1 Corintios 3:11 - Quechua South Bolivia: Dios Parlapawanchej

¹¹ Cay wasej cimientonka ujlla, Jesucristo. Waj cimientota mosoj causaypaj mana pipis churayta atinchu.

Qheshwa Biblia DC

¹¹ Manataj pipis waj cimientota churayta atinchu churasqamantaqa; chay cimientoqa Jesucristo.

DIOSPA QHELQACHISQAN DEUTEROCANONICAL

¹¹ Manataj pipis cimiento churasqamantaña waj cimientota churayta atinchu, imaraykuchus chay cimientoqa Jesucristo.

DIOSPA QHELQACHISQ

¹¹ Manataj pipis cimiento churasqamantaña waj cimientota churayta atinchu, imaraykuchus chay cimientoqa Jesucristo.

1 Corintios 3:11 ပူးပေါင်းရင်းမြစ်များ

San Mateo 16:18

Noka nillayquitaj kanka Pedro caskayquita. Chaytaj niyta munan rumi. Ujchaska ajllacuskasniytaj sinch'i rumi patapi wasichaskajina cancu. Uqhu pacha supay Satanás chayta manapuni atipankachu.

1 Corintios 3:10

Dios kowarka atiyninta uj sumaj yachachiska wasichaj canaypaj. Sumaj willanasta kancunaman ñaupajta willaraskaywan cimientota churarkani. Chaymantaj waj yachachej wasichajjina ruwashan. Astawanrí sapa uj sumajta khawacuchun imaynatachus cimientoj patanpi wasichashaskanta.

1 Corintios 3:12

Diospa wasinta ruwananpaj uj wasichajka wiñay sayachejcunata chayrí pisi ratullapaj sayachejcunatapis ajllayta atin. Caycunajina canman: Kori, kolke, valorniyoj rumicitus, c'aspi, chhala, ichhupis.

Efesios 2:20

Cachacunanpa willajcunanpa cimientoncu patapi wasichaskasjina canchej. Cristo Jesús quiquintaj aswan sumaj wasichana rumijina.

2 Timoteo 2:19

Astawanpis Diospa churaskan cimientoka sinch'i sayaskamin. Chay rumipi sellaskataj cayta nin: Señorninchej rejsin paypa runasnin cajcunata. Nillantaj: Sapa uj, “Diospa runan cani” nejka, sajra ruwanasmanta carunchacuchun.

1 Pedro 2:4

Runaska yupaychana-wasita ruwanancupaj rumista allinta khawaspa ajllancu. Diospis yupaychana-wasita ruwashan. Cay wasi cimientopaj causayta koj Cristota churarka, sumaj caj rumitajina. Runaska payta khesacharkancu. Diospajrí payka may sumajpaj khawaskan ajllacuskantajmin. Chayraycu Cristoman kayllaycuychej paywan ujchaska Diospa yupaychana-wasinpaj rumisjina canayquichejpaj. Chaywanpis yupaychana-wasenka Diosman santo kayllaycuchejcunapajmin. Kancunaka chay kayllaycuchejcuna canquichej tucuy sonkowan Diosman jaywacunayquichejpaj. Chay cheka jaywacuskayquichejka Jesucristonejta Diosta cusichin.