1 Corintios 4:19 - Quechua South Bolivia: Dios Parlapawanchej

¹⁹ Astawanrí uskhayllata kancunaman jamusaj, Señor munajtenka. Ricusaj yachasajtaj cay jatunchacojcunamanta mana niskasnillancutachu astawanpis atiynincuta.

Qheshwa Biblia DC

¹⁹ Señor munanqa chayqa, usqhayta watukoj jamusqaykichej. Chaypitaj rejsisaj chay wapusta; mana palabrasninkutachu, astawanqa atiyninkuta, wapuykachaspa purejkunata.

DIOSPA QHELQACHISQAN DEUTEROCANONICAL

¹⁹ Chaywanpis sichus Tukuyta Kamachej Jesús munanqa chayqa, qankunata watukoj usqhayta jamusaj. Chaypachataj yachasaj chay may kasqankuta yuyakojkuna parlashallankuchus, chayrí nisqankuta ruwashankuchus manachus, chayta.

DIOSPA QHELQACHISQ

¹⁹ Chaywanpis sichus Tukuyta Kamachej Jesús munanqa chayqa, qankunata watukoj usqhayta jamusaj. Chaypachataj yachasaj chay may kasqankuta yuyakojkuna parlashallankuchus, chayrí nisqankuta ruwashankuchus manachus, chayta.

1 Corintios 4:19 ပူးပေါင်းရင်းမြစ်များ

Hechos 18:21

Paycunawan cacharpayanacushaspa nerka: —Dios munajtenka kancunaman cutimuskayquichej, —nispa. Chaymantataj Pabloka barcopi Efeso llajtamanta riporka,

Hechos 19:21

Chay imas ruwacuskanpa khepantataj Pabloka sonkonpi yuyasharka: —Macedonia jallp'anejta Acaya jallp'anejta Jerusalén llajtaman risaj. Jakayman chayaspari Roma llajtamanpis rinallaytaj tiyan, —nispa.

Hechos 20:2

Tucuy chaynejta purishaspataj ashqha niskasninwan Cristopi hermanosta yuyaycharka. Ajinaspataj Grecia jallp'aman chayamorka.

Romanos 15:32

Ajinapimin Diospa munayninnejta cusiywan kancunaman chayamuspa cusca sonkochanacusunchej.

1 Corintios 11:34

Sichus maykenpis yarkhayniyoj chayka, wasinpi miqhuchun. Ajinata ruwaychej tantacuskayquichej ama juchachaska cananpaj. Chay uj imastaka jamuspa arreglasaj.

1 Corintios 14:5

Munayman tucuy kancuna waj parlaycunapi parlajcuna canayquichejta. Astawanka munani willaranayquichejta. Curajmin willarajka waj parlaycunapi parlajmantaka. Astawanrí chay parlaskanta sut'inchajtillan tantaska hermanosta wiñachinapaj canman.

1 Corintios 16:5

Macedonia jallp'anejta watucoj risaj, chaypacha kancunajman jamusaj. Macedonianejman rejmin churacushani.

1 Corintios 16:7

Cunanrí manamin pasajjinalla kancunata waturiytachu munani. Señor munajtenka unay p'unchaycunata kancunawan caricuytamin munashani.

1 Corintios 2:6

Nerkaniña mana cay pacha yachaysapa parlaywanchu jamuskayta. Chayka mana niyta munanchu willaraskay mana yachayniyoj caskanta. Diospi wiñaska runaswan cashaspaka yachaywan parlaycu. Cay yachayrí mana cay pachaj yachayninchu nitaj cay pacha camachejcunaj yachaynincuchu. Paycunaka chincapushancu.

1 Corintios 4:18

Kancunamanta waquenka jatunchacuspa nishancu: “Pabloka mana jamonkachu”.

1 Corintios 4:6

Hermanosníy, cay imasta ricuchinatajinalla allinniyquichejpaj willayquichej. Nokamantawan Apolosmantawan yachacuychej Diospa palabranmanjinalla runasta khawayta. Ama kancunaka uj yachachejta jatunpaj khawaychejchu wajtataj manacajpajka.

2 Corintios 1:23

Dioska sonkoyta yachan. Chayraycu paypa ñaupakenpi cayta niyquichej: Kancunata mana llaquichiyta munaskayraycu manaraj jamushayquichejchu.

2 Corintios 10:9

Chayta nishani mana kelkaskaynejllata manchachejjina rijch'acunaypajchu.

Hebreos 6:3

Diospa yanapayninwanka ñaupajman rispa jatun yachachinaspi wiñaskaspuni casunchej.

Santiago 4:15

Kancunarí cayjinata ninayquichej: “Señor Dios munajtenka causasunchej. Caytapis jakaytapis ruwasunchej”, nispa.