Apocalipsis 4:8 - Quechua South Bolivia: Dios Parlapawanchej

⁸ Chay tawa causajcuna sapa ujnincu sojta lijrasniyoj carkancu. Ñawipurutaj carkancu muyuynincupipis uqhuncupipis. Tuta p'unchay mana samaricuspa yupaychashallancupunitaj: —¡Santo, santo, santo, tucuy atiyniyoj Señor Dios! Payka carkapuni, cashanpuni, wiñaypajpunitaj canka, —nispa.

Qheshwa Biblia DC

⁸ Chay tawantin animalesqa sapa ujninku sojta lijrasniyoj muyuyninkupi, tukuy ukhunkupitaj ñawiswan junt'asqas karqanku; manataj tuta p'unchay samajchu kanku, nispa: Santo, Santo, Santo, Señor Dios Tukuy Atiyniyoj, pichus karqa, kantaj, jamonqataj.

DIOSPA QHELQACHISQAN DEUTEROCANONICAL

⁸ Chay tawantin kawsajkunaqa sapa ujninku sojta lijrayoj karqanku, lijrankunataj patanpi ukhunpi ashkha ñawiwan junt'a karqa. Chantá tuta p'unchay mana sayk'uspa, nisharqanku: May llimphu, may llimphu, may llimphupuni Tukuy Atiyniyoj Diosqa, pichus karqapuni, kashantaj, jamonqataj, chay, nispa.

DIOSPA QHELQACHISQ

⁸ Chay tawantin kawsajkunaqa sapa ujninku sojta lijrayoj karqanku, lijrankunataj patanpi ukhunpi ashkha ñawiwan junt'a karqa. Chantá tuta p'unchay mana sayk'uspa, nisharqanku: May llimphu, may llimphu, may llimphupuni Tukuy Atiyniyoj Diosqa, pichus karqapuni, kashantaj, jamonqataj, chay, nispa.

Apocalipsis 4:8 ပူးပေါင်းရင်းမြစ်များ

Hechos 20:31

Chayraycu allin yuyaywan khawacuychej. Yuyaricuychejtaj nokaka tuta p'unchay quinsa watantinta sapa ujniyquichejta yuyaychasuskaytapuni. Chayta ruwarkani llaquiycunata muchuspapis. Chayraycu tucuy chayta yuyayniyquichejpi sumajta jap'icuychej.

2 Corintios 6:18

Kancunapaj Tatayquichej casaj. Kancunapis wawasniy canquichej, nispa nin tucuyta camachej atiyniyoj Señor.

1 Tesalonicenses 2:9

Hermanosníy, yuyaricunquichej imaynata llanc'askaycuta mayta sayc'uskaycutapis. Tuta p'unchay llanc'arkaycu miqhunaycupaj p'achaycupajpis. Imaraycuchus kancunamanta mana munarkaycuchu jap'iyta ni imatapis Diospa willanasninta willarashaspa.

1 Timoteo 4:16

Khawacuy causayniyquita yachachiskayquitawan. Cay camachiskasniyta casuypuni. Ajinapi tucuy sajra cajmanta cacharichicunqui, uyarisojcunatapis.

2 Timoteo 4:2

Paypa niskanta willaray. C'uchi, waquichiskapuni cay willaranayquipaj, tiemponpipis mana tiemponpipis. Runasman juchasnincuta reparachiy, c'amiy, yuyaychaytaj, mana tucucoj qhuyacuywan yachachispa.

Hebreos 13:8

Jesucristoka quiquillanpuni cashan kayna, cunan, wiñaypajpis.

Apocalipsis 1:4

Juanka Asia jallp'api caj Diospa ajllacuskasnin kanchis iglesiasman kelkan. Dios Tatamanta, Santo Espiritumanta, Jesucristomanta c'acha yanapaynin kancunawan cachun allillanpi causacunayquichejpaj. Dios Tataka cashanpuni, carkapuni, wiñaypajpunitaj canka. Santo Espiritoka Diospa ñaupakenmanta tucuy niskasninta junt'anpunimin.

Apocalipsis 1:8

Tucuy atiyniyoj Señor Dioska nin: “Noka cani kallarejka, nokataj tucuchaj cani,” nispa. Payka cashanpuni, carkapuni, wiñaypajpunitaj canka.

Apocalipsis 11:17

—Tucuy atiyniyoj Señor Diosniycu, kan canquipuni carkanquipunitaj. Jatun atiyniyquiwanña cunan camachishaskayquiraycu kanta agradececuycu.

Apocalipsis 14:11

Ñac'ariynincumanta k'oshñitaj wicharimun wiñaypa wiñayninpaj. Millay animalta rijch'acuynintapis yupaychajcunaka sutinwan marcachicojcunaka mana samarispa tuta p'unchay ñac'arenkancu, —nispa.

Apocalipsis 14:3

Uj mosoj taquinatataj taquisharkancu jatun tiyanaj ñaupakenpi, chay tawa causajcunaj ñaupakencupi, chay curajcunaj ñaupakencupipis. Chay pachaj tawa chunca tawayoj warankaka cay pachamanta Corderoj wañuyninwan rantiska cancu. Paycunalla chay mosoj taquinataka yachancu.

Apocalipsis 15:3

Diospa camachin Moisespa Corderojtapis taquiyninta Diosman taquerkancu: —¡Tucuy atiyniyoj Señor Dios, ancha jatuntaj t'ucunapajtaj ruwaskasniyqueka! ¡Tucuy llajtasta Camachej, yuyayniyqueka chekan mana pantayniyoj!

Apocalipsis 15:7

Chay tawa causajcunamanta ujnin chay kanchis angelesman sapa ujman kori vasota korka. Chay kanchis vasoska wiñaypa wiñayninpaj causaj Diospa c'ajaj phiñacuyninwan junt'a carkancu.

Apocalipsis 16:14

Chay millay espiritustaj ricuchinasta ruwaj supaycuna carkancu. Paycunaka tucuy cay pacha camachejcunaman rerkancu. Tucuy atiyniyoj Diospa jatun guerra p'unchayninpaj chay camachejcunata tantamorkancu.

Apocalipsis 16:7

Uyarerkanitaj altarmanta nimojta: —Arí, tucuy atiyniyoj Señor Dios, juiciopi juchachaskayqueka chekanpunimin, —nispa.

Apocalipsis 19:15

Diospa Niskan sutiyojpa siminmanta filo t'ujsina espada llojsimushan, chaywan llajtasta wajtananpaj. Tucuy llajtasta sinch'i atiywan camachenka. Tucuy atiyniyoj Diospa c'ajaj phiñacuyninwan sajra runasta paylla juchachanka.

Apocalipsis 19:4

Chay iscay chunca tawayoj curajcunawan chay tawa causajcunawan jatun tiyanapi tiyaska Diosta yupaycharkancu. Nerkancutaj: —¡Ajina cachun! ¡Aleluya! —nispa.

Apocalipsis 21:22

Chay llajtapeka ni ima yupaychana-wasitapis ricorkanichu. Tucuy atiyniyoj Señor Diosmin Corderowan chaypi tiyacun yupaychaska cananpaj.

Apocalipsis 3:7

‘Filadelfiapi iglesia tantacojcunaj willajnincuman kelkay: Noka cani cheka caj, Diospa ajllaskan caj. [Imaynatachus Davidka llajtanpa llaventa jap'erka, ajinallatataj nokapis Diospa mosoj llajtanpa] llaventa jap'iniña. Quichariskayman yaycojtaka ni pi jarc'ayta atinchu. Wisk'askaymantaj ni pi yaycuyta atinchu. Nishayquitaj:

Apocalipsis 4:4

Chay jatun tiyanari iscay chunca tawayoj tiyanaswan muyuriska carka. Chay tiyanaspitaj iscay chunca tawayoj curajcuna tiyaskas carkancu. Yuraj p'achawan p'achalliskas, atipaskancumanta umancupitaj kori pilluwan churaskas carkancu.

Apocalipsis 4:6

Jatun tiyanaj ñaupakenpitaj ch'uya vidrioman rijch'acoj kochajina carka. Jatun tiyana urapi muyuyninpiwan tawa causajcuna carkancu. Chay causajcunaka ñawipuru carkancu, ñaupakencupis wasancupis.

Apocalipsis 4:9

Ajinata chay causajcunaka tiyanapi tiyaska Diosta jatunchancu, may sumajpaj khawancu, yupaychancutaj. Payka wiñaypa wiñayninpaj causayniyojmin.

Apocalipsis 5:6

Ricorkanitaj uj Corderota jatun tiyana chaypi, chay tawa causajcuna chaupipi chay curajcuna chaupipiwan. Chay Corderoka sayasharka wañuchiskapis canmanjina. Atiyniyoj caskanraycu kanchis wajrasniyoj kanchis ñawisniyojtaj carka. Ñawiska c'acha yanapayninta junt'aj Diospa Espiritunmin, tucuy cay pachaman cachamuskamin.

Apocalipsis 6:1

Ricorkanitaj Corderota ñaupaj caj sellota quicharejta. Uyarerkanitaj chay tawa causajcunamanta ujninta truenojina parlarejta: —Jamuy, —nispa.

Apocalipsis 6:6

Uyarerkanitaj chay tawa causajcuna chaupipi nejta: —Uj kilo trigota rantinapaj uj p'unchay llanc'ana canka. Quinsa kilo cebadata rantinapaj uj p'unchay llanc'ana canka. Aceiteta vinotataj ama imananquichu, —nispa.

Apocalipsis 7:11

Tucuy angeleska chay tiyanaj muyuyninpi sayasharkancu. Chayllapitaj carkancu curajcunapis, chay tawa causajcunapis. Tucuynincutaj tiyanaj ñaupakenpi pampacama c'umuycorkancu Diosta yupaycharkancu,

Apocalipsis 7:15

Chayraycutaj Diospa tiyananpa ñaupakenpi cashancu. Tuta p'unchay yupaychana-wasinpi payta yupaychashancu. Chay jatun tiyanapi tiyaska cajri munacuywan paycunata wakaychanka.