Hechos 12:3 - Quechua South Bolivia: Dios Parlapawanchej

³ Herodesrí repararka israelcunata chay ruwaskanwan cusichiskanta. Chayraycu Pedrotapis jap'iycucherka israelcunaj jatun p'unchaycunancupi. Chay p'unchaycunapi paycunaka mana pokochinayoj t'antata miqhoj cancu.

Qheshwa Biblia DC

³ Chay ruwasqan, judiospaj sumaj kasqanta rikuspa, Pedrotañataj jap'icherqa wisq'achinampaj. Chaypachataj karqa mana levadurayoj t'anta mikhuna p'unchaykuna.

DIOSPA QHELQACHISQAN DEUTEROCANONICAL

³ Chay ruwasqan judiokunapaj sumaj kasqanta rikuspa, Herodesqa Pedrotañataj jap'icherqa. Chay karqa Mana Levadurayoj T'anta Mikhuna raymi p'unchay qayllapi.

DIOSPA QHELQACHISQ

³ Chay ruwasqan judiokunapaj sumaj kasqanta rikuspa, Herodesqa Pedrotañataj jap'icherqa. Chay karqa Mana Levadurayoj T'anta Mikhuna raymi p'unchay qayllapi.

Hechos 12:3 ပူးပေါင်းရင်းမြစ်များ

San Mateo 26:17

Israel runaska jatun p'unchaycunancupi t'antata mana pokochinayojta miqhoj cancu. [Ajinata yuyarej cancu imaynata Dios paycunata enemigosnincumanta cacharichiskanta.] Ñaupaj caj p'unchaypitaj yachacojcunanka Jesusman kayllaycorkancu. Taporkancutaj: —¿Maypitaj waquichipusajcu yuyarina miqhunata miqhunayquipaj?

San Juan 12:43

Paycunaka astawan munarkancu runas paycunata sumajpaj khawanancuta Diosmanta niskaka.

San Juan 19:11

Jesustaj cuticherka: —Manachus Dios atiyta kosunquiman chayka, ni imata atiwajchu nokawan ruwayta. Chayraycu nokata kanman jaywawajka aswan juchayoj cashan, —nispa.

San Juan 21:18

Chekatapuni niyqui: Joven cashaspaka chumpiycucoj canqui maymanchus munaskayquimantaj rej canqui. Viejoña casparí maquisniyquita okharinqui wajñataj chumpichisonka mana munaskayquimantaj pusasonka, —nispa.

Hechos 12:4

Chanta Herodes wisk'acherka Pedrota carcelman. Chaypi chunca sojtayoj soldadosman jaywarka tawamanta tawa tuta p'unchay sumajta khawanancupaj. Yuyasharka Pedrota orkhomuyta israelcunaj ñaupakencupi juchachaska cananpaj pascua jatun p'unchaycuna pasaytawan.

Hechos 2:14

Pedroka chay chunca ujniyoj cachaswan runaspa ñaupakencupi sayaricorka. Jatunmanta parlaspataj runasta nerka: —Israel llajta-masis, Jerusalenpi tucuy tiyacojcunapis uyariwaychej. Cayta yachanayquichejta munani.

Hechos 20:6

Nokaycuri mana pokochinayoj t'anta fiesta pasayta Filipos llajtamanta barcopi llojserkaycu. Chaymantataj phishka p'unchayninpi Troasman chayaspa paycunawan tincunacorkaycu. Chaypitaj kanchis p'unchaycunata khepacorkaycu.

Hechos 24:27

Iscay wataña junt'acuytawan Félix manaña camachejtin, Porcio Festo camacherka. Felixri israelcunawan sumaj runapaj khawachicuyta munaspa Pablota carcelpi wisk'askata sakeporka.

Hechos 25:9

Festoka israelcunawan sumaj runapaj khawachicuyta munaspa Pablota tapurerka: —Kanmanta sumajta khawasunaypaj ¿Jerusalenman riyta munanquichu?

Hechos 4:13

Chay curajcuna repararkancu Pedrowan Juanwan mana manchachicuspa parlaskancuta. Mana escuelapi estudiamoj, khasi runasjinalla caspapis sumajta parlaskancumanta mayta t'ucorkancu. Rejserkancutaj Jesuswanpuni purejcuna caskancuta.

Gálatas 1:10

Cayta nispaka tapucuni: ¿Maykenta cusichiytataj munaskayta yuyanquichejrí —runastachu chayrí Diostachu? Mana runasta cusichiytachu munashani. Sichus runasta cusichiyta munaymanraj chayka, manapuni Cristoj camachinchu cayman.

1 Tesalonicenses 2:4

Diosrí ajllawarkaycu churawarkaycutaj willanasninta willaranaycupaj. Chayraycu parlarkaycu Diosllata cusichinaycupaj manataj runasta cusichinaycupajchu. Dios sonkosniycuta sumajta khawaspa yachan tucuy yuyaskaycuta munaskaycutawanpis.