1 Corintios 1:26 - Quechua South Bolivia: Dios Parlapawanchej

²⁶ Reparacuychej, hermanosníy, imaynata pisi cajpaj khawaskasta Dios wajyasuskayquichejta. Cay pacha runas uqhupi pisislla yachayniyojcuna canquichej. Pisislla atiyniyoj churaskas canquichej. Pisisllataj sumaj ayllumanta canquichej.

Qheshwa Biblia DC

²⁶ Chayrayku, hermanos, qhawarikuychej wajyasqas kasqaykichejta. Aychaman jina mana ashkhachu kankichej yachayniyojkunaqa, manataj ashkhachu atiyniyojkuna, manallataj ashkhachu qhapajkunapis.

DIOSPA QHELQACHISQAN DEUTEROCANONICAL

²⁶ Chayrayku, wawqe panakuna, maypachachus Dios wajyasorqachej chaypacha imaynachus kasqaykichejmanta yuyarikuychej. Runaj qhawasqanman jina qankunamanta pisilla yachayniyoj karqankichej. Manallataj ashkhachu atiyniyoj karqankichej, nitaj jatunpaj qhawasqa ayllumantachu.

DIOSPA QHELQACHISQ

²⁶ Chayrayku, wawqe panakuna, maypachachus Dios wajyasorqachej chaypacha imaynachus kasqaykichejmanta yuyarikuychej. Runaj qhawasqanman jina qankunamanta pisilla yachayniyoj karqankichej. Manallataj ashkhachu atiyniyoj karqankichej, nitaj jatunpaj qhawasqa ayllumantachu.

1 Corintios 1:26 ပူးပေါင်းရင်းမြစ်များ

San Lucas 10:21

Chay quiquinpacha Santo Espíritu Jesuspa sonkonman jatun cusiywan junt'acherka. Jesustaj nerka: —Tucuy cay pachata janaj pachatawan Camachej Tatáy, agradececuspa yupaychayqui. Imaraycuchus yuyaskayquita pacarkanqui ancha yachayniyoj runasmanta. Chaytarí wawajina llamp'u sonkoyojcunaman sut'incharkanqui. Arí, Tatáy, ajinata ruwaskayquipi cusicunqui, —nispa.

Hechos 13:12

Chayta ricuspa Sergio Paulo Jesuspi jap'icorka. Maytataj t'ucorka Señor Jesuspa yachachinasninta uyarispa.

Hechos 13:7

Chay jallp'api Sergio Paulo camacherka, sumaj yuyayniyoj runataj carka. Chay layka paywan caj. Camachej Sergiotaj munarka yachayta Diospa sumaj willanasninta. Chayraycu wajyacherka Bernabeta Saulotawan.

Hechos 17:34

Waquinrí payman ujchacapuspa Jesucristopi jap'icorkancu. Chay jap'icojcunamanta carkancu chay llajtapi uj curaj runa Dionisio, Dámaris sutiyoj warmipis, waj runaspiwan.

Romanos 11:29

Dios c'achapuni caspa churaska atiynintapis wajyaskantapis manamin jayc'aj konkapunchu.

1 Corintios 1:20

Cachun yachaysapa, cachun yachachej, cachun cay pacha imasmanta unanchajpis, Diospa ñaupakenpeka manacajmin. Cay pacha runaj yachayninta Dioska mana yuyayniyoj caskanta ricucherka.

1 Corintios 2:13

Chayta parlanchej mana yachaysapa runaspa yachachiskancuwanchu. Astawanrí Espíritoj yachachiskanwan parlanchej. Santo Espíritoj yuyayninta Espirituwan pusaskacunaman sut'inchanchej.

1 Corintios 2:8

Cay yachayta cay pacha camachejcunamanta ni mayken repararkancuchu. Reparancumanchus carka chayka, wiñay atiyniyoj Señorninchejta mana chacatancumanchu carka.

Filipenses 4:22

Napaycamusunquichej tucuy Diospa runasnin astawanka jatun camachejpa wasinmanta cajcuna.

Santiago 2:5

Uyariwaychej, munaska hermanosníy: ¿Manachu Dios ajllarka cay pachapi pisi capuyniyoj runasta sonkoncupi khapaj canancupaj paypi jap'icuspa? ¿Manachu paycunata ajllarka causanancupaj pay camachin, chaypi? Chay causayta sumajta nerka konanta tucuy payta munacojcunaman.

2 Juan 1:1

Kelkamuyquichej kancuna Cristopi ajllaska tantacojcunaman. Nokataj sapa ujniyquichejta Cristopi chekata munacuyquichej. Manataj nokallachu manachayrí cheka caj Jesucristota tucuy rejsejcunapis munacusunquichej.