2 Corintios 10:1 - Quechua South Bolivia: Dios Parlapawanchej

¹ Cunanka Cristoj c'acha yuyayninnejta qhuyacuyninnejtapis noka, Pablo, uyarinawayquichejta nishayquichej: “Nokamanta waquin nishasunquichej: Kancunawan caspalla may llamp'u sonko payka. Carupi caspataj mana manchachicuyniyoj”, nispa.

Qheshwa Biblia DC

¹ Noqa Pablo willaykichej, Cristoj k'acha misk'i sonqonrayku. Qankunawan kashaspaqa k'umuykukoj kani, qankunamanta karupi kashaspataj phiña sonqo kani.

DIOSPA QHELQACHISQAN DEUTEROCANONICAL

¹ Wakin ninku qankunawan kashaspa noqa mancha manchalla kasqayta, qankunamanta karupi kashaspataj runaraw kasqayta. Chaywanpis Cristo llamp'u sonqo, jinataj k'acha sonqo kasqanrayku noqa ujta mañarikuykichej:

DIOSPA QHELQACHISQ

¹ Wakin ninku qankunawan kashaspa noqa mancha manchalla kasqayta, qankunamanta karupi kashaspataj runaraw kasqayta. Chaywanpis Cristo llamp'u sonqo, jinataj k'acha sonqo kasqanrayku noqa ujta mañarikuykichej:

2 Corintios 10:1 ပူးပေါင်းရင်းမြစ်များ

San Mateo 11:29

Wacas yugota apancu ajinata yachachinasniyta casuychej. Nokamantataj yachacuychej. Llamp'u sonkoyojmin caspa mana jatunchacunichu. Kancunataj nokaman jamuspa sonkoyquichejpi cheka samacuyta tarinquichej.

San Mateo 21:5

Cay pachapi Diospa llajtan Sionpi tiyacojcunata niychej: “Khawaychej, Camachisojniyquichej jamushan. Payka llamp'u sonkoyoj, malton burropi llok'aska. Chay malton burroka chajnana uywaj uñan”.

Hechos 8:32

Diospa palabranta leeshaskanka cayjina carka: Payka uj ovejajina ch'inllamanta apachicorka wañuchinancupaj. Ruthojcuna ruthushajtincu corderojina ch'inlla cacorka. Ajinapi ni imata parlarerkachu.

Romanos 10:20

Chanta Isaiaspis mana p'enkacuspa kelkallarkataj Diospa niskanta: Mana masc'awajcuna tariwarkancu. Mana nokamanta tapucojcunamantaj sut'inchacorkani.

Romanos 12:1

Hermanosníy, Dios mayta qhuyacuwaskanchejraycu cayta mañacuyquichej: Causashaj jaywanatajina t'akaskata Diosta cusichinapaj cuerpoyquichejta payman jaywacuychej. Chaymin tucuy sonkowan Diosta yupaychayniyquichejka.

Romanos 15:15

Chaywanpis yuyarichinaypaj waquin imasmanta mana p'enkacuspa kelkamorkayquichej c'acha Dios yanapawaskanmanjina.

1 Corintios 2:3

Nokaka kancuna chaupipi pisipaj khawacorkani. [Willaranaymanjina mana willarayta atinayta] manchachicuspa anchata qharcatitispa ima carkani.

1 Corintios 4:10

Nokaycoka Cristoraycu wampu runas caycu. Kancunarí Cristowan mosoj causayniyquichejpi yachaysapas caskayquichejta yuyanquichej. Nokaycoka pisi callpas caycu. Kancunarí callpasapas caskayquichejta yuyanquichej. Kancunata runas mentasunquichej. Nokaycutarí manacajpaj khawawaycu.

1 Corintios 4:21

¿Maykentataj munanquichej, kancunata muchuchej jamunaytachu, chayrí sumaj munacuywan qhuyacuywan jamunaytachu?

2 Corintios 10:10

Yachani waquin nishancu: “Pabloj kelkaskasnenka sinch'itaj atiyniyojtaj. Caypi cashasparí pisi callpa runaman rijch'acun, niskasninpis ni imapaj cancu”, nispa.

2 Corintios 10:2

Waquintaj nokaycumanta nincu: “Cay pacha runasjinalla causashancu”, nispa. Noka jamuspa chekatapuni mana manchachicuspa paycunata c'amisaj. Chayjina sinch'i parlaywan kancunata niytaka mana munanichu. Chayraycu tucuy sonkowan kancunamanta mañacuyquichej: Ama paycunajinaka yuyaychejchu. Ajinamanta mana kancunaman sinch'ita parlanaychu canka.

2 Corintios 10:7

Ñaupakeyquichejpi sut'i imasta sumajta reparaychej. Sichus maykenpis Cristojta caskanta yuyan chayka, ujtawan yuyachun cay imasmanta. Reparachuntaj nokaycupis Cristojta caskaycuta.

2 Corintios 11:21

P'enkacuspa niyquichej, chaymanjina ruwanapajka nokaycu mana callpayoj runaschu caskaycuta. Astawanrí imatapis mayken mana manchachicuspa mentacunman chayka, nokapis, mana yuyayniyojllata parlaspa, mana manchachicuspa mentacuyta atini.

2 Corintios 11:30

Mentacunay cajtenka, mentacusaj pisi callpayoj caskayta ricuchej imasmanta.

2 Corintios 12:5

Chayjinallamanta mentacusaj. Nokamantarí mana mentacusajchu astawanka pisi callpayoj caskallaymanta mentacusaj.

2 Corintios 3:12

Chayraycu mosoj tratonta Dios junt'ananta yachaspa mana manchachicuspa Cristomanta sut'ita willaraycu,

2 Corintios 5:20

Chay willanamanjina Cristoj cachasnin canaycupaj churawarkaycu. Ajinapimin nokaycunejta Dios munacuyninwan wajyashasunquichej. Cristoj sutinpi mañayquichej: Diosman allinyacapuychej.

2 Corintios 6:1

Dioswan cusca llanc'ajcuna caspataj encargayquichej: C'acha yanapayninta ama yankhapaj jap'iychejchu.

2 Corintios 7:4

Mana manchachicuspa sut'ita tucuy sonkoywan parlarkayquichej. Kancunaraycu may cusiska cashani. Mayta sonkochawarkanquichej. Tucuy llaquiyniycupipis cusiywan sumajta junt'achiwarkanquichej.

Gálatas 4:13

Yachanquichej onkoska caskayraycu kancunaman Cristomanta willararkayquichej ñaupajpi.

Gálatas 5:2

Noka, Diospa cachan, nishayquichej: Chekanchaskas canayquichejpaj kharispi señalta ruwachicojcunata, chekatapuni kancunapaj Cristoka ni imaynamanta allinniyquichejpajchu canka.

Efesios 3:1

Ajinapimin noka, Pabloka, Cristo Jesusraycu wisk'aska cashani. Kancuna waj llajtayojcunaman willaranaypajmin paypa cachamuskan caskayraycu carcelpi taricuni.

Efesios 4:1

Ajinaka, noka, Señorninchejraycu wisk'aska, tucuy sonkowan mañacuyquichej Diospa wajyacuskasninjina causanayquichejta.

Filipenses 4:5

Tucuy runaspa ñaupakencupi c'acha runas caychej ama jap'inacojcunaka. ¡Señor cutimushanña!

Colosenses 1:23

Astawanrí Diospi jap'icuspa mana cuyoj sinch'ita sayacunayquichej tiyan. Sumaj willanaspi confiacuspapunitaj mana cuyucunayquichejchu tiyan. Chay uyariskayquichej sumaj willanasmin tucuy cay pachantinpi willaraska cashan. Chayta willaranaypajtaj Dioska noka Pablota camachinpaj churawarka.

2 Tesalonicenses 3:17

Noka, Pablo, cay napaycuta quiquin maquiywan kelkani yachanayquichejpaj nokajta caskanta. Ajinatapuni tucuy cartasniypi kelkani.

Filemón 1:19

Cayta kelkamushayqui quiquin maquiywan. Chekatapuni cutichipuskayqui. Atiymanpis yuyarichisuyta kan nokaman manu caskayquita Cristopi nokanejta jap'icuskayquiraycu.

Filemón 1:9

Munacususkayraycurí ajllani mayta niricusuyta. Noka, Pablo, ashqha watasniyojña cani. Cunantaj Jesucristomanta willaraskayraycu carcelpi wisk'aska,

1 Pedro 2:11

Munacuskasníy, yuyaricuychej cay pachapeka forastero causajcunalla canquichej. Janaj pacha llajtayoj caskayquichejraycu nishayquichej, cay pacha munaycunamanta carunchacunayquichejta. Chay manacaj munaycunaka mosoj causayniyquichejpi kancunawan makanacushancupuni.

Apocalipsis 1:9

Noka, Juan, hermanoyquichej cani. Kancunawan ujchaska llaquiycunata muchuni. Jesucristo tucuyta camachinancama paypi jap'icoj-masiyquichejpis cani. Diospa niskanta Jesucristomanta willaraskayraycu Patmos niska jallp'api casharkani. [Chay jallp'aka yacuwan muyuycuskamin.]