1 Tesalonicenses 4:9 - Quechua South Bolivia: Dios Parlapawanchej

⁹ Diosmin kancuna quiquiyquichejta yachachisorkachej hermanospura munanacuyta. Chayraycu chay munanacuy jawa mana kelkamunaycuchu tiyan.

Qheshwa Biblia DC

⁹ Kunanqa, hermanopura munanakunamantaqa anchaña kanman escribimunayqa. Qankuna Diosmanta yachakorqankichej purajmanta munanakunaykichejta.

DIOSPA QHELQACHISQAN DEUTEROCANONICAL

⁹ Diosta qhatejkunapura munakunamanta manaña imatapis ninayku kanchu, imaraykuchus Dios kikinmin qankunapura munakunaykichejta yachachisunkichej.

DIOSPA QHELQACHISQ

⁹ Diosta qhatejkunapura munakunamanta manaña imatapis ninayku kanchu, imaraykuchus Dios kikinmin qankunapura munakunaykichejta yachachisunkichej.

1 Tesalonicenses 4:9 ပူးပေါင်းရင်းမြစ်များ

San Mateo 22:39

Iscay caj camachiskanpis chay ñaupaj caj quiquillantaj: Runa-masiyquita munacuy kan quiquiyquitajina.

San Juan 14:26

Chay Yanapaj Santo Espiritutarí Tatay sutiypi cachamonka. Paymin mosoj causayniyquichejpi tucuy imata yachachisonkachej. Noka nerkayquichej, tucuy chay niskasniyta yuyarichisonkachejtaj.

Hechos 4:32

Jesucristopi chay ashqha jap'icojcunaka uj sonkolla uj yuyaylla tucuy imapi causacorkancu. Paycunamantataj ni uj runapis capuyninta “nokajllata” nejchu. Manachayrí tucuynincu hermanospura capuynincumantapis pisichicuskancumanjina yanapanacoj cancu.

Romanos 12:10

Munanacuychej c'acha familiajina. Respetanacuypeka ñaupaj caychej.

2 Corintios 9:1

Jerusalenpi hermanosninchejpaj chay yanapana konanchejmanta yachanquichejña. Chayraycu chay imasmanta manaña kelkamusunayquichejchu tiyan

Filipenses 3:15

Ajinaka Cristopi wiñaskasña cajcunaka chayjinata yuyanachej. Maykenpis uj imapi waj yuyayniyoj canman chayka, chaytapis Dios kancunaman ricuchisonkachej.

1 Tesalonicenses 5:1

Hermanosníy, kancuna munashanquichej yachayta: Unaytachus suyananchejta Señor Jesucristoj cutimunanta. ¿Imaspiwantaj cankancu? Kancunarí sumajta yachanquichejña pay mana yuyaymanta cutimunanta. Uj suwa tutapi ujllata jamun, ajinata jamonka. Chayraycu mana chay jawa kelkamunaycuchu tiyan.

Hebreos 10:16

Khepa p'unchaycunapi paycunapaj mosoj tratoy caymin: Sonkoncuman camachiskasniyta churasaj casuyta munanancupaj, yuyaynincupitaj kelkasaj entiendenancupaj, nerka Señor Dioska.

Hebreos 13:1

Cristowan ujchaska hermanosjina imaynatachus munacuywan causashanquichej ajinallatapuni munanacuychej.

1 Pedro 3:8

Cunanka, tucuy kancuna uj yuyayniyojlla caychej. Llaquiypi cusiypipis cuscachacuychej. Hermanosjina munanacuychej. Callpachanacuychej. Llamp'u sonkoyojtaj caychej.

1 Pedro 4:8

Tucuy imamanta astawanka kancunapura munanacuychej. Munacojka runa-masinpa ashqha pantaskantapis konkapun. Chayraycu tucuy sonkowanpuni munanacuychej.

2 Pedro 1:7

Ajinata causacuspataj c'acha qhuyacuyta hermanosman ricuchiychej. Qhuyacuyta ricuchispataj tucuy sonkowan Cristojina munacuychej.

1 Juan 2:10

Hermanonta munacojrí Cristoj camachiskanta casunpuni. Sumaj sonkowan causantaj ni pita juchaman urmachinanpaj.

1 Juan 3:11

Chekatapuni purajmanta munanacunanchej, cay willanataka ñaupajmantapacha uyarerkanquichejña.

1 Juan 3:23

Dioska camachiwanchej sumajta jap'icunanchejta Jesucristo paypa ajllaska Wawan caskanta. Nokanchejpurataj munanacunanchej tiyan camachiwaskanchejmanjina.

1 Juan 4:21

Cristori camachiwarkanchej Diosta munacojka hermanontapis munacunanta.