1 Corintios 8:13 - Quechua South Bolivia: Dios Parlapawanchej

¹³ Chayraycu miqhuskaychus hermanoyta urmachin chayka, manaña chay miqhunasta jayc'ajpis miqhusajchu hermanoyta ama urmachinaypaj.

Qheshwa Biblia DC

¹³ Chayrayku lantiman jaywasqata mikhusqaychus hermanoyta misk'achinman chayqa, mana jayk'ajpis aychata mikhusajchu, hermanoyta ama misk'achinaypaj.

DIOSPA QHELQACHISQAN DEUTEROCANONICAL

¹³ Chayrayku sichus noqa lantikunaman jaywasqa mikhunata mikhusqayrayku Cristota qhatej masiy misk'anman chayqa, noqaqa mana jayk'aj chay aychata mikhusajchu, imajtinchus mana munanichu Diosta qhatej masiyta juchallichiyta.

DIOSPA QHELQACHISQ

¹³ Chayrayku sichus noqa lantikunaman jaywasqa mikhunata mikhusqayrayku Cristota qhatej masiy misk'anman chayqa, noqaqa mana jayk'aj chay aychata mikhusajchu, imajtinchus mana munanichu Diosta qhatej masiyta juchallichiyta.

1 Corintios 8:13 ပူးပေါင်းရင်းမြစ်များ

San Mateo 17:27

Astawanpis kolke jap'ejcunata ama phiñachinanchejpaj kolketa kosunchej. Kochaman challwata jap'ej riy. Anzuelota yacuman chokaycuy. Ñaupaj caj challwata jap'ispataj yacumanta orkhoy. Chay challwaj siminta quicharispa kolketa tarinqui. Chay kolketa apaspa nokamantawan kanmantawan kolke jap'ejcunaman komuy, —nispa nerka Jesús.

Hechos 15:20

Astawanpis paycunaman kelkasunman: “Amaña ruwaska dioscunapaj jaywanasta miqhunancuta, ni khenchachacunancuta, nitaj sipiska uywaj aychanta miqhunancuta yawarnintin caskanraycu, nillataj ima yawarta miqhunancuta”.

Romanos 14:13

Chayraycu amaña nokanchejpura khawaranacunachu. Astawanrí caymanta allinta khawacuychej: Ama pipis urmachina imawan hermanonta juchallichichunchu.

Romanos 14:21

Allinmin mana aychata miqhuyka nitaj vinota ujyayka nitaj mayken urmachej imata ruwaypis. Imachá hermanoyquita juchallichinman chayrí Diospi jap'icuyninpi pisiyachinman, chayta ama ruwaychu.

1 Corintios 10:32

Ajinaka ama urmachejka caychejchu ni israelcunapaj ni waj llajtayojcunapaj nitaj Diospa ajllacuskasninpajpis.

1 Corintios 10:33

Noka quiquiytaj causashani tucuypi tucuyta yanapanaypaj. Manamin nokaj allinnillaytachu masc'ani manachayrí tucuypa allinnincuta, runasta pusamuyta Cristota rejsinancupaj.

1 Corintios 13:5

Munacojka ni piman p'enkay cajta ruwanchu; manataj payllapajchu masc'an; manataj phiñacunchu. Munacojka runa-masinpa sajra ruwaskanta mana sonkonpi wakaychanchu;

1 Corintios 6:12

Atiyman tucuy imatapis ruwayta. Astawanrí manamin tucuychu allinpaj. Atiyman tucuy imata ruwaytapis. Astawanrí manamin ni mayken munayniywan atipachicusajchu.

1 Corintios 9:12

Kancunaj koskayquichejta waquinpis jap'ejtincoka ¿manachu nokaycoka aswan ashqhataraj jap'inaycu canman? Astawanrí causanaycupaj kancunamanta mana imatapis jap'erkaycuchu. Chaywanpis tucuy imata muchushaycupuni Cristoj sumaj willanasninta ama jarc'anaycupaj.

2 Corintios 11:29

Maykenpis pisi callpayoj taricojtinrí, nokapis paywan pisi callpayojllataj taricuni. Maykenpis juchaj trampanman urmajtin, nokapis paywan llaquiska ninapijina muchushani.

2 Corintios 6:3

Allinta khawacuycu ama pitapis misc'achinaycupaj llanc'ayniycuta runas ama khawaranancupaj.