Efesios 3:18 - Quechua South Bolivia: Dios Parlapawanchej

¹⁸ Chayta mañacuni callpachaskas sumajta reparanayquichejpaj imaynatachus munacuywan causacunata. Reparanquichej tucuy Diospa runasninwan cusca Cristoj munacuynenka may jatun caskanta. ¡Mayjina ancho, caru, pata, uqhutajmin!

Qheshwa Biblia DC

¹⁸ Tukuy ajllasqaswan khuska sumajta unanchayta atinaykichejpaj, may jinachus Cristoj munakuynin kasqanta, kinrayninman, sayt'unman, ukhuman, pataman ima.

DIOSPA QHELQACHISQAN DEUTEROCANONICAL

¹⁸ Ajinamanta qankuna tukuy ajllasqakunawan khuska, Cristoj munakuynin may jinachus kasqanta yachayta atinkichej: Anchonman, sayt'unman, ukhunman, sayayninman ima.

DIOSPA QHELQACHISQ

¹⁸ Ajinamanta qankuna tukuy ajllasqakunawan khuska, Cristoj munakuynin may jinachus kasqanta yachayta atinkichej: Anchonman, sayt'unman, ukhunman, sayayninman ima.

Efesios 3:18 ပူးပေါင်းရင်းမြစ်များ

San Juan 15:13

Uj runa amigosninraycu wañuycama churacojtenka chekatapunimin munacun. Chayjina munacuymanta astawanka mana canchu.

Romanos 10:3

Diospa chekan caynintaka manamin rejserkancuchu. Paycunaj chekan caynincuta sayachicuyta munaspataj Diospa chekan cay koricuyninta khesacharkancu.

2 Corintios 13:13

Señorninchej Jesucristoj c'acha yanapaynin, Diospa munacuynin, Santo Espíritoj ujchacuyninpis tucuy kancunawan cachun. Ajina cachun.

Gálatas 2:20

Cristopi jap'icuspaka paywan cusca chacataskajina carkani. Chayraycu cunanka manaña nokaj atiyniywanñachu causashani. Manachayrí Cristo atiyninwan nokapi causashan. Nokari cunan cay pachapi causashaspa Diospa Wawanpi jap'icuynejta causashani. Payka munacuwarka, nokaraycutaj pay quiquin wañorka.

Gálatas 3:13

Camachiskasninta mana casojcunaka wiñaypaj wañuncu. Astawanrí chay camachiskaspa juchachayninmanta Cristo wañuyninnejta cacharichiwarkanchej. Payka juchanchejraycu juchachaska carka Diospa c'ajaj phiñacuyninpi. Palabranpipis nin: “Juchachaskamin cashan c'aspipi warqhuska cajka”.

Efesios 1:10

Chaymanjinataj yuyarka pay quiquinman tucuy imata ujchayta Cristo uma cananpaj. Ajllaskan tiempo junt'acojtin janaj pachapi cajcunata cay pachapi cajcunatapis Cristonejta ujchayta munarka.

Efesios 1:15

Nokaka uyarerkani imaynatachus kancuna Señorninchej Jesuspi jap'icuskayquichejta, tucuy Diospa runasninta munacuskayquichejtapis.

Efesios 3:19

Cristoj munacuynenka tucuy yachaymanta aswan jatunmin. Chaywanpis mañacuni chay munacuyninta sumajta rejsinayquichejpaj. Ajinapi causayniyquichejka Diospa cayninwan junt'a canka.

Colosenses 1:4

Cusiywan uyariycu Cristo Jesuspi jap'icuskayquichejta, Diospa tucuy runasnintapis munacuskayquichejta.

1 Timoteo 3:16

Chekapuni may jatun cay cheka niskan sumaj willanasninpi sut'inchawaskanchejka: Cristopi, Dios jamorka cuerpoyoj runaman tucuspa. Santo Espíritu ricucherka pay cheka caskanta. Angeles payta khawarkancu. Cachasnin waj llajtayojcunaman paymanta willararkancu. Cay pachapi runas Cristopi jap'icorkancu. Janaj pachaman ujtawan Dios payta pusarka.

Apocalipsis 3:21

Nokaka tucuyta atipaskaymanta Dios Tataywan cusca camachinaypaj tiyaycuska cani. Ajinallatataj juchata atipajtaka nokawan cusca camachinanpaj tiyaycuchisaj.