:23 - Quechua South Bolivia: Dios Parlapawanchej

²³ Chaypi uj p'unchaycunata tiyacorka. Chaymantataj Galacia jallp'anejta Frigianejtawan purerka. Puriskanpitaj Jesuscristopi tucuy jap'icojcunata yachachispa sonkoncupi callpacharka.

Qheshwa Biblia DC

²³ Antioquiapi astawan qheparikuspataj, rillarqataj tukuy Galacianta, Frigianta ima. Llajtamanta llajta purispa tukuy creejkunata kallpacharqa.

DIOSPA QHELQACHISQAN DEUTEROCANONICAL

²³ Pabloqa uj chhikanta Antioquiapi qheparikorqa, chaymantataj pay rerqa tukuy Galacia jap'iynejta, Frigia jap'iynejta ima. Kantumanta purispataj, Jesusta tukuy qhatikojkunata kallpacharqa.

DIOSPA QHELQACHISQ

²³ Pabloqa uj chhikanta Antioquiapi qheparikorqa, chaymantataj pay rerqa tukuy Galacia jap'iynejta, Frigia jap'iynejta ima. Kantumanta purispataj, Jesusta tukuy qhatikojkunata kallpacharqa.

Hechos 18:23 ပူးပေါင်းရင်းမြစ်များ

San Lucas 22:32

Nokari kanpaj Diosmanta mañaporkayqui, Diospi jap'icuyniyqui ama chincapunanpaj. Nokaman cutiricamuskayquimanta cay hermanosniyquita sonkoncupi callpachanqui, —nispa.

San Lucas 22:43

Janaj pachamanta uj angel riqhurispa payta callpacharka.

Hechos 14:22

Chay llajtaspi Jesuspi jap'icojcunata sonkoncupi callpacharkancu. Yuyaycharkancutaj paycunaka Cristota casuspapuni causanancuta. Chantapis nerkancu: “Dios camachin, chaymanka sinch'ita muchuspa yaycunanchej tiyan”, nispa.

Hechos 15:32

Judas Silaspiwan Diospa willajcunan carkancu. Ashqhata willaraspa hermanosta yuyaycharkancu. Sonkoncupitaj callpacharkancu Jesucristopi astawan jap'icunancupaj.

Hechos 15:41

Rerkataj Siria jallp'anejta Cilicia jallp'anejtawan. Chay jallp'aspi Cristopi jap'icuspa tantacojcunata sonkoncupi sumajta callpacharka astawan paypi jap'icunancupaj.

Hechos 16:40

Carcelmanta llojsispataj Lidiaj wasinman yaycorkancu. Chaypiri Cristopi hermanosta tantaskata ricorkancu. Chayraycu Cristopi sumajta jap'icunancupaj hermanosta callpacharkancu. Ajinaspataj riporkancu.

Hechos 16:6

Santo Espíritu jarc'arka Pablota chay llanc'aj-masisnintawan Asia jallp'api sumaj willanasta Jesusmanta willaramunancuta. Chayraycu Frigia jallp'anejta Galacia jallp'anejtawan rerkancu.

Hechos 19:1

Apoloska Corinto llajtapi casharka. Chaycamataj Pabloka chay pata caj jallp'asninta purimuspaña Efeso llajtaman chayamorka. Chaypitaj payka Jesuspi waquin jap'icojcunawan tincorka.

1 Corintios 16:1

Cunanka parlaskayquichej Diospa runasninpaj kolketa tantanayquichejmanta. Galacia jallp'api tantacoj hermanosman yachacherkaniña cay jawa. Quiquillantataj kancunapis ruwaychej.

Gálatas 1:9

Kancunaman nerkaycuña; ujtawan niyquichej: willaraskaycuta jap'iskayquichejmantaña pichari waj willanasta willarasunquichej chayka, paypa patanpeka Diospa c'ajaj phiñacuynin cachun.

Gálatas 4:14

Onkoyniy llaquichiwarka. Chaywanpis mana pisipichu khawawarkanquichej nitaj khesachawarkanquichejchu. Astawanrí jap'iwarkanquichej Diospa uj angelninpis chayrí Jesucristopis caymanjinata.

1 Tesalonicenses 3:2

Chayraycu cachamorkaycu Diospa camachin, hermanonchej Timoteota. Payka Cristoj sumaj willanasninmanta willaraj-masiycu cashan. Payta kancunaman cachamorkaycu sinch'ita sayachisunayquichejpaj, callpachasunayquichejpaj Diospi jap'icuskayquichejpi.

1 Tesalonicenses 4:18

Chayraycu cay yachachinaswan sonkochanacuspa callpachanacuychejpuni.

1 Tesalonicenses 5:14

Mayta niycutaj, hermanosníy, yuyaychanayquichejta khellacunata Diosta casuspa llanc'anancuta. Callpachaychejtaj pisi sonko cajcunata. Yanapaychejtaj sonkosnincupi pisi callpayojcunata. Qhuyaspataj, tucuy runaswan c'achaspuni caychej.