Hechos 17:18 - Quechua South Bolivia: Dios Parlapawanchej

¹⁸ Chaypi carkancu waquin yachayniyoj epicureocunamanta estoicocunamantawan. Paycuna Pablowan tapunaycucorkancu. Waquintaj nisharkancu: —Cay thautej runari ¿imatataj niyta munanrí? Ujcunataj nisharkancu: —Waj dioscunamanta willarajman rijch'acun. Chayta nerkancu Jesusmanta causarimuyninmantawan willaraskanraycu.

Qheshwa Biblia DC

¹⁸ Wakin yachaysapa runas, epicureoswan, estoicoswan Pablowan churanakullajtaj kanku. Ujkuna nerqanku: Imatataj niyta munan kay thautejri? Wakintaj nerqanku: Kayqa waj mosoj dioskunamanta parlajman rijch'akun. Chayta nisharqanku imaraykuchus Pabloqa willasharqa Jesusmanta, kausarimuymantawan.

DIOSPA QHELQACHISQAN DEUTEROCANONICAL

¹⁸ Chantá Epicuro sutiyoj runata qhatejkuna, estóicos nisqa yachaysapa runakunawan ima Pablowan tapunaykukorqanku. Ujkunataj nerqanku: Imatataj niyta munan kay ch'ajwakuri? nispa. Wakintaj nerqanku: Kayqa waj mosoj dioskunamantasina parlashan, nispa. Chayta nerqanku, imaraykuchus Pabloqa willasharqa Jesuspa sumaj willayninmanta, wañusqamanta kawsarimuymantawan.

DIOSPA QHELQACHISQ

¹⁸ Chantá Epicuro sutiyoj runata qhatejkuna, estóicos nisqa yachaysapa runakunawan ima Pablowan tapunaykukorqanku. Ujkunataj nerqanku: Imatataj niyta munan kay ch'ajwakuri? nispa. Wakintaj nerqanku: Kayqa waj mosoj dioskunamantasina parlashan, nispa. Chayta nerqanku, imaraykuchus Pabloqa willasharqa Jesuspa sumaj willayninmanta, wañusqamanta kawsarimuymantawan.

Hechos 17:18 ပူးပေါင်းရင်းမြစ်များ

Marcos 9:14

Jesuska paywan cajcunawan cutimuspa yachacojcunanta israel yachachejcunatawan tariparka. Paycunatataj ashqha runa chaupipi churanacushajta ricorka.

San Lucas 11:53

Jesús wasimanta llojsiporka. Israel yachachejcuna fariseospiwanka mayta phiñacorkancu paymanta. Kallarerkancutaj tucuy laya tapunasta tapuyta parlaskanpi pantachinancupaj.

Hechos 26:23

Paycuna nerkancu Cristo juchasninchejraycu wañunanta, wañuymantapis ñaupaj caj causarimoj cananta. Israelcunamanpis waj llajtayojcunamanpis Cristonejta Diosman allinyaskas cayta atiskancuta willarkancu. Willanataj sonkosninchejpaj uj c'anchayjinamin, —nispa.

Hechos 4:2

Pedropaj Juanpajwan phiñaskas casharkancu Jesucristoj causarimuskanta yachachiskancuraycu. Tucuy runaspis paynejta wañuskancumanta causarimunallantataj willaskancumanta phiñacorkancu.

Hechos 5:42

Sapa p'unchaytaj yachachillarkancupuni. Jesucristo Diospa ajllaskan caskanta willarkancu yupaychana-wasipi, runaspa wasisnincupipis.

Hechos 6:9

Chanta tantacuna-wasimanta waquin cachariska camachis niskacuna jatarerkancu. Chaycunawan Cirene llajtamanta carkancu Alejandría llajtamanta, Cilicia jallp'amanta, Asia jallp'amantapis. Chay runasmanta waquincuna Estebanwan churanacuyta kallarerkancu.

Romanos 1:22

Yachayniyoj caskancuta nicuspapis, mana yuyayniyojman tucuporkancu.

1 Corintios 3:18

Ama ni pipis payllataj pantachicuchunchu. Kancuna chaupipi cay pachapi yachayniyoj caskanta yuyajka mana yuyayniyojman tucuchun. Ajinaman tucuchun cheka yachayniyoj cananpaj.

1 Corintios 4:10

Nokaycoka Cristoraycu wampu runas caycu. Kancunarí Cristowan mosoj causayniyquichejpi yachaysapas caskayquichejta yuyanquichej. Nokaycoka pisi callpas caycu. Kancunarí callpasapas caskayquichejta yuyanquichej. Kancunata runas mentasunquichej. Nokaycutarí manacajpaj khawawaycu.

Colosenses 2:8

Khawacuychej yankha pantachej yachaywan ama ni pi jap'iycusunayquichejta. Chay yachayka runaj yachachinamanjina cay pachapi mana ricuna atiyniyojcunamantamin, manataj Cristomanjinachu.