Efesios 5:23 - Quechua South Bolivia: Dios Parlapawanchej

²³ Kosaka warmej umanjinamin. Ajinallataj Cristopis iglesia runasninpa umancujinamin. Pay quiquintaj iglesianpa Cacharichejninpis cashan.

Qheshwa Biblia DC

²³ Qosaqa warmimpa umanmin imaynachus Cristopis iglesiaj uman, ajina. Ajinallataj iglesiaqa paypa cuerpon, Cristotaj salvajnin.

DIOSPA QHELQACHISQAN DEUTEROCANONICAL

²³ Ajinata ruwaychej, imajtinchus qosaqa warminpa umanmin, imaynachus Cristopis Iglesiaj uman, ajina. Iglesiaqa Cristoj ukhunmin, paytaj qhespichejnin.

DIOSPA QHELQACHISQ

²³ Ajinata ruwaychej, imajtinchus qosaqa warminpa umanmin, imaynachus Cristopis Iglesiaj uman, ajina. Iglesiaqa Cristoj ukhunmin, paytaj qhespichejnin.

Efesios 5:23 ပူးပေါင်းရင်းမြစ်များ

Hechos 20:28

Chayraycu Dioswan causayniyquichejta sumajta wakaychacuychej. Ajinallatataj tucuy hermanostapis wakaychaychej. Santo Espiritumin paycunaj wakaychajnincupaj churasorkachej. Uj sumaj michejjina Diospi jap'icuspa tantacojcunata michimuychej. Señorninchej Jesuska yawarninwan paycunata juchamanta cacharicherka paypata canancupaj.

1 Corintios 6:13

Miqhunaka wijsapaj wijsataj miqhunapaj. Diosrí iscayninta tucuchenka. Cuerpoka manamin khenchachacuypaj ruwaskachu. Astawanrí cuerponchejka Señorpajmin, Señortaj cuerponchejpi causananpaj.

Efesios 4:15

Astawanrí cheka cajta munacuywan parlaspa tucuy imapi Cristowan ujchaska wiñasunchej. Paymin umanchejka.

Efesios 5:24

Astawanpis imaynatachus iglesia runasnin Cristota casuncu, ajinallatataj warmis kosancuta tucuy imapi casunancu.

Colosenses 1:18

Paytajmin Diospa ajllacuskasninpaj uman. [Ajllacuskasnintaj ujchaska paypa cuerpon cancu. Cuerponpa causaynenka uman Cristomanta jamun.] Paymin wañuymanta ñaupaj causarimojka wiñaypaj causacunanpaj tucuy imapi curaj cananpajtaj.

1 Tesalonicenses 1:10

Ajinamantataj suyashanquichej paypa Wawan Jesusta janaj pachamanta cutimunanta. Payta Dios causarichimorka wañuskacunamanta. Chay Jesusmin cacharichiwarkanchej Diospa jamoj c'ajaj phiñacuyninmanta.

Apocalipsis 19:7

Mayta cusicunachej, payta jatunchanachej, Corderoj casaracuynin chayamuskanraycu. Warminpis waquichicunña casaracunanpaj.

Apocalipsis 5:9

Uj mosoj taquiyta taquerkancu: —Kanlla chay kelka c'uyuta jap'inayquipajjinaka sellosnintapis quichanayquipajjinaka canqui. Kanka wañuchiska carkanqui. Ajinapi yawarniyquiwan runaspa juchasnincuta wiñaypaj llimphucharkanqui Diospata canancupaj. Tucuy ayllumanta, tucuy laya parlayniyojcunamanta, tucuy llajtasmanta, tucuy jallp'amanta Diospata canancupaj ruwarkanqui.