2 Pedro 2:7 - Quechua South Bolivia: Dios Parlapawanchej

^7-8 Chay llajtaspi tiyacojcunaka millay causayllapipuni carkancu mana frenoyojjina. Ajinata causaspa chekanta causaj Lot sutichaskata sinch'ita llaquicherkancu. Payka paycuna uqhupi tiyacuspa sapa p'unchay chay sajra ruwaskasnincuta ricorka. Ricuspa uyarispaka chekan sonkonpi mayta ñac'arerka. Diosrí Lotman aykecunanta nerka manaraj chay runas ushphayashajtincu.

Qheshwa Biblia DC

⁷ Cheqanta kausakoj Lottarí ayqecherqa; payqa anchata llakikoj, chay juchasapaspa sajra kausayninkumanta.

DIOSPA QHELQACHISQAN DEUTEROCANONICAL

⁷ Chaywanpis Dios cheqanta ruwaj Lotta chay wañuymanta ayqecherqa, pichus sonqonpi mayta llakikorqa millayta ruwajkunaj p'enqay ruwasqankumanta, chayta.

DIOSPA QHELQACHISQ

⁷ Chaywanpis Dios cheqanta ruwaj Lotta chay wañuymanta ayqecherqa, pichus sonqonpi mayta llakikorqa millayta ruwajkunaj p'enqay ruwasqankumanta, chayta.

2 Pedro 2:7 ပူးပေါင်းရင်းမြစ်များ

1 Corintios 10:13

Juchaman urmachejka ni uj ima mana runaj muchunanka kancunata jap'isorkachejchu. Diosrí niskanta junt'anpuni. Payka mana sakesonkachejchu muchuyta atinayquichejmanta astawan muchojtaka. Manachayrí urmachej imapi ricucojtiyquichejka ñantajina ruwapusonkachej imaynatapis chaynejta llojsinayquichejpaj. Ajinapimin urmachejtaka atipanquichej mana juchallispalla.

2 Pedro 2:18

Jatuchej yankha parlaycunawan cunallanraj Diospi jap'icojcunata engañaspa millay causayman apancu. Chay mosoj jap'icojcunaka cay pacha pantaypi causaymanta cunallanraj aykecushancu.

2 Pedro 2:2

Kancunamanta ashqhas paycunaj millay causaynincuta khatenkancu. Millay causaynincuraycutaj cheka willanaspajpis runas sajrata rimankancu.

2 Pedro 3:17

Chayraycu munaska hermanosníy, ñaupajtaña yachaspaka sumajta khawacuychej. Pajtataj Diosta mana casojcunaj llulla yachachinasnincuwan pantachiskas cawajchej. Pajtataj sinch'i sayacuyniyquichejmanta urmashawajchej.

Judas 1:4

Yachani waquin runaska pacayllamanta kancuna uqhuman yaycumuskancuta. Paycuna juchachaska canancutari unaymantapachaña Dioska sut'incharka, sajra runas caskancuraycu. Diosninchejka c'acha causayta kowarkanchej. Chaytapis paycunaka millay causayman tucuchincu, atiyniyoj Señorninchej Jesucristotapis khesachancu. Chayraycu kancunata yuyaychanayka aticunpuni.