2 Corintios 5:12 - Quechua South Bolivia: Dios Parlapawanchej

¹² Mana ujtawanchu kancunaman mentacushaycu. Manachayrí nokaycumanta mentacuyta atinayquichejta munayman. Ajinamanta puraj uya cajcunata ch'inyachiyta atinquichej. Paycunaka jawallamanta jatunchacuncu manataj cheka sonkowanchu.

Qheshwa Biblia DC

¹² Manataj ujtawan allin kasqaykumanta parlayta munashaykuchu, astawanqa suyashayku qankuna sonqo junt'asqas kanaykichejta noqaykumanta, kutichinaykichejpaj pikunachus wapus kasqankuta yuyakunku, mana sonqonkuman jinachu, chaykunaman.

DIOSPA QHELQACHISQAN DEUTEROCANONICAL

¹² Noqaykoqa mana ujtawan allin kasqaykumanta parlayta munashaykuchu. Aswanpis suyashayku qankuna noqaykumanta sonqo junt'asqa kanaykichejta. Ajinamanta kutichiyta atinkichej, pikunachus may kasqankuta yuyajkunaman, manataj sonqonku ukhupi cheqanchu kanku, chaykunaman.

DIOSPA QHELQACHISQ

¹² Noqaykoqa mana ujtawan allin kasqaykumanta parlayta munashaykuchu. Aswanpis suyashayku qankuna noqaykumanta sonqo junt'asqa kanaykichejta. Ajinamanta kutichiyta atinkichej, pikunachus may kasqankuta yuyajkunaman, manataj sonqonku ukhupi cheqanchu kanku, chaykunaman.

2 Corintios 5:12 ပူးပေါင်းရင်းမြစ်များ

2 Corintios 1:14

Waquin imaspi entiendewarkaycuña. Chayraycu cusiskas caycu. Quiquillantaj Diospa ñaupakenpi kancunapis nokaycuraycu cusiskas canquichej. Ajina canka Señorninchej Jesuspa cutimunan p'unchaypi.

2 Corintios 10:12

Cayta yachaychej: Mana atiycuchu chay jatunchacojcunajina churacuytaka ni paycunawan quiquinchacuytapis. Paycuna quiquincumanta tupunata ruwacuncu. Chaywan paycunapura tupunacuncu quiquinchanacuncutaj. Ajinata ruwaspaka mana yuyayniyoj cancu.

2 Corintios 10:18

Runasman pay quiquillan rejsichicuyta munajka mana chayraycuchu allinpaj khawaska canka. Manachayrí Señor payta rejsichejtinmin allinpaj khawaska.

2 Corintios 10:7

Ñaupakeyquichejpi sut'i imasta sumajta reparaychej. Sichus maykenpis Cristojta caskanta yuyan chayka, ujtawan yuyachun cay imasmanta. Reparachuntaj nokaycupis Cristojta caskaycuta.

2 Corintios 10:8

Sitajchus atiyniycumantapis mentacuni chayka, mana p'enkacunichu Señorninchej kowaskaycuraycu. Chay atiyta kowarkaycu mosoj causaypi wiñachisunaycupaj, manataj kancunata urmachinaycupajchu.

2 Corintios 12:11

Mentacuspa mana yuyayniyoj tucuni. Kancunaraycu mentacunay tiyan. Chekatapuni kancuna mentanawayquichej carka. Mana imapipis aswan pisichu cani chay aswan sumaj cachasman rijch'acojmanta niskaka. Manapis imachu cani.

2 Corintios 3:1

¿Ujtawan mentacuyta kallariskaycutachu ninquichej? Mana mentacushaycuchu. Waquin, yachachejcuna cartasta apancu sumaj runas caskancuta ricuchinancupaj. Chay rejsichej cartasta mana kancunaman konaycuchu tiyan nitaj kancunamanta apanaycuchu tiyan.

2 Corintios 6:4

Manachayka tucuy imaspi Diospa cachasninpaj rejsichicuspapuni causayta munaycu. Diospi confiacuycupuni llaquiycunapi, muchuycunapi, ñac'ariycunapipis,

Filipenses 1:26

Ujtawantaj kancunawan caskayraycu astawan astawan Cristo Jesuswan ujchaska cusicunquichej.