San Marcos 12:11 - Mushuq Testamento

¹¹ Piru tukuy chaynu kananpaqqa Dyusmi chaynuqa ruraran. Chaymi ashwan paylata alabashunllapa’ nir”.

San Marcos 12:11 ပူးပေါင်းရင်းမြစ်များ

San Mateo 21:42

Chaymantami Jesusqa niran paykunataqa: —¿Manachu qamkunaqa liyishaykillapa, Dyus nitin iskribikashakunataqa? Chaqa chaypiqa kaynu nin: ‘Chay llutakuqkuna kay rumiqa mana sirbinchu nir itakushanllapami, ashwan kusala shumaq rumipaq tikrakasha. Piru tukuy chaynu kananpaqqa Dyusmi chaynuqa ruraran. Chaymi ashwan paylata alabashunllapa’ nir.

Hechos 2:12

Tukuy paykunami kusata dispantakarllapa, mana allita yarpuranllapachu. Chaymi kaynu ninakuqllapa: “¿Imatataq munan niyta, tukuy kayqa?” nir.

Colosenses 1:27

Chaymi chay kusala shumaqta payla yarpushanta intrachimarninchikllapaqa, tukuy mana Israelmanta kaqkunatapis washayanqa nir intrachimaranchikllapa. Chayraykumi Wamran Jesucristuta kaĉhamuran, paypi tukuy kriyisha nuqanchikkunawanna katin, Dyusninchik mantakuyashan luryanpina kawsanallapapaq.

1 Timoteo 3:16

Chaqa chiqaptaqami unayqa Tayta Dyus washamanallapapaq arnimashanchikllapataqa mana intrakaranchikllapachu. Piru kananqami kriyishanchikllaparayku rikasha yupayna allita intrakanchikllapa. Chaqa Jesucristumi kay pachaman shamur uk runa kwirpuyjunpaq tikrakaran. Wanuchitinllapapis Dyuspa Santu Ispiritun yanapatin qashan kawsamur intrachikuran, payqa kusala puytiq nir. Tukuyla angelkunami imakunata ruratinpis rikaran. Kriyiqkuna tukuy intirupi parlakutin, kusa achka runakuna paypi kriyiranllapa. Chaynulla wanushanmanta kawsamurmi riran syiluman Taytanwanna kananpaq.