2 Corintios 8:21 - Quechua South Bolivia: Dios Parlapawanchej

²¹ Chaywanpis mana Señorpa ñaupakellanpichu, manachayka runaspa ñaupakencupipis munaycu tucuy imas chekan cananta.

Qheshwa Biblia DC

²¹ Astawantaj munashayku kay imasta ruwayta cheqanta, mana Señorpa ñaupaqellampichu, astawanqa runaspa ñaupaqempipis.

DIOSPA QHELQACHISQAN DEUTEROCANONICAL

²¹ Astawanpis tukuy imata cheqantapuni ruwayta munayku, mana Diospa ñawpaqellanpichu, manachayqa runakunaj ñawpaqenpipis.

DIOSPA QHELQACHISQ

²¹ Astawanpis tukuy imata cheqantapuni ruwayta munayku, mana Diospa ñawpaqellanpichu, manachayqa runakunaj ñawpaqenpipis.

2 Corintios 8:21 ပူးပေါင်းရင်းမြစ်များ

San Mateo 23:5

Paycuna tucuy imata ruwancu runasman ricuchinallancupaj. Diosta yupaychashaskancuta yuyaspa kelkaska churanasta apaycachacoj cancu. Chaycunatapis jatunyachincu. P'achasnincoj t'icasnintapis jatunyachincu.

San Mateo 5:16

Kancunapis ajinallataj c'anchayjina canquichej cay pacha runaspaj. Ñaupakencupi c'acha cajta ruwaspa causacuychej. Ajina cachun paycunaka janaj pachapi tiyacoj Tatayquichej Diosta jatunchanancupaj.

San Mateo 6:1

‘Khawaricuychej c'acha cajta ruwaskayquichejka ama runas jatunchasunallancupajka cachunchu. Manachayka janaj pacha Dios Tatayquichej uj sumaj konata mana kosonkachejchu.

San Mateo 6:4

Ajinapi ruwaskayqui pacaska canka. Pacaypi ricoj Dios Tatayquitaj kanman ruwaskayquimanjina kosonka.

Romanos 12:17

Ama sajramanta sajrallatatajka cutichiychejchu. Ruwaskasniyquichej tucuy runaspa ñaupakencupi c'acha cachun.

Romanos 14:18

Ajinata Cristota casuspamin Diosta cusichinchej runaspis allinpaj khawawanchej.

2 Corintios 2:17

Chay ashqha pantachej willarajcuna Diospa niskanwan kolkechacunallancupaj willarancu. Nokaycoka mana chaycunajinachu caycu. Astawanrí cheka sonkowan Diosmanta cachaska caspa willaraycu. Diospa ñaupakenpi Cristowan ujchaska willarashaycupuni.

2 Corintios 8:20

Ajllaska runaswan purishaycu chay koskata tantaspa ama ni pi khawaranawaycupaj.

2 Corintios 8:22

Paycunawan cusca uj caj hermanoycuta cachamuyquichej. Payka ashqha imaymanapi ashqha cutitapis c'uchi caskanta ricuchiwarkaycuña. Cunanka kancuna sumajta ruwaskayquichejta yachaspa tucuy sonkowan kancunaman jamushan.

Filipenses 4:8

Ajinaka, hermanosníy, sumaj imaspipuni yuyaychej. Tucuy cheka cajpi, tucuy c'acha cajpi, tucuy allin cajpi, tucuy llimphu cajpi, tucuy sumaj cajpi, tucuy allin niska cajpiwan yuyaychej. Chay sumaj mentaska imaspipuni yuyaychej chaycunata ruwanayquichejpaj.

1 Tesalonicenses 5:22

Mana Diosmanta cajtenka tucuy chay sajra cajmanta t'akacuychej.

1 Timoteo 3:7

Cristopi mana jap'icoj runaspa ñaupakencupi pastorka c'achapaj khawaska canan. Manachayka p'enkayman urmaspa khasi tumpaynejta Satanaspa trampanpi jap'iska canman.

1 Timoteo 5:14

Chayraycu munani sipas viudas casaracunancuta, wawasta uywanancuta, wasincupi camachinancutataj. Ajinata ruwachuncu churancojcunaka ama khawaranancupaj.

1 Pedro 2:12

Cay pacha runas chaupipi causashaspa c'achata causaychej. Kancunaj contrayquichejtapis parlancuman manacaj ruwajcunapis cawajchejjina. Chaywanpis c'acha ruwaskasniyquichejta khawaspa jakay p'unchaypi Diosta jatunchankancu.