San Mateo 12:19 - Mushuq Testamento

¹⁹ Chaqa manami imapaq mayqanwanpis willanakunqachu. Chaynulla manami rimapakunqapischu nublirukuna yupayqa. Manami mayqanpis uyapanqachu waqtakunapi alabakaqtaqa.

San Mateo 12:19 ပူးပေါင်းရင်းမြစ်များ

San Mateo 11:29

Chaqa nuqamanta yaĉhakuqkunaqami nuqawan yuntakasha yupayna. Chaymi nuqa yupaylla kayta yaĉhakuyllapa. Chaqa nuqaqami ima katinpis mana das piñakur imachu, ashwan kusa shumaqlata ima intrachikuni. Chaynu nuqawan karqami kusala shumaqta tukuy tyimpupaq almaykillapapi samankillapa.

San Mateo 12:20

Chaynulla kaña qiwikasha yupay kaq runakunataqami shumaqlata kuytanqa. Chaynulla chay wanuqnula lamparita ratakuq yupay runakunatapis shumaqlata kuytanqa, Dyus tukuy munashankuna kumplikanankaman.

San Lucas 17:20

Chay fariseo runakunaqami Jesustaqa tapuran, maydiyashi Dyuspa mantakuyninqa ĉhamuyanqa, nir. Chaymi taputinllapaqa, payqa niran: —Dyuspa mantakuyninqami mana kwintata qukayatkillapa ĉhamunqa.

2 Corintios 10:1

Kriyiq masiykuna, imanutaq Jesucristumaqa kusa allin kashanrayku mana piñakun imachu, chaynullami nuqapis qamkunata rugashunillapa ama nuqapaq ukmanta yarpunaykillapapaqchu. Chaqa qamkunamanta wakinkunaqami ninllapa: Nuqa qamkunawan karqashi kusalata manchashurllapa kusa shumaqlata yaĉhachikuni. Nataq wakaqpi karqashi kusala marraju tukur anyaqnulla iskribishunillapa nir.