Hechos 15:5 - Quechua South Bolivia: Dios Parlapawanchej

⁵ Waquin fariseo parte caj hermanosrí sayarispa nerkancu: —Mana israelmanta hermanoska kharej cuerponpi uj señalta churanancu tiyan wiñay causayniyoj canancupaj. Chaywanpis paycunaman willananchej tiyan Moisespa camachiskasninta casunancuta, —nispa.

Qheshwa Biblia DC

⁵ Fariseosmanta wakin creejkunataj, sayarispa nerqanku: Gentilesmanta creejkunaqa, circuncidasqas kananku tiyan, Moisespa leyninman jina.

DIOSPA QHELQACHISQAN DEUTEROCANONICAL

⁵ Chaywanpis fariseokunamanta wakin wawqekuna sayarispa, nerqanku: Mana judío kajkunamanta Jesuspi atinikojkunaqa circuncidasqa kananku tiyan, jinallataj Moisespa kamachisqantapis junt'anallankutaj tiyan, nispa.

DIOSPA QHELQACHISQ

⁵ Chaywanpis fariseokunamanta wakin wawqekuna sayarispa, nerqanku: Mana judío kajkunamanta Jesuspi atinikojkunaqa circuncidasqa kananku tiyan, jinallataj Moisespa kamachisqantapis junt'anallankutaj tiyan, nispa.

Hechos 15:5 ပူးပေါင်းရင်းမြစ်များ

San Mateo 3:7

Juanka ashqha fariseo partecunata saduceo partecunatawan bautizacoj jamushaskancuta ricorka. Paycunatataj nerka: —Kancuna runa wañuchi catarisjina canquichej. Diospa c'ajaj phiñacuyninmanta aykecunayquichejpaj ¿pitaj willasorkachejrí? —nispa.

Hechos 15:1

Chay p'unchaycunapi waquin runas uraycamorkancu Judea jallp'amanta chay Siriapi caj Antioquiaman. Chaypi paycuna yachachisharkancu Cristopi hermanosta. Nerkancutaj: —Moisespa camachiskanmanjina kharej cuerponpi uj señalta churanayquichej tiyan. Mana churawajchej chayka, mana wiñay causayniyoj cayta atinquichejchu, —nispa.

Hechos 15:24

Uyarispa yachaycu waquin hermanos mana nokaycumanta cachaskalla jamuskancuta. Paycuna llaquichispa pantachisunayquichejpaj nerkancu: Moisespa camachiskasninta casunayquichej, kharej cuerponpi uj señalta ruwanayquichejpis tiyan wiñay causayta jap'inapaj, nispa.

Hechos 21:20

Hermanosri chayta uyarispa Señor Diosta jatuncharkancu. Pablotataj nerkancu: —Hermanóy, kan ricushanqui chay chhica israelcuna Jesuspi jap'icojcuna caskancuta. Tucuynincutaj nincu Moisespa camachiskasninta casunapuni caskanta.

Hechos 24:14

Sut'ita parlarisparí willaskayqui. Tatasniycoj Diosninta yupaychani paypa chekan ñanninpi purispa. Chaytataj paycuna nincu pantaska t'aka caskanta. Nokarí tucuy sonkowan yuyani Diospa tucuy palabran cunan cheka caskanta, cachun Moisespa camachiskasnin, cachun unay willajcuna kelkaskasnincupis.

Hechos 24:5

Reparaycu cay runaka israel runaspaj manapuni allinchu. Imaraycuchus payka runasta t'akanachishan. Cay pachantinpi tucuy paycunata ch'ajwachinanpaj okharishan. Chaywanpis payka Nazaret llajtayoj Jesusta khatejcunaj curaj pusajnincumin.

Hechos 28:22

Uyariyta munaycu yuyaskayquita chay Jesuspa t'akanmanta, kanpis chay t'akanmanta caskayquiraycu. Chay mosoj t'akajcunamantaka cunan tucuynejpi contranpi parlashancu, —nispa.

Hechos 5:17

Yupaychana-wasimanta curajka, saduceo partemanta, tucuy yanapajcunawan mayta phiñacorkancu Jesuspa cachasninpaj.

1 Corintios 7:18

Ajinaka maykenpis Diospa wajyaskanta circuncidaska caspaña uyarejka chayjinalla cacuchun. Diospa wajyaskanta mana chayjina cuerponpi señalaska caspa uyarejtaj ama circuncidacuchunchu.

Gálatas 2:11

Pedro Antioquía llajtaman jamojtinrí payta uyanpi c'amerkani pantashaskanraycu.

Gálatas 2:14

Sumaj willanasmanjina mana chekantachu ruwaskanta ricuspa tucuypa ñaupakencupi Pedrota c'amerkani: “Kanpis, israel runa caspa, waj llajtayojjina causashanqui manataj israel runajinachu. Chanta ¿imaraycutaj camachinqui waj llajtayojcunata israelcunaj yachachinasnincumanjina ruwanancutarí?”