1 Corintios 4:10 - Quechua South Bolivia: Dios Parlapawanchej

¹⁰ Nokaycoka Cristoraycu wampu runas caycu. Kancunarí Cristowan mosoj causayniyquichejpi yachaysapas caskayquichejta yuyanquichej. Nokaycoka pisi callpas caycu. Kancunarí callpasapas caskayquichejta yuyanquichej. Kancunata runas mentasunquichej. Nokaycutarí manacajpaj khawawaycu.

Qheshwa Biblia DC

¹⁰ Noqaykoqa Cristoj munakuyninrayku mana yuyayniyoj jina kayku; qankunataj may yachayniyoj Cristopi kankichej. Noqayku pisi kallpas kayku, qankunataj sinch'is kankichej. Runaspajpis may allimpaj qhawasqas kankichej, noqaykutaj qhesachasqas.

DIOSPA QHELQACHISQAN DEUTEROCANONICAL

¹⁰ Cristota kasusqaykurayku runakunaqa mana yuyayniyojta jina qhawawayku. Qankunatatajrí paykuna Cristorayku may yachayniyojkunata jina qhawasunkichej. Noqayku pisi kallpa kayku, qankunatajrí sinch'i kallpayoj kankichej. Qankuna manchay respetowan qhawasqa kankichej, noqaykutajrí pisipaj qhawasqa.

DIOSPA QHELQACHISQ

¹⁰ Cristota kasusqaykurayku runakunaqa mana yuyayniyojta jina qhawawayku. Qankunatatajrí paykuna Cristorayku may yachayniyojkunata jina qhawasunkichej. Noqayku pisi kallpa kayku, qankunatajrí sinch'i kallpayoj kankichej. Qankuna manchay respetowan qhawasqa kankichej, noqaykutajrí pisipaj qhawasqa.

1 Corintios 4:10 ပူးပေါင်းရင်းမြစ်များ

San Mateo 24:9

‘Chaypachamin sinch'i llaquichiskas canayquichejpaj jaywaycusonkachej wañuchisonkachejtaj. Chaywanpis tucuy runas yachacojcunay caskayquichejraycu chejnicusonkachej.

San Mateo 5:11

‘May cusiskas canquichej runas llullacuspa sajrata rimasojtiyquichej, muchuchisojtiyquichej khasimanta c'amisojtiyquichejpis, nokata casuwaskayquichejraycu.

San Lucas 10:16

Chaywanpis Jesús chay kanchis chunca runasta nerka: —Kancunata uyarejka nokata uyariwan. Kancunata khesachajri nokata khesachawan. Nokata khesachawajrí cachamuwajniyta khesachallantaj, —nispa.

San Lucas 18:9

Jesús waquin runasman parlarka uj quiquinchanawan. Chay runaska yuyasharkancu chekan ruwajcuna caskancuta. Tucuy waj runastataj manacajpaj khawaj cancu. Chayraycu ajinata nerka:

San Lucas 6:22

‘Cusiskas canquichej runas kancunata chejnisojtiyquichej, jawaman kharkosojtiyquichej, llullacuspa sajrata kancunamanta rimasojtiyquichej. Cusiskas canquichej runas kancunata sajra runastajina khesachasojtiyquichej, nokata, Diospa cachaska Runanta, khatiwaskayquichejraycu.

Hechos 17:18

Chaypi carkancu waquin yachayniyoj epicureocunamanta estoicocunamantawan. Paycuna Pablowan tapunaycucorkancu. Waquintaj nisharkancu: —Cay thautej runari ¿imatataj niyta munanrí? Ujcunataj nisharkancu: —Waj dioscunamanta willarajman rijch'acun. Chayta nerkancu Jesusmanta causarimuyninmantawan willaraskanraycu.

Hechos 17:32

Wañuskacuna causarimuskancuta uyariytawan waquenka asicorkancu. Waquintaj nerkancu: —Chay causarimuymantaka ujllapiwanña uyarisajcu, —nispa.

Hechos 26:24

Pablo chayta cutichicushaspa camachej Festoka sinch'iwan nerka: —¡Pablo, umayqui muyuska cashanqui! Anchata yachaskayqui umayquita muyuchishasunqui, —nispa.

Hechos 9:16

Noka quiquiy ricuchisaj payman may chhicata nokaraycu ñac'arinanta, —nispa.

1 Corintios 1:21

Cay pacha runaska tucuy yachaynincuwan Diosta mana rejsiyta aterkancuchu. Caytaj carka Diospa yuyaskanmanjina yachayninpi. Willaraskaycunejta Dios qhuyacoj munayninpi juchamanta cacharichiyta yuyarka paypi jap'icojcunata. Cay willarayka cay pacha runaspaj mana yuyayniyojman rijch'acun.

1 Corintios 1:23

Astawanpis nokanchejka Cristomanta willaranchej, pay nokanchejraycu chacataska caskanmanta. Cayri israelcunapaj misc'ana, wajcunapajtaj mana yuyayniyoj.

1 Corintios 1:25

Runaspajka Diospa ruwaskan mana yuyayniyojman rijch'acun. Astawanrí Diosmanta mana yuyayniyojman rijch'acojka runaspa yachaynincumanta astawan yachayniyojmin. Diosmanta mana callpayojpaj khawaska cajtaj runasmanta aswan callpayoj.

1 Corintios 10:12

Ajinaka allinta sayashaskanta yuyajka khawacuchun juchaman ama urmananpaj.

1 Corintios 2:14

Cay pacha yuyayniyoj runaka mana jap'inchu Diospa Espiritunpa yuyayninta. Paypajka mana yuyayniyojmin. Santo Espíritoj pusaskallan Diospa yuyayninta reparayta atin.

1 Corintios 2:3

Nokaka kancuna chaupipi pisipaj khawacorkani. [Willaranaymanjina mana willarayta atinayta] manchachicuspa anchata qharcatitispa ima carkani.

1 Corintios 3:18

Ama ni pipis payllataj pantachicuchunchu. Kancuna chaupipi cay pachapi yachayniyoj caskanta yuyajka mana yuyayniyojman tucuchun. Ajinaman tucuchun cheka yachayniyoj cananpaj.

1 Corintios 3:2

Kancunawan cashaspa yachacherkayquichej pisimanta pisi. Imaynatachus wawitas lechellata jap'incu, ajinallataj kancunapis carkanquichej. Jatuchej yachachiycunata sonkoyquichejpi jap'icuspa sayachiyta mana aterkanquichejchu. Nitaj cunanpis atishanquichejrajchu,

1 Corintios 4:8

¡Kancunaka rijch'acunquichej sajsaskasmanña, mosoj causaypi khapajyachiskasmanñataj rijch'acapunquichej! ¡Mana nokaycullawan camachishanquichejña! ¡Munayman Dioswan camachishanayquichejta, nokaycupis kancunawan cusca camachiyta atinaycupaj!

2 Corintios 10:10

Yachani waquin nishancu: “Pabloj kelkaskasnenka sinch'itaj atiyniyojtaj. Caypi cashasparí pisi callpa runaman rijch'acun, niskasninpis ni imapaj cancu”, nispa.

2 Corintios 11:19

Arí, kancunapis yuyayniyoj caspa mana yuyayniyojcunata cusiywan muchullanquichej.

2 Corintios 11:29

Maykenpis pisi callpayoj taricojtinrí, nokapis paywan pisi callpayojllataj taricuni. Maykenpis juchaj trampanman urmajtin, nokapis paywan llaquiska ninapijina muchushani.

2 Corintios 13:9

Cusicuycutaj pisi callpayoj runas caspa, kancuna callpachaskas cajtiyquichej. Diosmanta mañacuycu sumaj wiñaskas canayquichejpaj.

2 Corintios 4:12

Chayjinamanta nokaycoka wañuy patapipuni caycu kancuna wiñay causayniyoj canayquichejpaj.

2 Corintios 6:8

Sumajpaj khawaskas chayrí chejniskas, ch'ataskas chayrí mentaskas cajtiycupis payka chekan yanapanasta kowaycu. Runas nincu, pantachispa purejcuna chayrí cheka yachachejcunapis caskaycuta.

1 Tesalonicenses 4:8

Chayraycu cay camachiskanta khesachajka mana runastachu khesachan. Manachayrí Diosta khesachan. Paymin Santo Espirituta sonkosninchejman cachamorka tiyacunanpaj.

1 Pedro 4:14

Cristojta caskayquichejraycu chejnicuspa c'amisojtiyquichejka cusiskas canquichej Diospa Espíritun atiyninwan kancunapi tiyacuskanraycu.