Hechos 11:18 - Quechua South Bolivia: Dios Parlapawanchej

¹⁸ Chayta uyarispataj Cristopi hermanos manaña Pedrowan churanacorkancuchu. Manachayrí Diosta jatuncharkancu: —¡Chayka niyta munan Dioska munaskanta waj llajtayoj runaspis payman cutiricunancuta wiñay causayniyoj canancupaj! —nispa.

Qheshwa Biblia DC

¹⁸ Chayta uyarispataj hermanosqa ch'inyakaporqanku. Diostataj yupaycharqanku, nispa: Kayman jina, gentilespis juchata saqejtinkoqa Dios wiñay kausayta qollanqantaj.

DIOSPA QHELQACHISQAN DEUTEROCANONICAL

¹⁸ Pedroj nisqanta uyarispa, chay wawqekunaqa manaña imatapis nerqankuchu. Astawanpis Diosta yupaycharqanku, nerqankutaj: Ajinaqa mana judío kajkunapis Diosman kutirikojtinku, Dios paykunamanpis wiñay kawsayta qollantaj, nispa.

DIOSPA QHELQACHISQ

¹⁸ Pedroj nisqanta uyarispa, chay wawqekunaqa manaña imatapis nerqankuchu. Astawanpis Diosta yupaycharqanku, nerqankutaj: Ajinaqa mana judío kajkunapis Diosman kutirikojtinku, Dios paykunamanpis wiñay kawsayta qollantaj, nispa.

Hechos 11:18 ပူးပေါင်းရင်းမြစ်များ

San Mateo 9:8

Ashqha runasri chayta ricuspa manchachicorkancu. Diosta yupaycharkancutaj chayjina atiyta runasman koskanmanta.

Hechos 11:1

Jesuspa cachasnin Judea jallp'api caj hermanospis chayta uyarerkancu. Ajinapi yacharkancu waj llajtayoj runaspis Diospa palabranta jap'iskancuta.

Hechos 14:27

Pablo Bernabewan Antioquía llajtaman chayampuspataj Cristopi tucuy hermanosta tantacherkancu. Chaycunamantaj willarkancu Dios paycunawan tucuy ruwaskanta. Willarkancutaj imaynata Dioska willaraskancunejta ricuchiskanta waj llajtayojcunatapis Jesuspi jap'icuyta atiskancuta.

Hechos 15:3

Antioquiapi tantaska hermanos paycunata cacharkancu. Chanta cachaskacunaka pasarkancu Fenicia jallp'anejta Samaria jallp'anejta ima. Chaycunapi willararkancu imaynatachus mana israel cajcuna juchancuta sakespa Jesuspi jap'icuskancuta. Cristopi tucuy hermanostaj chayta uyarispa mayta cusicorkancu.

Hechos 20:21

Israelcunamanpis waj runasmanpis sut'ita willarkani. Ajinata sinch'ita nerkani paycuna juchancuta sakespa Diosman cutiricunancuta, Señorninchej Jesucristopi jap'icunancutapis.

Hechos 21:20

Hermanosri chayta uyarispa Señor Diosta jatuncharkancu. Pablotataj nerkancu: —Hermanóy, kan ricushanqui chay chhica israelcuna Jesuspi jap'icojcuna caskancuta. Tucuynincutaj nincu Moisespa camachiskasninta casunapuni caskanta.

Hechos 3:19

Chayraycu juchasniyquichejta sakespa Diosman cutiricapuychej juchasniyquichejmanta llimphuchaskas canayquichejpaj. Chanta Señor Dios sonkosniyquichejta callpachasonkachej cusiskas causanayquichejpaj.

Hechos 3:26

Dios ñaupajta kancunaman cachamusorkachej ajllaska Camachin Jesucristota wañuskamanta causarichimuspa. Cachamorka kancunata yanapayta munaspa sajra causayniyquichejmanta payman cutirinayquichejpaj, —nerka Pedro.

Hechos 5:31

Payta jatunchaspataj sumaj atiyniyoj Camachej cananpaj churarka, juchamanta Cacharichejpis cananpaj. Chayta Dios ruwarka Israel llajta-masisninchej juchancuta sakespa payman cutimunancupaj. Ajinapi juchasnincumanta llimphuchaskas cayta atincu.

Romanos 9:30

Cunanka chay jawa ¿imanisunmantaj? Waj llajtayojcunaka chekan cayta mana khatispalla tariparkancu. Diospi jap'icuynejtamin chay chekan cayta tariparkancu.

2 Corintios 3:18

Ajinaka mana uyata khatacuspa tucuy nokanchej Señorpa atiyninta khawashanchej c'anchayninta ricuchinanchejpaj. Chaymanjina Santo Espíritu causayninchejta cutichishan Cristo quiquinman rijch'acoj astawan astawan cananchejcama.

2 Corintios 7:10

Astawanpis Diospa ñaupakenpi phuticuyka payman cutirichiwanchej juchamanta cachariskas cananchejpaj. Chaymantataj mana phuticuy canchu. Astawanrí cay pacha phuticuymanta wiñay wañuy jamun.

Gálatas 1:24

Diosta mayta yupaycharkancutaj noka Jesuspi jap'icuskayraycu.